LIVRE YI
RÉCIT POÉTIQUE DE l'eNQIÊTE FAITE PAR LE ROI GUILLAUME SUR l'avenir PROBABLE DE SES FILS *
Li rois Willam li Conquéror, Ki tant aveit conquis honor, Ki rois estoit coroné, De tens avenir ayeit pensé Et après ses jorz qu'el sècle serreit E de ses treiz fiz quel avendreit.
Mult fu pensifs pur enquere A quele fin il devereient treire.
Les granz clers de phylosophie E les mestres de grant clergie Et les sages homes de son poer Par deçà e delà la mer A un parlement fist assembler Par eus entendre saver De ses enfanz la destiné, Ke tant avoit désii é.
Quant toz estoient assemblé, Li rois les ad aresoné :
« Seignors, dist-il, ki estes ici, * De vostre venue mult vus merci. De voz sens e vostre saver
1. Extrait de la continuation du Brut d'Angleterre de Wace, par tin anonyme; Chroniques anglO'tiormandes, t. I, p. 80.
Ore endreit en ai mester;
R'une pensé me est al quer,
Ke ne me soffre repos aver,
De mes treis fiz, ke beals sunt,
A quele fin il vendrimt.
Pur ceo vus pri e requer
K'entre vus voiliez traiter
Des enfanz cornent irra
E à quele fin chascun vendra;
E de ceo ke vus aurez trové
Ne me celez la vérité. »
Li rois atant ad pris congié,
E 11 senez en unt parlé ;
Mult parlèrent estreitement
E desputèrent clergeaument
Les qualitez e les contenanz
E les mours de les enfanz,
Lur colurs e lu afferes ;
Mes en tant n'esplaitèrent guèrcs
Kar diverses furent lur resons
E diverses opinions;
Ne poaient par nule reson
Tuz assentir à un,
Tant cum il desputèrent
E de rien espleitèrent,
Este-vus un meistre de mein âge,
Bien lettré e bien sage.
Entre els est sus levé,
Si ad mult dulcement parlé :
« Seignors, k'alez-vus dotant
E tuz lesjorz desputant?
Faites les enfanz mander
E severalment od nus parler. »
Quant cil Tout comandé,
Les enfanz sunt tost mandé.
Robert Curte-ose, ki fu l'ainzné,
Devant els fu primes présenté.
Quant li mestres Robert ad veu :
« Beals fiz, ceo dist, bien saiez venu.
Ne saiez de rien esponté.
Avant nus conoistre une vérité.
Si Dex, ki est tuit puissant.
De vus eust fait oisel volant,
De tuz icels ki pount voler
Laquelle voldriez resembler? »
Robert ki fu bien norri
E de parler assez hardi :
« Sire, ceo dist, à mun wler,
Melz voldrai estre esperver;
E la reson vus dirrai
Pur quei esperver estre voldrai;
L'esperver est gentil oisel
E le plus acesmé ke vole de hel,
En besqigne bien volant,
A praie prendre bien fesant.
De tote gent est prisé.
De princes chéri et honoré.
Issi di-jeo endroit de moi :
Curteis e quentis estre voldroi,
Ghevaler pruz e vaillant
E en besoigne bien fesant.
De tote gent honoré
E sor tuz cremu et amé. »
Robert atant prisl congié.
Hors de la chambre s'en est aie.
L'autre frère est puis enlré, Gwillam le Rus fut nomé, Curteisement les ad salué ; Encontre lui sunt tuz levé.
Li sages mestres avant nomé Willam ad aresoné :
« Beals liz, ceo dit, ne me celez, Mes véritez me diez.
Si Dex, ki ad pleinère pousté E de totes choses fait sa volonté, De vus un oisel eust créé.
Lequel serriez à vostre gré ? »
Willam se est purpensé Et puis respondi cume séné :
« Sire, ceo dist, jeo vus dirrai.
Si à mon voil eslire purrai^ Volenters une egle serrai; Et la reson oiez purquai ; L'egle est fort e puissant E mult cremu en volant.
Des autres oisels est il roi E corteis est de sa praie, Issi di-jeo endroit de moi :
Rois e sires estre voldroi.
Sur tote gent aver poier E assez prendre e assez doner. »
VVillam atant congié prist, A celé fiez plus ne dist.
Li tierce frère Henri nomé K'en clergie esteit fundé, En la chambre est puis venu ; A grant honor l'unt recéu.
Li grant mestres adunc parla : {( Bealz fîz, ceo dist, entendez çà.
Pur rien ke seit ne leissez Ke vérité ne nus diez.
Si Dex, ki tuit le munde fist, Gel e terre, corne est escrit, E kanke est ad en poesté.
De vus un oisel eust formé, Lequel à vostre gré fuissez De tuz icelz ke veu avez ? »
Henri, ki fu jofnes e puisné, Mult sagement ad parlé :
« Sire, ceo dist, en vérité De mun quor dirrai la pensé.
Si Dex me éust destiné Ke oisel feusse par son gré, E jo meimes eslire purrai Estre icel ke jéo voldrai, De tuz icels ke volent de hele Mielz voldreie estre estornele.
Si vus dirrai ma reson Devant vus toz en commun :
Bien savez ke l 'estornele
Est deboniers e simple oisele,
En grant soudre volt voler
Et le pais environer.
