Ilarold

Le seir en l'anuitant oscur, Que tuit en fussent plus séur, Lor out lor cors faiz toz armer Ci que le jor parut tôt clcr Samadis ert, ce sui lisantz.

Dune prist treis légions mult granz En treis ordres les devisa Et s'autre gent r'apareilla, Archers, serjanz e ceus à pie.

Quant tuit furent apareillié, Si fu l'enseigne despleiée, Que l'apostoile out enveié [e] De la sainte iglise de Rome Assous, confès, c'en est la sume, Chevauchèrent, lor escuz pris, Contre lor mortex enemis.

Cume sage, proz e discrez, Les out li dux amonestez ; Remembre-lor lor granthonor, Que puisqu'il l'orent à seignor Ne furent en nul leu vencuz.

Or est li termes avenuz Que lor valors estuet dobler, Creistre e pareistre e afiner.

Ci n'a mestier hobeléiz, Mais od les branz d'acer forbiz Deffendre les cors e les vies, Kar od tant seront acomplies Les granz painese les travailles, Ici fineront les batailles.

Ci receveront les granz loiers Qu'aveir deivent bons chevaliers Les terres, les fieus, les honors, Plus c'unc n'orent lor anceisors.

Par lor v.dor, par lor proeces, Auront dès or les granz richesces; Les granz tenures e les fieus ; Mais trop est perillos li gieus.

Si la victoire n'en est lor E se il ne sunt venquéor,

Mor sunt, en ce n'a recovrer; Kar fuie n'i aureit mestier, Recet ne chastel ne boschage; Mais qui or sera proz e sage S'il mostre e face apareissant, E il sera par tôt aidant Ghadel e escuz e deffense ; Et si chascun d'eus se porpense, Si trovera c'unc Engleterre Ne vout gaires nus nom conquerre, Qu'Engleis la péussent deflendre; E si deivent à ce entendre, Que mult poent estre séur Dunt Héraut est vers lui parjur.

Faus, enchaaiz, vient al estor Od tote sa grant déshonor, Morz est, vencuz e trespassez, E il vivront mais honorez Del grand conquest qu'iloc feront, Qu'ensemble od lui départiront.

Or n'i a plus mais del férir E de vassaument contenir Que la bataille aient vencue Ainz que la nuit seit avenue.

Tant out Héraut ses genz menées Par poi qu'as lor ne sunt jostées, Tant out conreiz faiz e sevrez Qui ne vos serreient devi- ez, Si bel armez, si richement, Que des armes d'or e d'argent Resplent la terre d'environ :

Tant riche enseigne e tant penon I despleient al avenir.

Alez se sunt entre-férir Si durement e od tel ire, Jà n'orrez mais si fier martire.

Assemblez sunt d'anbes deuz par/..

Volent saettes, volent darz A teu fuison senz plus tenir, Riens n'i ose l'oil desoovrir.

Li sun des cors, li hu, li cri,

Sunt entendu loing e oï.

Od ire assembla cel ovraigne,

Por tel ensangla[n] ta la plaigne.

Sempres assez en petit d'ore

Se corrent si morteument sore,

Od les haches danesches lées

E od les lances acérées

S'entre-fièrent si durement

Et si très airéement,

Que des costez e des eschines,

Des chés, des braz et des peitrines,

S'en ist li sans à fais vermeilz .

Tant i a d'eus pasmez e freiz

Que ce n'est si merveille non.

Gomencée est la contençon

Od les fiers glaives esmoluz

Si pesme, dunt dis mile escuz

Sunt despeciez e estroez

Et les forz haubers effundrez,

E li boel et li panceil

Eissi que de cler sans vermeil,

Qui des cors lor chet e dévale, En i a jà deu mile pâle.

Ne fu si l'ovre non à gas

De ci que oïz fu li fiers glas

Sor les heaumes des branz d'acier,

Mais là sorst dol e encombrer

A ceus qui trébuchent des seles

Et qui l'om espant les cerveles

Et qui l'om trenche les viaires.

Eissi dura tant li afaires

Que li coart e li preisié.

Cil a cheval e cil à pié

D'ambes deus parz furent à un.

Dune fu le chaple si comun

Ci qu'à hore de midi

Que nus de tant espie forbi,

Ne de tant glaive reluisant,

Ne de tant espée trenchant

38i PIÈCES JUSTIFICATIVES

Ne de tante hache esmolue

Ne de tante sajette ague

Ne quide eschaper ne eissir,

Tuit s'abandonent à morir.

A ce veient l'ovre atorner,

Kar, ke en cors que en sanc cler,

Sunt en maïz jusqu'as genoilz.

Une tante dolerose voiz,

Ne tanz morteus orribles criz

Ne furent en un jor oïz.

En ceste ovraigne amère e fiere Orent Engleis en teu manière Avantage, cum je vos dirai :

Dunt li nostre orent grant esmai, Qu'encombros ert li leus e haut Ou esteient les genz Héraut.

Ce les fist tant le jor tenir Qu'à eus faiseit mal avenir.

Se il fussent à plain trovez, Mult lust ainceis li chans finez :

Mais mult greja les noz le jor E qu'en igal n'esteit l'ester.

A grant meschef les requereient, Là ù forment se défendeient, Si que je truis escrit senz faille Qu'a senestre de la bataille, Oùli nostre erent au contenz, Vint un morteus esmaiemenz; Kar ne sai par quel aventure, Qui trop dut estre pesme e dure Distrent e quidèrent plusor Que lidux fust mort en l'estor:

C'en fist à mil les dos virer Por fuir tôt dreit à la mer.

A ce comença teu merveile Qu'autretel mais ne sa pareille Ne fu oie en itant d'ore, Qu'Engleis corent à Normanz sore, Fièrent, dérompent-les à faiz.

Ici sorst dolor e esmais.

N'i éust rien deu retenir ,

Ne deu champ jà plus maintenir,

Si Deu nen féistmarvaument;

Mais quant li dux veit e entent

Que sa gent est si dérompue

Et morte, e guenchie, e vencue,

Si d'eus hastif conrei ne prent

Dol à sis quers e dolor sent ;

Par un sol poir n'esrage vifs,

Set qu'il creient qu'il seit ocis,

E por lui qu'il quident mort

Lor est venu cest desconfort.

Son chef désarme en la bataille

E del heaume e de la ventaille •

En si périllos leu mortal

Où fenissent tant bon vassal,

Mostrer se vout apertement

Que bien sachent certainement

Qu'il est toz seins et toz séurs,

Qu'à lui tornera li bons eurs.

A ceux qui jà erent fuiant

Lor vait, l'espée el poing, d'avant,

Si très durement les manace

Dunt guerpi unt e champ e place

Que riens n'eu saureit reconter.

Qui dune l'oist en haut crier :

a Qu'avez oï, genz senz valor?

