PERTINET AD ABBATEM SOLUM

Et primo de injectione raanuum violenta unius monachi aut conversi in alium monachum vel conversum.

Item quod nullus monachus recedat de monasterio post très ictulos qui pulsantur a priore stante in choro post completorium.

Item quod nullus monachus comedat vel bibat in villa Divionensi, nisi in locis ab antiquo consuetis vel in præsentia alicujus prælati episcopi vel abbatis.

Item quod nullus monachus ludat cum taxillis vel aliis ludis prohibitis.

Item quod nullus monachus pernoctet vel dormiat de nocte in villa Divionensi.

Item quod nullus monachus descendat de dormitorio post circam factam a priore post completorium.

Item quod nullus monachus introducat, permittat vel consentiat intrare per se vel per alium aliquam mulierem in monasterium.

Item quod nullus monachus teneatin dormitorio per se vel per alium arma invasiva seu defensiva aut gladios magnos.

Item quod nullus monachus faciat violentiam per se vel per alium in seris ostiorum, armariorum vel arcarum.

Item quod nullus monachus capiat aliquam rem in loco vel in lecto socii sui in dormitorio, ipso invito.

Item quod nullus monachus præsumat scindere folia librorum monasterii vel capere pergamenum in eisdem.

[Pour les noms de lieux et les termes insolites, consulter, à lu fui des tables, l’Index des Coutumes!.