HARANGUE DU P. ARMAND

« Sire, depuis qu'il a plcust à Dieu vous rendre victorieux et paisible pocesseur du sceptre et de la couroune qui vous estoient deus, et que nous eusmes ce bien de pouvoir lire et recognoistre en vostre Majesté toutes les perfections conjoinctes en très hault degré... et particulièrement cette grande clémence... de laquelle après tant de victoires et triomphes avés usé envers ceux qui vous avoient le plus offensés; nous conceusmes dès lors une très grande espérance que vous useriés envers nous de lamesme... douceur, laquelle de faict nous expérimentasmes quelque temps. Mais comme les choses de ce monde sont muables, sur ce commencement et lorsque nous ne pensions qu'à vous rendre très humble service,... survint un malheur qui troubla tous noz desseins... Si est-ce toutefois que nous pouvons vous asseurer en toute vérité que, nonobstant toutes les traverses et contradictions, nonobstant les faux bruits suscitez contre nous, tant dedans le Royaume que dehors, nous n'avons jamais perdu ny l'affection envers nostre chère patrie, ny le désir de vostre service, ny l'espérance qu'avions en vostre clémence et bonté naturelle, nous asseurant que le temps enfin descouvriroit la vérité et adouciroit toutes les aigreurs que le malheur des guerres civiles avoit apporté avec soy.

« C'est ceste mesme espérance, accrue de beaucoup depuis vostre arrivée en ces quartiers, qui nous faict maintenant jeter à voz pieds et supplier vostre Majesté d'avoir pour agréable de ne différer plus longtemps la grâce, laquelle tant et si souvent nous avons demandée...

« Nous ne doubtons aucunement, Sire, que l'on ayt tasché par tous moyens de nous faire paroistre devant vous tout aultres que ne sommes... L'on s'est pareillement efforcé de blasmer nostre Institut... comme s'il nous ordonnoit une obéyssance envers nostre Général en toutes choses, voire mesme qui seroient contre Dieu et rayson. Je ne pense pas toutefois, Sire, que jamais telle opinion ayt pu loger dans l'âme de ceux qui ont eu la moindre congnoissance de nostre dict Institut, pour estre du tout contraire à noz constitutions, qui exceptent toujours, en l'obéyssance deue à noz supérieurs, tout ce qui ne se pourroit faire sans l'offence de Dieu. Mais comme seroit-il possible que de tant et tant de personnes qui entrent en nostre Compagnie, et tous désireux de faire leur salut, il en demeuras! voire un seul, s'ils s'appercevoient que telle, non obéyssance, mais impiété eust lieu en icelle? A-t-on jamais ouy dire d'un seul

ii2'. LIVRE III. — CHAPITRE VI.

qui en soit sorty, quelque grand ennemi qu'il fust, qu'il y eust rien de semblable, et que ceste obéyssance dérogeast en rien à celle que nous devons aux roys et aux magistrats, tant s'en fault qu'elle nous conduise à donner conseil à personne, qui soit préjudiciable à vostre Majesté et à vostre estât?

« Plusieurs aussi Ont taschez, Sire, de vous persuader que nous sollicitions les enfants de bonne maison de se faire de nostre Compagnie et Religion, pour avoir leur bien et le joindre au nôtre, chose qui est du tout contraire à la manière que nous tenons en la réception de ceux qui désirent servir à Dieu en nostre Compagnie, ne les recevants jamais sans avoir premièrement bien et longtemps sondé leur vocation, si elle est par l'inspiration de Dieu ou suasion des hommes, et ce souvent jusques à trois ou quatre ans. Que si l'on cognoist telle vocation n'estre de Dieu, ilz sont du tout esconduits, pour estre ce un empeschement essentiel à leur réception. Et n'y a chose que les supérieurs recommendent plus souvent à ceux qui sont de ceste Compagnie, que de se garder fort soigneusement à induire personne qui soit à aucun estât religieux en particulier, ains se contenter seullement à l'exciter à la vertu et bonnes lettres, laissant du tout au Saint-Esprit ce qui est de la perfection évangélique et des conseils de Nostre-Seigneur. Et de faict, le nombre de ceux qui s'y sont rangés en France est si petit, qu'il ne fera pas la centiesme partie de ceux qui sont aux aultres religions...

« Quant à ce que l'on dict que nous prétendons de nous enrichir par le moyen de ceux qui sont en ceste Compagnie, il n'est besoin de beaucoup de parolles pour mettre au jour ceste fauceté. Un chacun sçait les revenus de noz collèges; j'estime que peu de personnes se pourront vanter de s'en estre beaucoup enrichis. Une chose puis-je dire en toute asseurance, qu'à peine se trouvera-t-il un de noz collèges en toute la France, duquel la fondation soit suffisante pour entretenir ceux qui sont nécessaires à soustenir les charges desquelles on se doit acquitter, et l'on en trouvera plusieurs qui pour la plupart vivent d'aumosnes. Celuy de Paris, ville capitale de vostre royaume, compris les legs de messieurs les présidents de Saint-André et Hannequin, et tout ce qui pourroit estre tenu d'ailleurs, n'a jamais eu plus de trois mille livres de rente; lesquelles à peine pourroient suffire pour l'entretien de vingt personnes, un tel collège en méritant au m oings jusques à soixante pour enseigner toutes les sciences et facultés desquelles nous faisons profession.