Ne veez-vos vostre seignor

Délivre e bien aidanz e sains

E de victoire tôt certains?

Tornez arière au féréiz,

Karjàles verreiz desconfiz. »

Dune vint poignant quens Eustace

Qui le duc effreie e manace

E dit : « Morz est, por veir, senz faille,

S'il ne se part de la bataille ;

Nul recovrer n'a mais es suens. »

Ci pout grant honte aveir li quens,

Qu'à trop mauvaise e à trop foie

Fu puis tenue la parole ;

E li dux ses gens tant sermone

Que quers e hardement lor done;

E quant ce est que sain le veient,

De nule rien plus ne s'effreient,

R'adrècent les chès des chevaus;

E li bons dux, li bons vassaus

Lor mostre la veie premiers.

Hoc par fu teus chevaliers

E tel esforz i fist le jor

Od le t-anchant brant de color,

Que chevaliers fendi armez

De cis qu'es nuz des baùdrez;

Hurte e abat, détrenche e tue,

E sa grant gent se resvertue,

Trovent Engleis desconreez

Qui jà s'erent abandonez

A enchaucier e à occire.

Donc i out d'eus fait teu martire

Si très doleros e si granz

Que milliers, si cum sui lisanz,

I chaïrent que tuit fmèrent.

Idunc quant Normant recovrèrent,

En sanc erent vers les jenoiz.

Ainz que partist icil tooilz,

Fu reis Héraut morz abatuz,

Parmi les deus costez féruz

De treis granz lances acérées

Et par le chef de dous espées

Qui entrèrent jusqu'as oreilles

Que les plantes en out vermeilles.

Ne fu pas tost apercé u :

Por ce se sunt mult puis tenu

Cil devers lui estrangement.

A cel estor, à cel content ;

Dunt ci vos di e dunt je vos contj

Robert, fiz Roger de Baumunt,

Vos di qui fu teus chevaliers

Si proz, si hardiz e si fiers

E si aidanz que ceste istoire

Me fait de lui mult grant mémoire.

Mult redélivrent forz les places Il e ses genz quens Eustaces

Si n'a durée acer ni fer

Vers Guillaume le filz Osber,

Qu'Engleis ateigne si garniz

De la mort ne puisse estre fiz.

Chevaliers i est forz e durs

E sage, e sofranz, e séurs;

E li bons visquens du Toarz

N'i est ne mauvais ne coarz,

Qui est apelé Eimeris;

Mult i reçut le jor grant pris.

Gauter Gifart, savum de veir,

Qui out le jor grant estoveir,

Qu'abatuz fu de son destrier

Eissi que cinc cenz chevalier

Des lors l'aveient jà outré,

Toz ert li secors oublié,

Quant li bons dux de Normendic,

Od l'espée d'acer forbie,

L'ala secorre e délivrer

E faire sempres remonter.

En si fait lieu n'iert mais retrait

Que tel esforz cum ceu seit fait Par un prince qui au munt vive.

Nus ne content ne nus n'estrive Que le pris n'en fust suens le jor De la bataille et del estor ; Poi out de mort crieme e regart A rescorre Gauter Gifart.

N'en i r'out gaires de plus buens Qui fu le jor Hues li quens, E Guillaume cil de Warenne R'ida à conquerre le règne Cum buens chevalers e hardiz.

Uns Taillefer, ce dit l'escriz, I aveit mult grant pris conquis ; Mais il i fu morz e occis. Tant esteit grant sis hardemenz Qu'en mi les presses de lor genz

Se colout autresi séur

Cume s'il i fust clos de mur;

Et puis qu'il out plaies mortex,

Puis i fu-il si proz e teus

Que chevalier de nul parage

N'i fist le jor d'eus teu damage.

Ne's non pas toz, ne cil ne fist

Que l'estoire primes escrit,

Qui riche furent e vassal

El dur estor pesme e mortal.

Si vousisse lor fiiz escrire,

Trop lunge chose fust à dire ;

En treis quaers de parchemin

N'en venissé-je pas à fin :

Par ce covient l'ovre à finer,

Que tost s'ennuient d'escouter,

Eschis e pensi> e destreiz,

Auquant plusor soventes feiz

Qui a neient volent entendre

Mieuz qu'as buenz faiz oir n'aprendro.

[S] i dès prime, quant fu jostée, De ci qu'à haute relevée Du>a la bataille pléniére, Que nus ne s'en fu traiz arère; Mais quant la chose fu séue E entre Engieis apercéue Que Héraut ert mort à devise Et le plus de sa gent occise E sis frère e baron plusors N'en i atendent nul secors ; Las sunt e vain, e feibie, e pâle Del sanc qui des cors lor dévale.

Vei nt sei rompre e départir E de totes parz envaïr, Veientlor genz ocis e morte E vient la nuit qui's desconforte, Veient Normanz resvigorer E lor force creistre e dobler, Veient n'i a deffension, Qui ne garra par esperon

Ou par mucer ou par foïr

Certains e fis est de morir ;

Virent les dos, n'i a retor;

Le deffendre laissent li Jor.

Teus fu lor perte e lor esmais

Que dérompu sunt à un fais.

Adonc i out glaive e martire

Si grant n'el vos saureit riens dire.

Gelé occise, celé dolor

Tint tant cum point I out deu jor,

Ne la nuit ne failli la paine

Ci que parut le diemaine.

Ce que la terre ert encombrose

E fossée e espinose,

Ç'ocist Engleis plus e destruist,

Que nus à peine s'i esduist.

La trébuchoent e chaeient,

E cil a pié les occieient,

Ne quid n'el sai ne je n'el lis

Ne en nule istoire n'el truis

G'unc si granz genz fust mais jostée,

Si périe n'eissi allée N'essi à neient revertue.

Si fu la bataille vencue Le premier jor d'oitovre dreit :

E si quide-1'om bien e creit Qu'à cinc milliers furent esmé Cil des lor qui furent Vcové Sol eu grant champ dei féreiz Quant qu'il fussent desccnfiz, Estre l'occise et le martire Qui lut tute la nuit à ire.

Au retorner parmi les morz Véissiez esjoïr les noz, Mais li dux est pleins de pitié De lermes a le vis moillié Quant il esgarce les oci».

S'il tuit li furent ennemis Morteus vers lui e vers les suens, Dunt mu.t li une ocis de buens,

S'il tôt deit aveir joie grant D'aver si vencu un tirant Vers lui parjur, faus, desleié, Toteveies a-il pitié Que li plus bel et li meillor E deu règne tote la flor Seient eissi péri e mort Par sa grant coupe e par son tort, Gerchez fu sis cors e trovez, En plus de tresze leus nafrez, Kar devers lui, si cum je qui, N'out meillor chevaler de lui ; Mais Deu ne crienst ne serement E por ce l'em prist malement.

