PROCLAMATION RELIGIEUSE

Archiyes de Geoèye. Portefeailles des pièces historiques.

Dossier fi<* 1431.

Exhortations adressées par le Conseil aux citoyens,

bourgeois et habitants.

18 janvier 1549.

Grâce et paix de par Dieu le père et de par Jésus-Christ son fils nostre Seigneur.

Nous Syndics et Conseil de Genève à touts noz chers, féaux et bien aymez citoyens, bourgeoys, manans et habitants de nostre cité, salut en nostre Seigneur.

Nous vous faisons sçavoir que voyants les grands malheurs et désordres qui sont à présent par toute la terre, lesquels sont certains tesmoignaiges de Tire de Dieu contre les hommes, et que ses verges sont desployées pour punir leur ingratitude et les grandes iniquités qui se commettent journellement en touts estats, et singulièrement le mespris de sa saincte parolle et de ses ordonnances ; cognoissants d'aultre costé la singulière grâce qu'il nous a faicte par sa miséricorde, et qu'il nous luy fault rendre comple du peuple qu'il nous a commis en charge; voyants aussy que nos mandements et statuts qu'avons faicts et souvent publiez, suyvant la réformation que nouz avons prise de l'Evangile, ne sont observés selon nostre intention et désir, ains plustost mesprisés, nous ne voulons estre ingrats envers Dieu et ses bénéfices, ne faire que le sang de nos subjects soit requis de nos mains, comme de faict il le seroyt, si Dieu par nostre coulpe et négligence estoyt deshonoré et ses sainctes ordonnances mises soubz les pieds ; par quoy ensuyvants l'exemple des bons roys de l'Eglise anciene et aussy des princes, seigneurs et magistrats crestiens qui se sont gouvernez selon la parolle de Dieu, voulants remédier à tels maux, en tant qu'en nous est, selon la grâce et auctorité qu'il nous a donnée, déclairons à tous les subdicts que nous sommes fort marrys et déplaisants de ce que les sainctes admonitions et remonstrances qui leur ont esté faictes par la parolle de Dieu, laquelle leur est journellement prescbée, n'ont esté mieulx oteervées comme il appartenoyt, et aussy que les mandements faicts de nostre part n'ont esté mieux gardez et mis en eSTect, en quoy les mi-

nistres de la paroUe de Dieu ont esté négligents et n'ont pas faict leur debvoir d'exercer leur office, en admonestant et reprenant les vices et monstrant bonne exemple, comme ils y sont tenus, et que leur vocation le porte. Voyants doncques le mespris et nonchalance qui est en beaucoup et quasi en touts, de fréquenter les prédications et catéchismes ou instructions des enfants, et conséquemment les transgressions qui se commettent contre la paroUe de Dieu et nos mandements et édicts, conformes à icelle, mesme touchant l'abolition des cérémonies papales, idolâtries, superstitions, blasphèmes, sorceleries, charmes, yvrongneries, gourmandises, dances, chansons deshonestes, jeux, dissolutions en habillements, paillardises, usures, rapines, tromperies et aultres telles iniquités et scandales qui régnent, dont l'ire de Dieu est provocquée et emflambée ; ayants grand regret et desplaisir que Dieu n'est mieux craint et servy, et désirants d'y pourvoir et mettre ordre : & ceste cause déclairons que nostre vouloir est d'y tenir la main et mettre toute peine et diligence que touts, grands et petits, se rengent à vivre crestiennement et recommandons à touts et ung chascun de& susdicts, qu'ils ayent à s'y employer fidèlement chascun selon son estât et faculté ; que touts pères de famille soyent diligents à instruire leurs enfants, serviteurs et servantes, et à les faire venir aux sermons et catéchismes ; sustout que nos officiers soyent vigilants à faire observer nos dicts mandements et ordonnances, sans aucun support ny de grand ny de petit, et sans crainte des troubles qui sont à présent, et que ceulx qui ont charge publique soyent les premiers pour monstrer bonne exemple aux aultres et les mettre en bon train. Aussy que les prescheurs facent leur debvoir à s'acquitter diligemment de leur office et estre plus soigneux et ardents qu'ils n'ont este à enseigner, admonester et redarguer les vices comme il fault, en tant que vous touts et ung chascung aimez Thonneur de Dieu et craignez de Tofienser, et en tant que désirez éviter nostre malagrâce et griefve punition. Et affin qu'il n'y ayt nulle excuse d'ignorance, voulons et ordonnons que ces présentes soyent publiées en l'église, le peuple ayant premièrement esté convocqué. — Fait le xviij de janvier MDXLIX.

Par commandement de mes dicts Seigneurs,

(L. S.) P. RuFi.