RELATIVEMENT A LA SÉDITION

Archives de Genève. Registre do copie de lettres do Petit Conseil.

Magnifiques Seigneurs,

Combien que par cy-devant nous estions assez advertys des maulvais bruitz qui estoient semez contre nous, tottefois nous avons mieux aimé dissimuler jusques ycy que de vou» &cher en nous excusant des blasmes qu'on nous mettoit sus, joint aussi que pensions bien que telles calomnies et si frivoles s'evanoyroient bien tost. Mais pour ce que nous voyons que le mal continue, tellement que ceux que nous avons justement condamnez pour leurs crimes et forfaictz ont prins hardiesse de s'adresser à vous, affin de nous charger comme si nous leur avions fait tort, nous avons pensé que nostre debvoir estoit de ne plus dissimuler. Sçacbant bien quel amour vous nous avez jusques icy porté, nous ne voudrions nullement estre en maulvaise réputation envers vous, parquoy nous pensons bien que vous ne prendrez point cela à importunité, si pour nostre décharge et maintenir nostrd honneur, nous vous déclairons simplement et à la vérité quel a esté le faict duquel, nous pensons bien, vous avez esté mal informez, par noble Michel Roset, nostre secrétaire, auquel de ce avons donné charge et vous prions pour ce coup luy croyre comme à nous mesmeset nous avoir tousjours en vostrd bonne grâce pour recommandé. Donné à Genève, ce 19 de novembre 1558.

En premier lieu, doibvent leurs magnifies estre advertys que le mal qui est apparu en Tesmeute et sédition qui advint le moys de may dernier passé, estoit desjà nourry de longtemps pour en dire le honte d'en avoir tant souffert; mais comme vous savez qu'on craint de user de rigueur jusques à ce qu'on ayt essayé par patience si le mal s'appaisera de soy, nous avons suporté tant qu'il nous a esté possible beaucoub de fautes et vices qui ne pouvoient attirer en la fin que tout mal. Or est-il ainsin que aucuns de ceux qui se sont renduz fautifs pensoient bien estre venuz en telle possession qu'il n'y heubt plus moyen de les empêcher de foire ce qu&

bon leur sembleroit, tellement qu'ils avoieni faictleur compte de changer tout Testât de nostre ville, mettre en office et déposer ceux quHls voudroient. Cependant, pour gagner les débochez, maintenoientune licence dissolue de tous scandales, tâchant à pervirtir tout ordre et honesteté, mesmes ilz ont suscité de grands trobles sus la religion, et avons esté, par l'espace de deux ans, en grandes fâcheries pour tenir quelque bride. Cependant si ne laissoient ylz point de maintenir beaucoub de corruptions sans qu'on y peult remédier. Or est-il ftdvenu pour ce que en eslisant les sindiques et Conseil on a pas suyvy ce qu'on beubt vouUu, mais les choses sont venues |iu rebours de leur intention. Hz se sont ouvertement eslevez, outrageant et de faictet de paroUes, tant par les rues que en nostre Conseil, ceux qui ne leur venoient point à gré, comme volans opprimer tote liberté et tenir la ville soubz leur main. De quoy nous fallut faire quelque chastiment, voire si modéré qu'ilz ne s'en fussent osé pleindre, mais cependant ilz n'ont pas laissé de machiner ce que leur a esté possible. Ilz avoient une certaine malice, entre autres, de molester injustement tous les estrangers qui se sont icy retirez pour vivre selon Dieu ; et combien que nous puissions affermer qu'ilz se sont tenuz aussi quoys et paisibles comme brebys, et qu'ils se soient rendus aussi humbles et obéissans que nulz de nos subjectz, tellement que il n'y avoil occasion de se fâcher d'eulx, si est ce que à Tinstance et poursuyte de telles gens, leurs armes leur avoient esté ostées, leur avoit-on deffendu de porter espée ny baston. Nous en la fin voyant que ceux qui avoient estes jà cogneuz de longue main et avoient estes si bien apréciez qu'on ne se pouvoit doubter d'eulx, pourroient mieux servir à nostre ville quant ilz seroient receu bourgcoys, que en nous deffians d'eulx, nous estions d'autant affoiblys, affin de leur donner courage de nous secorir tant mieux au besoing et les obliger tant mieux, avions advisé d'en passer quelques ungs bourgeoys, selon nostre ancienne coustume comme de totes villes. Or ces malins ne demandans que de esmovoir riotte par quelque occasion que ce fut, prendrent coleur sus cela de se mutiner, après avoir mené leurs pratiques par les tavernes et avoir attiré en leur bande beaucoub de gens ramassés, vindrent en nostre maison de ville avec grosses menaces comme pour nous forcer ; tellement que nous, voyans le péril éminent si Dieu n'heubt heu pitié de nous. Cependant que nous tachions d'apaiser