Lez lui furent trové ocis Andui si frère, ce m'est vis; Ne se voudrent de lui partir :

Toz treis les i covint morir.

Eissi l'en prent qui sieu désert :

Qui tôt coveite le tôt pert.

Cest glaive e ceste grant dolor Que li Normant unt fait des lor Aveient pieçà déservie Quant par lor très grant félonie Occistrent Auvré e tanz De ses bons compaignons normanz, G'unc puis ne fu ne 's haïssent F. qu'a ce ne 's atendissent, Qu'or en unt fait à ceste feiz Cumparé unt lor grant desleiz.

Tant aveit lor mautez durée Qu'or es fenie e trespassée.

AJée est tote lor vertu Si qu'à neient sunt revertu.

Deu règne ert mais la seignorie As eirs estraiz de Normendie :

Gunquisel 'unt cum chevalier Au fer trenchant e al acier.

Au bie[n] matin, enprès mangier, A fait li dux les morz cercher.

Mult i out piez e mains e buille ; Mais les armes e la despuille Firent coillir e amasser; Dune fist toz les sûens enterrer.

Li reis Héraut fu séveliz ; E si me retrait li escriz Que sa mère por lui aveir, Vout au duc donner grand aveir; Mais n'en vout unques dener prendre Ne por riens nule le cors rendre ; Mais à un Guillaume Malet, Qui n'ert tosel pas ne vaslet, Mais chevaliers durs et vaillanz.

Icist l'en fu tant depreianz Qu'il li donna à enfoïr Là où li vendreit à plaisir.

RECIT DE ROBERT WACE a

Li dus e li soens plus n'i firent, A lor herberges revertirent, Tuit asseur e tuit certain D'aveir la bataille à demain.

Dune veissiez hanstes drecier, Haubers e helmes afaitier, Estreins e seles atorner, Couires emplir, ars encorder, Eissi tôt apareillier Ke à cumbatre aveit mestier.

Quant la bataille dut joster, La nuit avant, ço oi conter, Furent Engleiz iorment haitiez, Mult riant e mult enveisiez ; Tote nuit mangièrent e burent, Unkes la nuit el lit ne jurent.

Mult les veissiez démener,

t. Roman de hou et des ducs de Normandie, par Robert Wace, t. II, p. 13 et suiv.

Treper e saillir e chanter; Bublie, crient, e weissel, E laticome e drincheheil, Drinc Hindrewart e Drintome Drinc Helf e drinc Tome Eissi se contindrent Engleiz, E li Normanz e li Franceiz Tote nuit firent oreisons, E furent on aflicions.

De lor péchiez confez se firent, As proveires les regehirent, Et qui n'en out proveires prez, A son veizin se fist confez.

Por ço ke samedi esteit, Ke la bataille estre debveit, Unt Normanz pramis e voé, Si com li cler l'orenl loé, Ke à cet jor mez s'il veskeient, Char ne saune ne maingereient.

Giffrei, eveske de Coustances, A plusors joint lor penitances; Cil reçut li confessions, E dona li beneiçons.

Cil de Baieues ensement, Ki se contint mult noblement; Eveske lu de Baessin, Odes aveit nom, filz Ileiluin, Frère li dus de par lor mère; Granz esforz mena od son frère De chevaliers e d'altre gent; Manant tu mult d'or e d'argent.

D'oitovre al'quatorzieme di Fu la bataille ke jo vos di.

Li proveires par lor chapelcs, Ki esteient par l'ost noveles, Unt celé noit tote veillié, Dex reclamé e Dex preié.

Junes font et aflicions S lor privées oroisons ; Salmes dient e misereles,

Letanies e kerieles;

Dex requièrent e merci crient.

Patenostres e messes dient :

Li uns : Spiritus Domini,

Li altres : Salus populi,

Plusors • Salve, sancte parens,

Ki aparteneit à ce] tens,

Kar samedi cel jor esteit

A cel jor bien aparteneit.

Quant li messes furent chantées,

Ki bien matin furent finées,

Tuit li baron s'entr'asemlerent,

El duc vindrent, si porparlèrent

Ke treis cunreis d'armes fereient

Et en treis lieus les assaldreient.

En un tertre s'estut li dus,

De sa gent pout veir li plus ;

Li baron l'unt avironé,

Hautement a à els parlé :

« Mult vos deis, dist-il, toz amer,

E mult me pois en vos fier,

Mult vos dei e voil mercier

Ke por mei avez passé mer,

Estes venu en celé terre,

Ne vos en puiz, ço peize mei,

Tel grâces rendre com jo dei,

Maiz quant jo porrai, les rendrai,

E ço aureiz kejo aurai :

Se jo cunquier, vos cunquerrez,

Se jo prens terre, vos l'aurez.

Maiz jo di bien veraiement :

Jo ne vins mie somment

Por prendre ço ke je déniant,

Maiz par vengier li felunies,

Li traïsuns, li feiz menties,

Ke li homes de cest pais

Unt fet à notre gent toz dis. «

Mult unt fet mal à mes parenz;

Mult en unt fet à altres genz;

Par traïsun font kank' il font,

Jà altrement mal ne feront.

La nuit de feste saint Briçun Firent orrible traïsun, Des Daneiz firent grant dolor, Toz les ocistrent en un jor.

Ne kuid mie ke pechié seit D'ocire gent ki miex ne creit :

Ensemle od els mangié aveient, E en dormant les ocieient ; D'Alwered avez bien oï Corne Guigne mult le traï :

Salua li, poiz cil beisa, Ensemle od li but e menga, Poiz le traï, prist e lia, E à felun rei le livra, Ki en l'isle d'Eli le mist, Les oils li creva, puiz l'ocist.

A Gedefort fist toz mener Gels de Normendie e diesmer :

Et quant la diesme fu partie, Oez com faite félonie, Por ço ke trop grant li sembla, La diesme de rechief diesma, Teles felunies e plusors K'il unt fête à nos ancessors Et à nos amis ensement, Ki se contindrent noblement, Se Dex plaist nos les vengeron, Et kant nos veincu les aron, Ke nos feron legierement, Lor or aron e lor argent, E lor aveir donc plenté ont, E li maneirs ki riches sont.

En tôt li mond n'a altretant De si fort gent ne si vaillant, Corne vos estes asemblez ; Vos estes toz vassals provez. »

— E cil comencent a crier :

« Jà n'en verrez un coarder, Nus n'en a de morir poor,

Se raesticr est por vostre amor. »

— Il lor repont : « Les vos merciz, Por Dex, ne seiez esbahiz, Ferez les bien al comencier; N'entendez mie à gaaingner; Li gaain nos iert tôt comun; A plenté en ara chescun ; Vos ne porreiz mie garir Por estre en paiz ne por fuir ; Jà Engleiz Normanz n'ameront Nejà Normanz n'esparneront; Félons furent e félons sont, Faus furent et faus seront.

