II

Ki de clergie fa fundé.

Cinke filles Deu li dona

De Malde sa femme, ke mult ama;

L'aisnée Cécile apela,

Ke abbesse de Gam estoit jà.

La SGcunde Custanz estoit,

Ke Alain le Sergant à femme avoit,

Ki quens esteit de Bretaigne,

Ke mult est bune tere e saine

Aude la tierce vient après,

Ki Esteven, quens de Bleis,

Od grant honor espusa

E de lui dous fiz engendra :

Li un out nun Thebaud, ceo croi,

Li autre Esteven, ki puis fu rei.

Li dous drains, mien aescient,

Se laissèrent morir en lor juvent.

Quant li Bastard deveit morir,

Kanke aveit fist départir,

Soen héritage, mien aescient.

Normandie od kanke apent

A Robert son ainzné fiz dona

E dux de Normandie l'apela :

Tuit son conquest par deçà

A Willurn son fiz dona;

A Henri dona son trésor,

Dras de seye, argent e or.

Quaunt ile out fest son testament

De teres, de or e de argent,

E XXX an sunt acompliz

Puis ke Engleterre ad conquis,

A Gara se laissa morir,

E iloec le firent ensevelir