RAVAGES DES PROTESTANTS DANS LES CAMPAGNES

(9 août 1562.)

Pierre de Thouars, chevalier seigneur dudit lieu, gouverneur et capitaine pour Sa Majesté en ceste ville et chastel du Mans en labsence de Monseigneur le duc de Montpensier.

A René de Baigneulx escuyer sieur dudit lieu, comme ayant ce jourd'huy esté adverlis que au lieu et villaige de Challe et es environ il y a plusieurs séditieux et rebelles contre Sadicte Majesté qui se y sont venus, pillent le plat pays et font plusieurs aultres cas contrevenant aulx esdits de Sadicte Maiesté, mesme que plusieurs desdicts rebelles qui estoient de la compagnie de ceulx qui ont tenu de force nostre dicte ville contre ladicte Maiesté, mesme le seigneur de Grue, La Batallière et aultres. Lesquels ontfaict et font plusieurs sacagemens d'églises et mesons. Pour ce est-il que nous avons commis et député, commetons et députons pour aller incontinent aulx dicts lieulx prendre et appréhender lesdicts rebelles ou insoumis et les amener prinsonniers es prinsons de nostre dicte ville pour estre contre culx procédé suivant qu'il appartiendra. Et pour ce faire prendre avec vous dix ou douze gens de cheval et en armes de ma compaignie pour vous accompagner pour les raisons que dessus ; de ce faire vous donnons pouvoir.

Mandons et recommandons à tous lessubietz du roy vous donner renfort et aide. Faict au Mans soubs nostre seing le neufviesme jour d'aoust Tan mil cinq cent soixante et deulx.

Signé : P. De Thouars.

Au bas de cette ordonnance sont escrites d'une manière différente : Les gens que ledict Pierre de Thouars a cy dessus désigné sont comparus au nombre de vingt-six hommes par devant nous commissaires soussignés. Signé : P. de Thouars, de Banquemar et Pisonnary.

(Original dans le chartrier du château de Gourcival. — Communiqué par M. Frédéric Piel.)