Ne fêtes mie malvaistié, Car jà n'aront de vos pitié.

Ne li coart por bien fuir, Ne li hardi por bien ferir, N'en iert des Engleiz plus preisiez, Ne n'en sera plus esparniez.

Fuir poez jusk'à la mer, Vos ne poes avant aler; N'i troverez ne nef ne pont, Et esturmans vos faldront; Et Engleiz là vos ateindront, Ki à honte vos ociront.

Plus vos morreiz en fuiant Ke ne fereiz en combatant ; Quant vos par fuie ne garreiz, Gumbatez vos e si veinerez.

Jo ne dot pas de la victoire, Venuz somes por aveir gloire; La victoire est en notre main, Tuit en poez estre certain. »

— A ço ke Willame diseit Et encor plus dire voleit, Vint Willame li filz Osber, Son cheval tôt covert de fer.

— « Sire, dist-il, trop demoron \ Armons nos tuit, alon, alon ! »

— Issi surit as tentes aie,

Al miex k'il poent se surit armé.

Li dus fu mult en grant trepeil, Tuit perneient à li cunseil Mult enorout toz li vassals, Mult donout armes e chevals. Quant il s'apareilla d'armer, Sun boen haubert fist demander, Sor sez bras l'a uns hoem levé, Devant li dus l'a aporté.

Maiz al lever l'a trestourné Sainz k'il ne fist ço de sun gré :

Sun cbief a li duz enz bote, Preuf l'aveit jà tôt endossé, Cels derriers a devant torné, Arrière l'a mult tost jeté; Cil en fuient espoenté ; Ki li haubert unt esgardé.

— a Maint home, dist-il, ai veu :

Se issi li fïtst avenu,

Jà hui maiz armes ne portast

Ne en hui maiz en champ n'entrast,

Maiz unkes en sort ne creï

Ne ne creirai; en Dex me fi,

Kar il fet d'el tôt son pleisir,

Et ço k'il velt fet avenir.

Unkes n'aniai sortiseors,

Ne ne creï devineors;

A Dam le Deu tut me cornant,

Ghà mon haubert n'alez dotant ;

Li haubert ki fu tresturné,

Et puiz me r'est à dreit doné

enefie la tresturnée De la chose ki iert muée.

Li nom ki ert de duché Verreiz de duc en rei tome ; lais serai ki duc ai esté, N'en aiez mie altre pensé. »

— Dune se signa, li haubert prist, Beissa sun chief, dedens le mist, Laça sun helme et ceint s'espée,

Ke un varlet out aportée.

Sun boen cheval fist demander, Ne poeit l'en meillor trover; D'Espaingne li out enveié Un reis par mult grant amistiô ; Armes ne presse ne dotast Se sir sires l'esperonast.

Galtier Giffart l'out amené, Ki à Saint-Jame aveit esté ; Tendi sa main, li règnes prist, Pié en estrieu, desuz s'asist; Li cheval poinst e porsailli, Torna et point e s'esverti, Li visquens de Toarz guarda Cornent li dus armes porta; A sa gent a entor sei dit :

— « Home mez si bel armé ne vit, Ki si gentement chevalchast,

Ne ki si bel arme portast, N'a ki haubert si avenist, Ne ki lance si bien brandist, Ki en cheval si bien seist, Ki si tornast, ne si tenist.

Soz ciel tel chevalier n'en a Beau quiens e beau rei sera ; Gumbate sei, e si veinera; Tôt seit honi ki li faldra. »

— Li dus fist chevals demander, Plusors en fist très li mener, Chescun out à l'arçon devant Une espée bone pendant;

Et cil ki li chevals menèrent, Lances acérées portèrent.

Dune furent armé li baron, Li chevalier e li gueldon, En treis compaignes se partirent, E treis compaignes d'armez firent.

A chescune des treiz compaignes Out mult seignors à chevetaignes.

K'il ne feissent coardie

Por perdre membre ne por vie.

Li dus apela un servant, Son gonfanon fist traire avant Ke li pape li enveia, E cil le traist, cil le despleia ; Li dus le prist, suz le dreça, Raol de Conches apela :

Portez, dist-il, mon gonfanon Ne vos voil fere se dreit non; Par dreit e par anceissorie Deivent estre de Normandie Vostre parent gonfanonier, Mult furent tuit boen chevalier.

Grant merci, dist Raol, aiez, Ke nostre dreit reconoissiez ; lUaiz li gonfanon, par ma fei, Ne sera hui porté par mei.

Hui vos claim quite cest servise ; Si vos servirai d'altre guise, D'altre chose vos servirai :

En la bataille od vos irai, Et as Engleiz me combatrai Tant ke jo vis estre porrai; Saciez ke ma main plus valdra Ke tels vint homes i aura.

E li Dus guarda d'altre part, Si apela Galtier Giffart :

Gel gonfanon, dist-il, pernez; En la bataille le portez.

Galtier Giffart li respondi :

Sire, dist-il, per Dex merci ; Veiez mon chief blanc et chanu, Empeirié sui de ma vertu ; Ma vertu m'est afebliée, E m'aleine mult empeiriée.

L'ensuigne estuet à tel tenir, Ki lonc travail poisse soffrir, E jo serai en la bataille; N'aveiz home ki mielx i vaille, Tant i kuid ferir od m'espée,

Ke tôt en iert ensanglantée.

Dunct, dist li dus par grant fierté, Seignor, par la resplendor Dé, Vos me volez, ço crei, traïr, E à cel grand busuing faillir.

Sire, dist Giffart, non feron :

Jamez ne feron traïson, Nel' refus' mie par félonie, Maiz jo ai grant chevalerie De soldéiers e de mon fieu ; Unkes mez jo n'out si bon lieu De vos servir com jo ore ai.

Or, se Dex plaist, vas servirai ; Se mestier ert, per vos morreie :

Por vostre cor, li mien metreie.

En meie fei, ço dist li dus, Jo vos amoe, or vos aim' plus ; Se jo en puiz escarper vis, Mielx vos en sera mez toz dis.

Dune apela un chevalier Ke mult aveit oï preisier ; Tosteins filz Rou-le-Blanc out non, Al Bec en Caux aveit meison :

Li gonfanon li a livré E cil l'en a seu bon gré, Partondement l'en a cliné :

Volentiers l'a e bien porté.

Encor en tienent quitement Lor éritage lor parent; Quitement en deivent avei r Lor eritages tuit ses eir.

Willame sist sor son destrier; Venir a fet avant Rogier Ke l'en dist de Montgomeri :

Forment, dist-il, en vos me li :

De celé part de là ireiz, De celé part les assaldreiz, E Guillame, un seneschal, Li filz Osber, un boen vassal, Ensemle od vos chevalchera

Et ovec vos les assaldra.

