RECIT DES EXPLOITS ET DE LA MORT DE HEREWARD

Un an après l'é vasque Elwiiie Et Siward Bern en la marine Meurent d'Escoce od noef esnecces, Tresq'en Humbre siglent es brecces.

Li quiens Morgar encontre vint, Es niefs entra, od eus se tint; A Welle encontrèrent les Englois, , Fuiz sont à Willam li rois.

Tant ont parlé de compaignie, Chescuns veut faire à autre aie.

Un gentil home lur sire estoit.

Des utlaghes mult i avoit.

Par la terre sont alez Et vont degastant le régné.

Li rois Willam, quant il ceo sont, Mult fu irez, si l'en pesout; S'ost somonst, manda guerroiers, François, Anglois et chevaliers; Devers la mier mist marinaus, Bucecarles, valez as peaus E autres genz, dont tant i out.

Nul des assis aler n'i pont; E derichef par les boscages Furent gardez tuz les passages, E li marchis tut environ Fut bien gardé par contençon.

1. Chronique de Geoffroy Gaymar ; Chroniques anglo-normandes, 1. 1, p. 16-27.

Après ceo comanda li rois Fe re ponz outre les marois Kt dist que tuz les destruieroit; Jà nuls n'en eschaperoit.

Quant il ceo seureut en Ely, Si se sont mis en sa merci ; Tuz alèrent merci crier Fors Ereward, qi mult fu bier.

Il eschapa od poi de gent, Geri od lui, un son parent.

Od eus eurent y compaignons.

Uns homs qui amenoit peissons As gardeins long le mareis, Fist qe prodom et qe curteis; En un batel les recuillit, De ros, de glais tuz les coverit.

Vers les gardeins prist à nager.

Si corne un soir deit anuiter, Vint près des loges od sa nief.

François estoient en un tref, Wid le viesconte en ert seignour.

Bien conuissoit le peschéour.

Et bien seurent q'il venoit, De luinule garde n'aN't)iL; Le peschéour virent nager.

Nuit ert et sistrent au manger.

Fors de la nief ist Ereward, De hardement sembloit léopard, Si compaignon après issirent, Desouz un bois le tref choisirent.

A eus ala le peschéour, Ereward ert seins son seignour.

Q'en dirroie? Li chevaler Furent surpris à lur manger.

Cil entrent, haches en lur mains; De bien férir ne sont vilains, Normanz occistrent et desconfirent.

Cil qui poeient s'enfuirent.

Grant fut l'effrei par les osteaus.

De la fuite sont communaus.

Ghevaus lessent enseelez.

Les outlaghes' i sont montez Tut à leisir et seinement, Onques n'eurent desturbement ; A eise erent de fere mal.

Ghescuns choisit très bon cheval.

Li bois sont près, enz sont entré, Il n'alèrent pas esgarré, Bien séurent tut cel pais, Mult i avoit de lur amis.

A une ville où sont turnez Trovèrent x de lur privez, Od Ereward cil se sont pris, Einz furent vi, ore sont plus de dis.

Dis e huit sont li compaignon ; Einz qu'il passèrent Huntedon, Eurent cent homes bien armez, De Ereward liges privez.

Si home erent et si fideil.

Einz qu'au demain levast soleil, VII cenz sont à lui venuz.

En Bruneswald l'ont aconseuz.

Ore fut grant la compaignie, Une cité ont assaillie, Burgh assaillirent cil forfet :

Bien test en fut le meur tut fret ; Entrent dedenz, assez ont pris Or et argent et veir et gris.

Autre bernois i ont assez, La chose as moignes ont tensez.

D'ilœc s'en vont à Estamford, De ceo que pernent ne font tort; Car li burgois eurent bracé Que Ereward en fut déchacé, Meslé l'eurent envers le roi A mult grant tort et à deslei.

S'il se vengoit, ne fut nul tort, De ceux de Burgh et de Stanford, Qu'en dirroie? Par plusurs anz Tint Ereward contre Normanz,

Il et Winter son compaignon

E dan Geri un gentil hom,

Alveriz, Grugan, Saiswold, Azecier,

Icil et 11 altre guerreier

Guerreièrent issi Franceis;

Si un d'els encontrout treis

Ne s'en alasent sanz asalt.

Ço pert uncore en Bruneswald ,

Là ù Gier se combati,

Ki mult fa fort e fier e hardi.