HARANCUE DU P. ARMAND. 112:,

Plusieurs natifs de ceste grande ville sont entrés en nostre Compagnie, et quelques-uns de maison [noble |, lesquelz ne nous ont jamais laissez un pouce de terre. Que s'ilz ont parfois donné quelques aumosnes en deniers pour suppléer le défaut de la fondation, la plus grande n'est jamais arrivée jusques à la vintiesme partie de leurs biens, et l'on a toujours tasché de le faire avec le gré et consentement des parents. Si noz collèges ont fondations suffisantes, nous n'en désirons pas dadvantage; et si quelqu'un de nosti'e corps dispose de ses biens, l'application luy en est laissée du tout libre ; et d'ordinaire, si ses parents sont pauvres, il leur laisse tout; s'ilz sont riches, il en applicque quelque partie en œuvres pieuses, aux hospitaux, monastères des mendiants et lieux semblables, au gré de ses parents.

« Nous serions à la vérité bien misérables et dépourveus de tout entendement, si, ayants quitté les commodités que nous avions, ou par succession, ou que pouvions aquester par nostre industrie, les voulions rechercher en religion. Et comme seroit-il possible que nous fussions ardants à les désirer et procurer, veu que nous n'avons rien de propre ; et quand nous en aurions cent fois dadvantage en commun, nous n'en retirerions aucune commodité plus grande pour nostre particulier; le surplus, s'il y en a, devant estre employé, selon noz constitutions, à entretenir de pauvres escholiers aux estudes, et en aultres œuvres de charité.

« On vous bat continuellement les oreilles, Sire, et dict-on que nous nous meslons des affaires d'estat. La cause de ceste opinion et présomption n'est autre que, comme il arrive que quelques grands seigneurs et prélats daignent de se servir de nous pour le faict de leurs consciences et pour estre dressez en leurs dévotions et exercices spirituelz, tout ce qu'ilz font ou ordonnent par après nous est attribué, ores que, réellement et de faict, nous n'en ayons eu aucune communication, et ne nous en soyons meslés aucunement. Car à la vérité, Sire, il n'y a rien qui soit tant contre nostre estât et intention, ni chose aucune prohibée en nostre Compagnie soubz si griefves peines, que de s'entremesler de semblables affaires.

« Ce sont, Sire, les points principaux qu'on nous objecte, et s'il y en a d'aultres desquelz il plaise à vostre Majesté d'estre esclaircie, nous promettons d'y respondre tellement, ou par escrit ou de vive voix, qu'elle s'en tiendra pour satisfaite, et verra clairement que ce ne sont qu'inventions forgées ou par ceux qui nous portent peu d'affection, ou qui n'ont congnoissance de nostre

institut et manière de vivre. Mais nous y respondrons encores plus clairement, à la veue et contentement de tout le monde, par les œuvres, quand il plairaà vostre Majesté nous deslier les mains; alors un chacun verra à l'œil ce que nous disons et promettons; et vostre Majesté tesmoignera, voire mesme ceux qui nous sont les plus contraires, que nous avons esté véritables.

« Que si noz prières et humbles requestes ne treuvent place en votre cœur royal, nous ne lairrons pourtant de vous avoir tousjours gravé au plus profond des nostres, vous aymer, désirer toute grandeur et félicité, et offrir continuellement noz prières à Dieu pour la conservation de vostre Majesté, de la Reyne vostre très aymée espouse, de noz seigneurs voz enfants, et de vostre royaume, nostre chère patrie, demeurants toutefois tousjours en perpétuel regret de n'avoir peu vous faire paroistre en effet ceste affection comme nous eussions désiré. Mais nous espérons toute aultre chose, et sur ceste espérance nous vous supplions de jetter les rayons de vostre clémence sur ceste petitte Compagnie de voz très humbles subjects, lesquelz... implorent vostre miséricorde; vostre, dis-je, pour vous estre tant naturelle et practiquée envers tant de personnes. N'ayés esgart à ce qu'on pourroit avoir faict ou dict avec plus de zèle et moins de discrétion qu'il n'eust esté de besoin. C'a esté quelque membre particulier et non tout le corps, lequel, comme il n'a jamais approuvé les fautes des particuliers, aussi n'en doibt-il en son entier recevoir préjudice.

« Nous n'implorons vostre miséricorde, Sire, pour aultre fin que pour le service de Dieu et de vostre Majesté; à cela visent tous nos desseins et intentions; nous y voulons emploier le sang et la vie. Ceux qui ne désirent vostre grandeur et de vostre royaume, ne se donnent pas beaucoup de peine que nous en soyons dehors, ains plutôt s'en resjouissent, estimants peut-estre que nous pourrions apporter quelque chose pour le rendre plus fleurissant, si nous y estions reentrés, et ce n'est pas ce qu'ils désirent.

« Nous supplions en toute humilité vostre Majesté, Sire, qu'il luy plaise adjouster ceste signalée obligation à une infinité d'aultres qui nous tiennent engagés en vostre service. Faictes que ceste miséricorde de laquelle vous userés envers nous ne dépende que de vous mesme ; qu'elle soit toute de vous et que n'en sçachions gré àd'aultres qu'à vous. Le don en sera plus prétieux et l'obligation qu'aurons envers vous beaucoup plus grande. Cela nous accroistra le courage à vous aymer et servir... Nous ne voulons point en cela estre vaincus par les estrangers, ains plustost les vou-