Li Boilogneiz e li Pohiers,

Aureiz e toz mes soldeiers.

De l'altre part Alain Fergant

Et Aimeri li cumbatant,

Poitevinz meront e Bretons

E del Maine toz li barons;

E jo, od totes mes granz genz

Et od amiz et od parenz,

Me cumbatrai par la grant presse

U la bataile iert plus engresse.

Armé furent tait li baron E li chevalier e li gueldon.

La gent à pié fut bien armée, Chescun porta arc et espée; Sor lor testes orent chapels, A lor piez liez lor panels ; Alquanz unt bones coiriés, K'il unt à lor ventre liés; Plusors orent vestu gambais, Couires orent ceinz et archais.

Chevaliers ont haubers e branz, Chauces de 1er, helmes luizanz, Escuz as cols, as mains lor lances ; E tuit orent fet cognoissances, Ke Normant altre coneust, Et k'entreposture n'eust ; Ke Normant altre ne ferist, Ne Franceiz altre n'oceist, Cil à pié aloient avant Serréement, lor ars portant ; Chevaliers emprez chevalchoent, Ki les archiers emprez gardoent.

Cil à cheval et cil à pié, Si com il orent comencié, Tindrent lor eire e lor compas, Serréement, lor petit pas, Ke l'un l'altre ne trespassout, Ne n'aprismout ne n'esloignout.

Tuit aloent serréement,

E tait aloent fièrement.

D'ambedui parz archiers esteient,

Ki à travers traire debveient.

Héraut out sez homes mandez,

Cels des chastels e des citez,

Des ports, des viles e des bors,

Contes, baronz et vavassors.

Li vilain des viles aplouent,

Tels armes portent com il trovent ;

Machues portent e granz pels,

Forches ferrées e tinels.

Engleiz orent un champ porpris;

Là fu Héraut od ses amis

Et od li baronz del pais, Ke il out semons e requis.

Venuz furent delivrement Cil de Lundres e cil de Kent, Cil de Herfort e cil d'Essesse, Cil de Surée e de Sussesse, De Saint-Edmund e de Sufoc, E de Nor is e de Norfoc, De Cantorbiere et de Stanfort, E cil vindrent de Bedef'ort, E cil ki sunt de Hundetone; Venu sunt cil de Northantone, D'Eurowic e de Bokinkeharn, De Bed e de Notinkeham, De Lindesie e de Nichole Vindrent qui sorent la parole.

Dechà deverz soleil levant Veissiez venir gent mult grant De Salebiere e de Dorsete E de Bat e de Sumersete; Mult en i vint de verz Glocestre, E mult en vint de Wirecestre, de Winceslre, de Hontesire E del conté de Brichesire.

Mult en vint d'altres cuntrées Ke nos n'avon mie nomées ; Ne poon mie tôt nomer,

Ne ne volon tôt aconter.

Tuit cil ki armes porter porent

Ki la novele del duc sorent,

Alerent la terre desfendre

D'icels ki la voloent prendre.

D'ultre li Humbre n'i vint gaires,

Quer cil orent altres affaires;

Daneiz les orent damagiez

E Tosti les out empiriez.

Héraut sout ke Normanz veindreient

E ke par main les assaldreient ;

Un champ out par matin porpris

U il a toz ses Engleiz mis;

Par matin les fist toz armer

E la bataille conréer,

Et il out armes et ator,

Ki conveneit à tel seignor.

Li dus, ço dist, le deit requerrc,

Ki cunquerre velt Engleterre,

Et il, ço dist. le deit atendre,

Ki la terre li deit défendre.

A sa gent dist e comantla

Et à ses baronz cunseilla

Ke tuit ensemble se tenissent

Et ensemble se défendissent,

Quer se d'iloc se desparteient,

A grant paine se rescovreient.

Normanz, dist-il, sunt boen vassal,

Vaillant à pié et à cheval;

A cheval sunt boen chevalier

E de cumbatre costumier ;

Se dedenz noz pocnt entrer,

Nient iert puiz del recovrcr.

Lungues lances unt et espées,

Ke de lor terre unt aportées,

E vos avez lances agùes

E granz gisarmes esmolues.

Cuntre vos armes ki bien taillent

Ne kuid les lor gaires ne vaillent;

Trenchiez quant ke trenchier porreiz,

Et jà mar rien espanereiz.

Héraut out grant pople e estult, De totes parz en i vint mult ; Maiz multitude petit vaut Se la virtu du ciel i faut.

Plusor e plusor unt poiz dit Ke Héraut aveit gent petit, Por ço ke à li meschaï ; Mais plusors dient e jel di, Ke cuntre un home altre enveia.

La gent al duc poi foisonna, Maiz li dus aveit veirement Plusors baronz e meillor gent :

Plenté out de boens chevaliers E grant plenté de boens archiers.

Geldons Engleiz haches portoent, E gisarmes ki bien trenchoent^, Fet orent devant els escuz De fenestres e d'altres.fuz, Devant els les orent levez Corne cleies joinz e serrez ; N'i lessierent nule jointure, Fet en orent devant closture,

Par ù Normanz entr'elz venist,

Ke descunfire les volsist,

D'escuz e d'aiz s'avironerent,

Issi desfendre se kuiderent ;

E s'il se fussent bien tenu,

Jà ne fussent li jor veincu.

Jà Normant ne si embastist,

Ke l'aime à hunte ne perdist,

Fust par hache, fust par gisarme,

U par machue u par altre arme.

Corz haubers orent e petis,

E helmes de scr lor vestis.

Li reis Héraut dist e fist dire

E fist banir corn lor sire

Ke chescun tienge a tort son vis

Tôt dreit cuntre lor anemis,

^us ne tort de là ù il est,

E ki veindra là les truis prest :

Ke ke Normant et altre face,

Chescun desfende bien sa place.

Dune rova cels de Kent aler

Là ù Normanz durent joster,

Kar ço dient ke cil de Kent

Deivent ferir primierement;

U ke li reis auge en estor,

Li primier colp deit estre lor.

Cil de Lundres, par dreite fei,

Deivent garder li cors li rei,

Tut entur li deivent ester,

E Testandart deivent garder;

Cil furent miz à l'estandart,

Ke chescun le défent e gart.

Quant Héraut out tôt apresté,

E ço k'il volt out comandé,

Emmi les Engleiz est venu,

Lez l'estendart est descendu ;

Lewine e Guert furent od lui :

Frère Héraut furent andui;

Asez out entur li baron z.

Héraut fu lez si gonfanonz ;

Li gonfancn lu mult vaillanz,

D'or e de pierres reluisanz;

Willame pois ceste victoire

Le fist porter à l'Apostoile,

Por mostrer e mètre en mémoire

Sun grant cunquest e sa grant gloire.

