C'EST L'ORDENANCE SUR LE MESTIER DE LE TANNERIE
Primes, tant comme aux wardes du mestier quatre personnes soient nommées et présentées par les
wardes de l'anée passée au maieur et as eschevins, c'est assavoir deux personnes du mestier de letanerie et deux personnes de le suerie. Et se le maire et eschevins voient etaperehoivent que ilz ne soient ydones pour l'office faire ou aulcuns d'iceulx, les dis maire et eschevins y poent mettre aultres.
2. Item, que, quand li maires est crées de nouvel à le Saint Bartholomieu, les wardes de l'anée passée rapportent au maieur le fer dont on merque les cuirs, liquelx le warde jusques à tant que nouviaux wardes soient crées et serementés en le manière que dit est.
3. Item, que tout cuir soient merquié en la dite ville du fer, est assavoir quand il sera bien et souffisaument tanés à Teswart de le dicte ville et non aultrement. Et est deffendu que nulz taneurs ne suers soit si hardis, sur l'amende et sur perdre le mestier an et jour, que sans le dicte merque il vendent ne acalent aulcuns cuirs ou portent hors vendre.
4. Item, pour que ce que on fait du cuir trois pieches, est assavoir dos, uns pans et une creste, quand li cuirs sera bien tanés, cascune des dictes pieches sera merque du fer devant dit, est assavoir le dos en le queue à le fleur du cuir, les pans au mamelier à le fleur, et le cresle es narines à le fleur et non autrement.
5. Item, s'il advenait que li cuirs dcmouraissent entiers, il souffiroit à avoir le dicte merque du dit fer en l'un des dis lieux, et par sanlable manière, que, se les pans et le creste tiennent ensanle, merquiés sera en l'un des deux lieuz dessus dis.
G. Item, se les dis cuirs ou aulcunes d'iccllcs pieches n'estoient trouvez bien et souffisaument tané par le dit eswart, elles seraient merquiés du dit fer es lieux
dessus dis par devers le char. Et paiera le taneur pour cascune pièce vi deniers à le ville, et nientmains converra que il le ramende et que il rapporte le di| cuir pardevant les wardes, et soit merquiés en fleur de le dicte mer que quand souffisaument sera tanés. Et se le taneur estoit trouvés faisant le contraire ou estre vendus sans avoir le dicte merque, il l'amendera de lx solz et perclera le mestier an et jour.
7. Item, les dictes wardes ne poent ferer ou merquier du dit fer, se les trois des dictes wardez n1i sont du mains. Et ne poent condempner le cuir, se les quatre ou les trois du mains n'i sont ensemble.
8. Item, que nul taneur ne faice soler, ne nulz sueres ne conroieche cuirs.
9. Item, que tous cuirs tanés, merquiés de merque de boine ville là où il a eswart, porront venir en le ville et estre vendus, après ce qiiiJz auront est eswardes par les wardes de la ville d'Abbeville.
10. Item, que les dictes wardes yront merquier par les maisons des taneurs deux fois le scpmaine, et yront à Peure de prime et ne sera nulz si hardis que il soit présent à sen cuir merquier. Et puisque le cuir sera mis devant les wardes pour estre merquiés, il ne porra estre ostés par quelque voie jusques à tant que il sera veux et merquiés à droit et en Heur comme boins, ou à rebours par devers le char, comme dit est.
11. Item, que aulcun taneur ne soit si hardis de taner cuir et basenner ensemble, et se tiengne à l'un des deux mestiersou de taner ou basenner.
12. Item, que aulcuns conreurs ne soient si hardi de vendre craisses, sieu ne sain ne aussi vergus, vi-
naigre, moustarde ne aultre mercherie, sur l'amende et sur lemestier perdre an et jour.
13. Item, il est ordonné et statué que tous lesbouliotz estans en le rue de le Tennerye seront abaîuz incontinent, sur peine deLx solz, et, se les taneur sont délayans, ilz seront abatus par justice. Et ne porront avoir nulles caudières ne grandez paielles pour chauffer eaues, ne mettre alun, fiente de coulon, cendres chaudes ne aultres semblables, sur peyne de perdre le mestier an et jour, le dit alun et amende arbitraire.
14. Item, les dits taneurs seront tenus d'estapler leurs cuirs tanez au lieu et marchié accoustumé deux jours le sepmaine, èsquelz jours ilz neporront vendre en leurs maisons, sur peyne de lx solz d'amende.
15. Item, est ordonné aux wardes que ilz ne voisont que deux fois le sepmaine, sans le congié du maieur, au lieu ordonné hors leurs maisons, merquier leurs cuyrs, et que les taneurs ne soient point présens à les merquier, et à ce faire aura ung eschevin présent qui aura une clef du coffre où se metent les marques du dit mestier, lequel eschevin sera présent à merquier, se bon lui semble. Et se merqueront hors de leurs maisons exhibés sur tables;
DES BOULENGUIERS.
Primes, du pain, que en le faiche souffissant ainsi que aultrefois on l'a commandé, et qui sera atains qui ne le fera il l'amendera en le volenté des eschevins. Et que nulz ne botisse pain à tavernierne à aultrui. Et li vendans qui atains en sera il encourra eni.x solz de parisis d'amende, se n'est au dimence, du pain qui est deniourés de le sepmaine.
308 TIECES JUSTIFICATIVES
2. Item, que nul ne nulle, soit de dehors ne de dedens, porche pain vendre par le ville aux osteux, mais que ilz vendent as estaux ou à corbeille, et que nulz ne bottisse pain.
3. Item, que nulz fourniers ne mangniers ne doinst ne ferine ne paste, ne que variés ne que mesquine ne maistre ne maistressene leur en doinst, sur l'amende de le ville de v solz, et cil ou celle qui l'encusera ara le tierch.
4. Item, que nulz mangniers qui maine ferine ne monte sur le sac, sur le dicte amende.
5. Item, que tous boulenguiers que ilz cuisent leurs bingues aveuc le fournée de l'autre pain tout ensamble, et d'ore en avant soit ainsi fait, et commandons aux fourniers que ilz fournient les diz bingues avec aultre pain, sur l'amende de le ville et non aultrement.
6. Item, que nulz boulenguiers ait que un estai aveuc se maison.
7. Item, que nulz boulenguiers porche ne fâche porter leur pain la ù on vende vin, chervoise ou goudale, et que nulz ne vende son pain.
8. Item, que on faiche tous pains blans de maille et que nulz ne mette raisne sur sen four, fors que pour le journée.
9. Item, que nulz ne nulle soit si hardis qui vende pain à estai, à essoppe, à maison de tavernier ne à cambier, et que li boulenguiers qui vauldra vendre pain vende à se maison à estai ou as estaux anchiens pour ce ordenés.
10. Item, que nulz boulenguiers ne faiche drapperio en se maison.