telz tumultes, eulx après avoir continué leurs pratiques, vindrent en une nuit rencontrer ceux qui estoient ordonnés pour le guet, et comme Dieu volut que Tung des sindiques se trova au lieu voyant Tung d'eulx tirer son espée desgueynée, le saisit pour le faire mener en prison. Incontinent, plusieurs de leur bande s'y vindrent opposer, tellement que bon gré maugré, il fallut qu'il fut lâché, mesme Âméd Perrin estant survenu, fit violence au sindique et puys à ung autre, comme s'il heubt délibéré de mettre tout en confusion. Or doibvent noter leurs magnifies que en une minute de temps il se trova une merveilleuse quantité de gens en armes, tous sollicitez et subornés, et que tous refusoient avec grande fierté et rébellion de obéir aux sindiques qui tâchaient à les faire retirer ; en sorte que la justice n'avoit quasi nulle faveur ne suport, car tous les bons bourgeois et habitans paisibles ne se dobtant de rien, estoient cochez en leurs lits; et combien que les mutins criassent d'une boche que les Françoys avoient trahy la ville et qu'il y avoit quarante ou soixante hommes armés en la maison de Tung de nos conseillers, jamais n'y aparut Françoys par les rues, et combien que l'effroy fût grand et terrible, ils se tenoiênt chascung en sa maison tous quoys sans boger. Si fismes-nous tant par la grâce de Dieu, que pour ceste nuit là l'esmeute fust asopie. Le lendemain, comme le cas le méritoit et que aussi il avoit esté ordonné en Conseil, nous fûmes dlligens à prendre informations et leur povonsdire que nous avons examinez passé à cent tesmoings pour bien sonder la source du mal, et combien que de tote ancienneté la cognoissance des causes criminelles nous apartienne, sans aller plus oultre, si volusmes nous bien communiquer le tout à nostre Conseil des Deux Cents pour avoir leur advys. — Cependant qu'on délibéroit ce que seroit de faire, aucuns qui se sent oient les plus culpables et qui mesmes avoient entendu les charges qui estoient sus eux s'enfuirent tellement qu'ilz estoient échappez quant on les debvoit prendre pour les mener en prison.

En somme, nous avons trové par bons tesmongnages et suffisans, que deux frères gens de nulle estime ayant soupe en une taverne avec Perrin et Vandel et autres complices estoient venuz assallir nostre guaid, et l'ung de ces frères estoit celluy que le sindique avoit rencontré avec l'espée desgeynée. D'autre costé il a esté très bien vérifié qu'une pierre avoit esté ruée contre ung passant par l'un des complices et

ce sans aucuue querelle. Voyant doneques l'esmeute estre procédée de ces troys là, après les avoir constitués prisoniers, nous leur avons fait leur procès, et tant par leurs confessions que par tesmoignages avons trouvé :

Premièrement, qu'il s'estoit payez les jours précédens de la sédition plusieurs escotz francz aux tavernes soubz fauli titres.

Item que entre tous ceux qu'on tàdioit de attirer il y avoit le mot du gued tendant à coleur que leur entreprinse estoit pour rbonneur de Dieu et de Genève.

Item qu'ilzavojent conclu d'esmouvoir le peuple et sonner la grosse cloche pour nous mettre la rage sus.

Item pour ce que l'ung de leurs complices avoit charge de nostre artillerie, qu'ilz se faisoient fors de cela comme estans maistres de la munition de la ville.

Item quant le peuple seroit assemblé ils avoient conspiré de faire ung tumulte contre nous comme si nous heubçions traby la ville aux Françoys.

Item que le jour mesme de la sédition Perrin avoit dict aux djctz deux frères qui commenceront que si quelcung faisoit à Genève quelque chose, il avoit lieu prochain hors des franchises pour le retirer.

Item qu'il falloit avoir cinq ou quatre cens hommes d'aïlieurs pour tenir main forte de leur coslé contre les Françoys pendant le Conseil Général.

Item que ce jour là durant le soper aucuns des complices se levant du lieu où ilz avoient souppé s'estoient transporté à l'autre bout de la ville pour trouver Perrin et Vandel.