Engleiz se sunt tenu serré,

Tuit de cumbatre atalenté;

Un fossé unt d'une part fait,

Ki parmi la champaigne vait.

Entretant Normanz aparurent,

D'un pendant sursirent ù il furent;

D'une valée e d'un pendant

Sort un cunrei ki vint avant.

Li reis Héraut de luing les vit,

Guert apela, si U a dit :

Frère, dist-il, ù gardes-tu?

As-tu li dus qui vient veu?

De celé gent ke jo vei là,

La nostre gent nul mal n'ara.

Il a poi gent à nos cunquerre,

Mult ai grant gent en celé terre,

Encore ai jo tuz cumbatanz,

Ke chevaliers ke paisanz

Par quatre foiz chent mil armez.

Par fei, dist Guert, grant gent avez,

Mais mult petit poise en bataille

Assemblée de vilanaille.

Grant gent avez en sorquetot.

Mult creim Normanz e mul les dot :

Tuit cil ki vienent d'outremer

Sont mult à craindre e à doter.

Bien sunt armé, à cheval vunt,

Nos maisnies defolerunt.

Mult unt lances, mult unt escuz,

Mult unt haubers, helmes aguz,

Mult unt glaives, mult unt espées,

Ars e saetes barbelées,

Les saetes ; unt mult isneles,

Mult plus tost vunt ke arondeles.

Guert, dist Héraut, ne t'esmaier,

Dex nos pot bien, s'il volt aidier :

Jà par la gent ke jo là vei

Ne nos estuet estre en esfrei.

Endementrez ke il parloent

De cels Normanz k'il esgardoent

Sort un altre cunrei plus grant,

Emprez l'altra serréement ;

A une part del champ tornerent,

E si k'as altres s'asemblerent.

Héraut les vit, si les garda,

Guert apela, si li mostra :

Guert, dit-il, nos anemiz creissent,

Chevaliers viennent et espeissent,

Mult part en vient, grant poor ai :

Unkes maiz tant ne m'esmaai,

De la bataille ai grant freor,

Mi cors en est en grant poor.

— Héraut, dist-il, mal espleitas Quant de bataille jor nomas; Ço peise mei ke chà venis

Et k'à Lundres ne romainsis, Uà Lundres u à Wincestre.

Maiz ore est tart, ne pot maiz estre.

— Sir frère, Héraut a dit, Cunseil ariere velt petit ; Deslendon nos, se nos poon.

Ne sai niez altre garison.

— Se tu, dist Guert, à Lundres fusses, De vile en vile aler peusses,

E jà li dus ne te quérist, Engleiz dotast e tei cnmist; Ariere alast u paix feist, E tes règnes te remaiusist; Unkes creire ne me volsis, Ne me preisa ço ke jo dis; De la bataille jor meis Et à cel jor terme asseis, Et de ton gré si le quesis.

— Guert, dist Héraut, por bien le fis; Jor li assis à samedi,

Por ço ke samedi naski ;

Ma mère dire me soleit

Ke à cel jor bien m'aveindreit.

— Fol est, dist Guert, ki en sort creit, Jà nul prudhoem creire n'i deit,

Nul prudhoem ne deit creire en sort.

A son jor a chescun sa mort,

Tu dis ke samedis naskis.

A cel jor pos estre occis.

Atant est sorse une cumpaigne

Ki covri tute la champaigne ;

Là fu li gonlanon levez,

Ki de Rome fu aportez ;

Joste l'ensuigne ala li dus :

Là fu li mielx, là fu li plus,

Là furent li boen chevalier,

Li boen vassal, li boen guerrier ; Là furent li gentil baron Li boen archier, li boen geldon, Ki debveient li dus garder, Et entur li debveient aler.

Li garchon e l'altre frapaille ; Ki mestier n'orent en bataille, Ki le menu herneiz gardèrent, De verz un teltre s'en tornerent.

Li proveire e li ordoné En som un tertre sunt monté Por Dex preier e por orer, E por la bataille esgarder.

Héraut vit Willame venir, E li chams vit d'armes covrir, E vit Normanz en treiz partir, Ki de treiz parz voldrent ferir :

Ne sai kels deie plus doter, A paine pout itant parler :

Nos somes, dist-il, mal bailli, Mult criem ke nos seions honi.

Li quens de Flandres ma traï ; Mult fis ke fol ke jel' créi, Kar par son brief m'aveit mandé, E par messaige àsseuré Ke Willame ne porreit mie Aveir si grant chevalerie.

Por ço, dist-il, me suiz targiez, Ke me suis tant poi porchaciez :

Ço peise me ke ai si fait.

Sun frère Guert à sei a trait, Miz se sunt juste l'estandart; Ghescun prie ke Dex le gart.

Envirun els lor parenz furent E li baron ke il conurent; Toz les unt preié de bien faire.

Nus ne s'en pot d'iloo retraire ; Ghescun out son haubert vestu, Espée ceinte, el col l'escu ; Granz haches tindrent en lor cols,

Dune il kuident ferir granz cols.

A pié furent serréement,

Mult se contindrent fièrement;

Maiz s'il seussent deviner

Mult deussent plaindre e plorer

Por la dolorose advanture,

Ki lor avint mult maie e dure.

Olicrosse sovent crioent

E Godemite reclamoent;

Olicrosse est en engleiz

Me Sainte Croix est en frenceiz,

E Godemite altretant

Gom en frenceiz Dex tôt poissant.

Norman z orent treiz cumpaignies

Por assaillir en treiz parties;

En treiz cumpaignes se partirent,

E treiz cumpaignes d'armes firent.

Li primiers e li secund vint,

E poiz li tiers ki plus grant tint :

Go f u li dus ovec sa gent,

Tuit alerent hardiement,

Dez ke li dous ost s'entrevirent,

Grant noise e grand temulte firent :

Mult oïssiez graisles soner,

E boisines e cors corner :

Mult veissiez gent porfîchier,

Escuz lever, lances drecier,

Tendre lor ars, saetes prendre,

Prez d'assaillir, prez de desfendre.

Engleiz à estai se teneient

E li Normanz toz tems veneient.

Quand il virent Normanz venir

Mult veissiez Engleiz frémir,

Gens esmover, ost estormir;

Li uns rouir, li altres pâlir;

Armes seisir, escuz lever;

Hardiz saillir, coarz trembler.

Taillefer, ki mult bien cantout, Sor un cheval ki tost alout, Devant li dus alout cantant

De Karlemaine e de Rollant, E d'Oliver e des vassals Ki morurenten Renchevals.

Quant il orent chevalchié tant, K'as Engleis vindrent aprismant.

Sires, dist Taillefer, merci, Jo vos ai lungement servi, Tut mon servise me debvez ; Hui si vos plaist me le rendez.