Lui setme asailli Hereward,

Sal par son cors, n'i out reguard,

Les quatre oscist, les treis fuirent ;

Naffrez, sanglant, c'il s'en partirent.

En plusurs lius ceo avint.

Encontre vu très bien se tint :

De VII homes avoit vertu ;

Onques plus hardi ne fut veu.

Par plusurs anz tant guerroia Si qe une dame le manda.

Que de li out oï parler; Par meinte foiz l'ad fet mander Q'à lui vensist, si li plesoit ; L'onor son pière li dorroit; Et, s'il la pernoit à muiller.

Bien porroit François guerreier.

Geo fut Alfued qe ço manda A Ereward, que mult ama; Par plusurs foiz tant le manda Qe Ereward s'apresta.

Vers lui ala od mult de gent, Triwes aveit tut veirement.

Au roi se devoit acorder; Dedenz cel mois passer la mer Devoit pur guerroier Mansaus, Qui ont au roi tolet chasteaus.

Il i avoit ainceis esté, Walter del Bois avoit maté, Et dan Geffrei, cil de Meine, Tint en prison une simeine.

Ereward, qui doit aler en pees, D'or et d'argent avoit meint fès.

Quant li Norman t ceo entendirent, Fruissent la pès, si l'assaillirent; A son manger l'ont assailli.

Si Ereward en fust garnie Le plus hardi semblast couard Malement le gaita Aaelvvard, Son chapelein : le deust gaiter, Si s'endormit sus un rocher.

Qu'en dirroie? Surpris i fu; Mes gentement s'est contenu, Si se contint come leon, Il et Winter son compaignon.

Quant nul haubert n'i pout aveir Ne ses armes pur soi armer.

Ne sur destrer ne pout saillir.

Un escu prist q'il vist gisir Et une lance et une espée.

L'espée ceinst, si l'ad nuée, Devant trestuz ses cumpaignuns S'est acemez come uns léons, Mult fièrement dist as François :

(( Triwes m'avoit doné li rois; Mes vus venez ircement, Le mien pernez, tuez ma gent, Suspris m'avez à mon manger; Fel traîtres, vendrai moi cher. »

m gavelocs un sergant tint, Sis homs estoit, devant li vint, L'un en bailla à son seignour.

Un chevalier aloit entour, Par tout le champ aloit quérant Lt Ereward mult demandant.

De ses homes aveit oscis E morz getez dès-ci k'à dis.

Si come il l'alout demandant, lÀ hier li est venu devant.

Le gaveloc i fet aler.

Par mi l'escu le fet voler.

L'auberc rumpit, pas ne se tint,

Le queor trencha, issi avint ;

E cil chait, ne poul el estre,

A son morir n'ont point de preslre.

Donc l'assaillirent li Normant,

Traient à lui et vont lançant,

De totes parz l'avironèrent,

En plusurs lius son cors nafrèrent, -

Et il fîert eus corne sengler

Tant com la lance pout durer;

Et quant la lance li faillit,

Del brant d'ascer grant coup férit.

Tiel le quida mult vil trover,

De son cors l'estuet achater;

Et quant le trœvent si amer, •

Asquanz n'i osent arester;

Car il férit vigerousement

Si's requist menu e sovent,

Od s'espée un en occist,

Dès qu'il fîert le bois retentist; '

Mes donc brusa le brant d'ascer

Desus Telme d'un chevalier,

E il l'escu en ses mains prist.

Si en fiert qe ii Franceis occist;

Mes un vindrent à son dos

Qui l'ont téru par mi le cors,

Od un lances l'ont féru;

N'est merveille s'il est chéu,

A genuillons s'agenuilla,

Par tiel aïr l'escu getta i

Que uns de ceus qi l'ont féru

Fiert en volant si del escu

Qu'en n moitiez li frein t le col.

Cil out à non Raol de Dol,

De Tuttesbire estoit venuz.

Ore sont amdui mort abatuz

E Ereward e li Breton,

Raol de Dol avoit à non;

Mes Alselin le paroccist

Cil de Ereward le chef prist,

Si jura Dieu et sa vertu.

Et li autre qui l'ont véu Par meinte foiz l'ont fort juré, Que oncques si hardi ne fut trové.

Et s'il eust eu od lui trois, Mar i entrassent li François ; Et s'il ne fust issi occis, Touz les chaçast fors del pais.