Item que ung nommé BertelUer jetta une pierre contre ung passant qui ne l'avait point offencé; lequel, trois ou quatre jours auparavant avoit dict avec grandz blasphèmes qu'il falloit rompre beaucoub de testes, qu'est un signe évident qu'ilz ne cherchoient que de faire quelque escarmouche.

Item quant la sédition fut esmeue, que aucuns de leurs complices crioient contre la justice aux traîtres pour esmouvoir le commung peuple, et qu'il falloit aller chercher dedans les maisons des Françoys, car dedans leur coche il y avoit des armes, qu'est ung signe évident qu'ilz vouloient sacager.

Item que quelque temps auparavant avoit esté dict par ung des dictz complices à ung sien frère qu'ilz se feroient riches avec les Françoys. Et qui plus est pendant que nous estions assemblez en nostre maison de ville pour y remédier»

crioient qu'il falloit tuer et pendre tous les Françoys et ceux qui les soubtenoient.

Toutes ces choses sont bien et dheuement vérifié et sans contredit a esté maintenu par ceux qu'avons fait morir; vray que ilz nous avoient confessé quelques autres pointz dont ils se sont rétractez, comme les deux frères qui assallirent nostre gued, disant que cela s'estoit fait par commandement exprès affin de mettre bas ceux qui sortiroient de leur maison. Item que Perrin et Vandel disoient entre eulx que l'heure estoit venue de se venger de leurs ennemys, entre lesquels ilz nommoient une partie de nostre compagnie, sindics et conseilliers et nostre chier ministre Calvin. Et ont assez protesté qu'ilz ne moroient point traistres ou pour avoir rien conspiré contre la ville, mais cependant ils n'ont laissé de persister en leurs confessions telles que vous avez ouyes cy-^essus. Si est ce que par l'espace d'ung moys ilz avoient continué franchement les propos desquelz ilz se sont voulu dédire à la mort, car ce que les malins qui se sont renduz fautifz nous diffament d'avoir usé de tortures excessives, nous leur déclairons que de tous ceux qui ont esté exécutez par suplice, deux seulement heurent la corde et encor non pas rudement, et deux autres furent tant seulement liez. En sorte que pour ung tel crime où il estoit question de complot et sédition publique, il estoit impossible d'y procéder plus modérément.

Et combien que plusieurs en fussent entachez, si est ce que nous n'avons envoyé à la mort que quatre, mesmes de ceux qui estoient conveincus d'avoir crié qu'il se falk)it ruer sus la maison de ville, nous les avons traitté si doucement qu'ilz n'ont pas heu seulement le fouet.

Quant à ceux qui se sont rendus fuitifs, nous y avons tenu procédure légitime les faisans adjourner à son de trompe et leur donnans termes compétans pour se représenter et purger ; voyant que au lieu de comparoir, ilz se rendent plus culpables, faisans des nouveaux excès pour agraver leurs crimes, voyre jusques à menacer les murailles de nostre ville de prochaine ruine, tellement qu'il n'y demorerait pierre sur pierre, nous les avons condamné selon leurs démérites, les ungs à la mort, les autres à estre bannys à perpétuité ou à temps. Tellement qu'ilz n'ont autre reproche sinon d'avoir estes condamnés par leurs ennemys. Or leurs magnifies sçavent bien que ung malfaicteur accusera toujours son juge

s'il luy estoit licite. Et de nostre costé, nous confessons bien que nous aymerions mieux estre mors, que de donner faveurs à telles gens pour laisser leurs forfaictz impunys. Âussy ilz n'ont pas laissé de nous faire totes les injures à eux possibles et assallir les nostres auprès de nostre ville avec outrages estranges. Au reste, nous espérons, voyre somes tous persuadez que Hz adjouxteront plus de foy au récit que nous vous avons icy déclairé, que à tout ce qu'ilz pourront conirover pour nous rendre suspectz envers eux ou efiacer nostre bonne réputation. Si nous n'heubssions craint de importuner leurs magnifies, nous heubssions bien déduit les choses plus au long, mais ce brefz recueil monstre assez qu'ilz nous falloit bien user de quelque sévérité à réprimer ung mal si énorme, si nous ne voulions à nostre essien ruiner nostre ville et laisser périr toutes bonnes mœurs, religion et honneur de Dieu qui nous est singulièrement recommandé. Sur quoy, après nous estre derechef recommandé à leurs magnifies et les avoir remercié de leur bon voloir, et nous estre offertz affectueusement à tous les services que nous vous pourrions faire, etc.