Por tut guerredun vos requier, E si vos voil forment preier : ' Otreiez mei, ke jo n'i faille, Li primier colp de la bataille.

Eli dus respond : Jel'otrei.

E Taillefer point à desrei, Devant toz li altres se mist; Un Engleiz feri, si l'ocist; Desoz le pis, parmie la pance

Li fist passer ultre la lance ;

A terre estendu l'abati.

Poiz trait l'espée, altre feri,

Poiz a crié : Venez, venez :

Ke fêtes vos? Ferez, ferez,

Dune l'unt Engleiz avironé ;

Al secund colp k'il out doné,

Eis vos noise levé e cri,

D'ambedui pars pople estormi.

Normanz à assainir entendent,

E li Engleiz bien se défendent ;

Li uns fièrent, li altres botent,

Tant sunt hardi ne s'entredotent,

Eis vos la bataille assemblée,

Dune encore est grant renomée Mult oïssiez grant corneiz E de lances grant froisseiz, De machues grant fereiz, E d'espées grant chapleiz.

A la feie Engleiz rusèrent, E à la feie retornerent, Et cil d'ultre-mer assailleient,

E bien sovent se retraeient.

Normanz escrient : Dex aïe ; La gent englesche : Ut s'escrie :

Lors veissiez entre serjanz, Gelde d 'Engleiz e de Normanz, Granz barates e granz medlées, Buz de lances e colps d'espées.

Quant Engleiz cheient, Normanz crient, De parole se cuntralient, E mult sovent s'entredefient, Maiz ne sevent ke s'entredient ; Hardiz fièrent, cuarz s'esmaient; Normanz dient k' Engleiz abaient, Por la parole k'il n'entendent.

Cil empiètent e cil amendent.

Hardiz fièrent, cuarz gandissent Corne hoems font ki escremissent.

A l'assaillir Normanz entendent, E li Engleiz bien se défendent, Hauberz percent et escuz fendent.

Granz colps receivent, granz colps renden t , Cil vunt avant, cil se retraient ; De mainte guise s'entre assaient.

En la champaigne out un fossé; Normanz l'aveient adossé :

En belliant l'orent passé, Ne l'aveient mie esgardé.

Engleiz unt tant Normanz hasté, E tant empeint e tant bote ; El fossé les unt fet ruser, Chevals e hommes jambeter :

Mult veissiez bornes turnber, Li uns sor li altres verser, E tresbuchier e adenter ; Ne s'en poeient relever.

Des Engleiz i moreit asez, Ke Normanz unt od els tirez.

En tut li jor n'out mie tant En la bataille occiz Normant, Com el fossé dedenz périrent,

Ço distrent ki li morz virent.

Vasletz ki as herneiz esteient,

E li herneiz garder debveient,

Voldrent gaerpir tut li herneiz,

Por li damage des Franceiz,

K'el fossé virent tresbuchier,

Ki ne poeient redrecier ;

Forment furent espoenté,

Por poi k'il ne s'en sunt torné;

Li herneiz voleient guerpir

Ne saveient kel part garir.

Quand Odes, li b»en corunez,

Ki deBaieues ert sacrez,

Poinst, si lor dist : Estez, estez ;

Seiez en paiz, ne vos movez,

N'aiez poor de nule rien,

Kar se Dex plaist nos veincron bien.

Issi furent asséuré,

Ne se sunt mie remué.

Odes revint puignant ariere

U la bataille esteit plus iiere :

Forment i a li jor valu,

Un haubergeon aveit vestu,

Desor une chemise blanche,

Lé fut li cors, juste la manche ;

Sor un cheval tôt blanc seeit,

Tote la gent le congnoisseit.

Un baston teneit en son poing;

Là ù veeit li grant besoing,

Faseit li chevaliers torner,

Et là les faseit arrester :

Sovent les faseit assaillir,

E sovent les faseit férir.

Dez ke tierce del jor entra,

Ke la bataille comença,

De si ke none trespassa

Fust si de si, fust si de là

Ke nus ne sout lequel veincreit,

Ne ki la terre cunquerreit.

De tûtes parz si se teneient,

E si sovent se cumbateient, Ke nus ne saveit deviner Ki debveit l'altre sormonter.

Normanz archiers ki ars teneient, As Engleiz mult espez traeient, Maiz de lor escuz se covreient, Ke en char ferir n'es poeient; Ne por viser, ne por bien traire; Ne lor poeient nul mal faire.

Cunseil pristrent ke hait traireient ; Quant li saetes descendaient, Desor lor testes dreit charreient, Et as viaires les ferreient.

Cel cunseil ont li archier fait, Sor li Engleiz unt en hait trait; Quant li saetes reveneient, Desor les testes lor chaeient, Ghiés e viaires lor perçoent, Et à plusors les oilz crevoent ; Ne n'osoent les oilz ovrir, Ne lor viaires descovrir.

Saetes plus espessement Voloent ke pluie par vent; Mult espès voloent saetes Ke Engleiz clamoent ivibetes.

Issi avint k'une saete, Ki deverz li ciel ert chaete Feri Héraut desus l'oil dreit, Ke l'un des oilz li a toleit ; E Héraut l'a par air traite, Getée a les mains, si l'a fraite.

Por li chief ki li a dolu S'est apuié sur son escu.

Por ço soleient dire Engleiz, E dient encore as Franceiz Ke la saete fu bien traite Ki à Héraut fu en hait traite, E mult les mist grant orgoil, Ki al rei Héraut ereva l'oil.

Normanz aperchurent e virent

Ke Engleiz si se desfendirent,

E si sunt fort por els desfendre,

Petit poeient sor els prendre.

Privéement unt conseillié,

E entr'els unt apparaillié

Ke des Engleiz s'esluignereient,

E de fuir semblant fereient,

Tant que Engleiz les porsivront

E par les champs s'espartiront.

Si les poeient despartir,

Mielx les porreient assaillir,

E lor force sereit multpiere,

Si porreient mielx descunfiere.

Et com il l'orent dit, si firent,

E li Engleiz les parswirent;

Poi et poi vunt Normanz fuiant,

E li Engleiz les vunt suiant.

Tant cum Normanz plus s'esluignierent

E li Engleiz plus s'approchierent.

Par l'esluignement des Frenceiz

Kuiderent ê distrent Engleiz,

Ke cil de France s'enfueient,

Ne jà mez ne retornereient.

La feinte fuie les déchut,

Par la fuie grant mal lor crut;

Kar se il se fussent tenu,

Ke il ne se fussent meu,

Mult se fussent bien desfendu,

A grant paine fussent veincu ;

Maiz come fol se despartirent,

E com fol les parswirent.

Mult veissiez par grant veisdie

Retraire cels de Normendie ;

Lentement se vunt retraiant

Por fere Engleiz venir avant.