Simplement son vivre querre
Sans damage à nului faire.
Ne ad jà cure de ravine
Ne de grever mile vaysine;
Et si en kage sait norri,
Jà home grevé serra par lui;
Mais par parler e par chant
A tozjorz est solazant.
Issi vus di-jeo de par moi;
Deboners e simples estre voldroi,
Par pais errer od grant meisné,
Del mien trover les grant plenté;
Ne voldrai jà home grever
Ne par ravine querre aver,
Si voldrai en ma meson
As miens estre compaignon
Vivre en peis e en compaignie
E en solaz tote ma vie. »
Quant Henri cco avoit dit.
Sus leva e congié prist.
Quant les enfanz unt congié pris,
Ki dit avoient lur avis,
Les mestres se assemblèrent
E des treis frères entre-parlèrcnt.
Cil ki les avoit mandé
E les avoit aresoné,
Entre els ad primes parlé
Et sa reson mult bien mustré :
« Seigneurs, ceo dist, mult avom parlé
E de les enfanz desputé.
Devant nus unt tuit treis esté
E lur volentez unt mustré.
Treis oiseals les oi nomer
Lesquels ils voldreient resemblet*,
Desquels aucement nus averom,
Si al roi respondre volum.
« De Robert devom primes parler.
Ki volait estre esperver.
L'esperver est pruz e honuré Mult bien volant e bien prisé ; Mes trop ad fort encombrer, Ke à son voil ne poet voler :
Par les piez est ferme lié E tute sa vie enprisoné.
De Robert di-jeo altretant, Kar pruz serra e mult vaillant; Grant los e grant renon avéra E honoré de toz serra; Meis quant avéra tuit erré.
Par force ert pris e amené E al drein, céo est la som, Robert morra en prison.
« De Willam le Rus parlom avant^, Ki volait estre egle volant.
La egle est forte e puissant ; Meis mult est orde et malfesant, Pur pruesce ne ert jà prisé Ne chéri ne honuré, A maie fin est destiné, De laceons pris u seté, De Willam volum autant dire, Ke rois serra e grant sire. Riches home e mult puissant^ Meis mult cruel e malfesant^ Pur ses utrages mult doté.
De plusors haï et poi prisé ; Orde horne ert, de ma [le] vie, Malement morra, pur veir vus die.
« Parlum de Henri le puisné frère, Ki volait l'estornelc resembler.
L'estornel est simples e deboners E en grant soadre volt voler.
En peis volt vivre sans mesprendré E en solaz sa fin a tendre.
De Henri ceo dire bien purrum Ke del estornel trové avom, Ke sages serra e do bon afere
E à son voil ne movera guerre, Larges terres e rentes avéra E grant meisné par pais mènera, Sovent graunt anoy sentira, Meis al drain en peis morra.
« De les enfanz vous ai dit Geo ke Deus en quor me mist, Vus ki ma reson savez, Si ai mespris, si m'amendez. »
Quant li mestres out parlé, Les autres tuz unt crié :
« Mult parlez resonablement.
Nul n'i poet mettre amendement.
A vostre dit tuz assentom, Sus levez, al roi irrom; E ceo ke ci dit avez.
De par nus toz al roi mostrez. »> Devant le roi sunt toz venu.
Od grand honur les ad receu.
Cil ki bien saveit parler E grant reson bien mostrer, Céo ke entr'els unt trové Par ordre al roi od tuit conté :
Coment Robert, ki fu ainzné, Pruz serreit e mult prisé; Maiz au drain, céo est la some, Robert murrait en prison.
Issi Robert, le bou baron, A Kardif morut en prison.
E de Willam li autre frère Ki rois seroit de grant poer.
Horde home e desmesuré E par meschance al drain tué.
Issi avint par son péché :
En la Novel Forcst fu blessé.
E de Henri, ki fu le puisné, Ki par bone destiné Rois et noble prince serreit E a drein en peis murreit.
Quant li rois les out oï.
PIÈCES JUSTIFICATIVES 38o
Pur ses douz tiz fa marri j Meis de Henri fa heité, E de ceo en ad Deu loé, E les mestres ad taz honoré, E riches dons lor ad doné; E il li unt muit mercié.
Et atant unt pris congié.
« De Wi'.lam vokim avant parler Ki voîonters voleit saver D'Engletere la ténor E la laise et la longnur, Toz les feez et les tenemenz E les servises de tote genz.
Quant de conteez i sunt trové E quant de viles en chascon conté, Quant de barons la terre avoit E cumbien de terre chascon tenoit, Quanz de feez de chevaliers E cumbien de franc-fermers, Le serganties e les sokages, Les petiz sokemen e les vilenages, Cumbien des charues en chascon vile E kant de boueez en la charue, Cumbien de terre chascon home avoit E en quele manère il la tenoit E quel servise faire devoit E quel sa terre valer purroit .
Tait ensemble fist enquerre Par serement par mie la terre.
Od graat diligenz ceo fist escrivre E de ceo en fist un grant livre.
Le livre est Domesday apelé E en la trésorie le roi uncore guardé. Le Conquéror, cum dient les escriz, De jMalde engendra quatre fiz.
Robert Curte-hose fu le ainzné.
Richarde li autre fu apelé, Willam le Rus le tierce noma, Ki après lui primes régna.
Henri out à nun le puisné.