Normanz fuient et Engleiz chacent,

Lances aloignent, haches haucent.

Quant il furent bien esbaudi,

Et par la champaigne esparti,

Engleiz les aloent gabant

E de paroles leidissant.

Cuarz, font-il, mar i venistes

Ki nos terres aveir volsistes;

Nostre terre aveir kuidastes,

Folz fustes quant vos i entrastes;

Normendie vost iert trop luing,

N'i vendrez mie à cel besuing;

Nient iert mez d'arrière aler ;

S'a un saut n'i poez voler.

Filz e filles perduz avez,

Se la mer tote ne bevez.

Cil escotoente soffreient;

Ne saveient ke il diseient,

Ço lor ert vis k'il glatisseient,

Kar lor langage n'entendeient.

Al arester et al torner

Ke Normant voldrent recovrer,

Oïssiez baron rapeler,

E Dex aïe en hait crier.

Lor erre unt Normanz repris

Torné lor sunt emmi le vis;

Donc veissiez Normanz torner,

E es Engleiz entremesler;

Li uns li altres encuntrer,

E cel s ferir et cels boter.

Cil fiert, cil faut,, cil fuit, cil chace,

E cil assome, e cil manace;

Normanz encuntre Engleiz s'arestent,

E de ferir Normanz s'aprestent.

Mult veissiez par plusurs places

Bêles fuies e bêles chaces ;

Grant fu la gent, la place lée,

Estur espez, dure meslée;

De tûtes parz bien se cumbatent,

Granz sunt li colps, bien s'entrebatent

Bien le faseientli Normant,

Quant un Engleiz vint acorant ;

En sa cumpaigne out chent armez,

De plusors armes atornez :

Hache noresche out mult bêle.

Plus de plain pié out l'alemele;

Bien fu armé à sa manière,

Grant ert e fier, o bêle chiere.

En la bataille el primer front,

Là ù Normanz plus espez sont,

En vint saillant plus tost ke cers;

Maint Normant mit li jor envers

Od sa cumpaigne k'il aveit,

A un Normant s'en vint tôt dreit,

Ki armé fu sor un destrier,

Od la hache ki fu d'acier

El helme ferir le kuida,

Maiz li colp ultre escolorja ;

Par devant l'arçon glaceia

La hache ki mult bien trencha;

Li col del cheval en travers

Colpa k'a terre vint li fers,

E U cheval chaï avant

Od tôt son mestre à terre jus.

Ne sai se cil le feri plus,

Maiz li Normanz ki li colp virent,

A grant merveille s'esbahirent.

L'assalt aveient tôt guerpi,

Quant Rogier de Montgomeri

Vint poignant, la lance beissie;

One ne leissa por la coignie

K'il aveit sus el col levée,

Ki mult esteit lonc enhanstée,

Ke il Engleiz si ne férist,

K'à la terre platir le fist;

Dune s'escria : Ferez, Franceiz;

Nostre est li champ sor les Engleiz.

Dune veissiez dure medlée,

Maint colp de lance e maint d'espée

E veissiez Engleiz desfendre,

Chevals tuer et escuz fendre.

Un soldeier i out de France

Ki fu de noble cuntenance,

Sor un cheval sist merveillos ;

Dous Engleiz vit mult orguillos,

Ki s'esteient acumpaignié

Por ço ke bien erent preisié.

Ensemble debveient aler,

Li uns debveit l'altre garder;

En lor cols aveient levées

Dui gisarmes lunges e lées;

As Normanz feseient granz mais,

Homes tuoent e chevals.

Li soldeier les esgarda,

Vi li gisarmes, si dota;

Son boen cheval perdre creineit,

Kar ço ert li mielx k'il aveit;

Volentiers altre part tornast,

Se cuardise ne semblast,

Maiz tost m en altre pensé :

Sun cheval a esperuné ;

Poinst li cheval, ni frein lascha . E li cheval tost le porta.

Por la crieme des dous gisarmes L'escuz leva par les enarmes :

Un des Engleiz feri tôt dreit, Od la lance keil teneit; Sos li menton en la petrine ; Li fer passa parmi l'eschine.

Endementrez ke il versa.

Se lance chai e froissa, Et il a le gibet seisi Ki a sun destre bras pendi; L'altre Engleiz a féru amont Ke tôt li chief li casse e font.

Rogier li viel, cil de Belmont, Assalt Engleiz el primier front, A merveilles pris en i ont :

Ço pert as eirs ki riches sont ; Bien poet l'en saveir as plusors, Ke il orent boens ancessors, E furent bien de lor seignors Ki lor douèrent tels enors.

De cel Rogier en descendant Vint li lignage de Mellant.

Guillame ke l'en dit Mallet, Hardiement entr'els se met Od l'espée qui resflambie, As Engleiz rent dure escremie. Maiz son escu si estroerent, E son cheval soz li toerent, E il meisme eussent mort, Quant vint li sire de Montfort E dam Willame de Vez-Pont; Od granz maisnies ke il ont Le rescotrent hardiement.

Mult i perdirent de lor gent ; Mallet firent monter maneiz Sor un destrier tôt freiz.

Bien firent cel de Beessin, E li baronz de Costentin, E Neel de Saint-Salveor Mult s'entremet d'aveir l'amor E li boen gré de son seignor ; Assalt Engleiz o grant vigor; Od la petrine du destrier En fist maint li jor tresbuchier,

Et od l'espée al redrecier

Veissiez bien baron aidier.

Grant pris en out cil de Felgieres,

Ki de Bretaigne out gent mult fieres.

Henri li sire de Ferrieres,

E cil ki dune gardout Tillieres;

Od cels baronz grant gent s'asemblc,

Sor Engleiz fièrent tuit ensemble ;

Morz est u pris ki ne s'en emble;

Tote la terre croie e tremble.

De l'altre part out un Engleiz

Ki leidisseit mult li Franceiz;

Od une hache mult trenchant,

les alout mult envaissant.

Un helme aveit tôt fait de fust,

Ke kolp el chief ne receust;

A ses draz l' aveit atachié,

Et envirun son col lacié,

Un chevalier de Normendie

Vit li forfeit e l'estoltie

K'il alout des Normanz faisant;

Sor un cheval sist mult vaillant;

Eve ne feu nel' retenist,

Se li sire bien le poinsist;

Li chevalier l'esperuna

E li cheval tost le porta.

Sor li helme l'Engleiz feri,

Desuz les oils li abati,

Sor li viaire li pendi,

E li Engleiz sa main tendi,

Li helme voleit suz lever,

E son viaire délivrer ;

E cil li a un colp doné,

Li puing destre li a colpé,

E sa hache à terre chai.

Et un Normand avant sailli;

Od ses dous mains l'a relevée,

Ke il aveit mult golosée ;

Maiz mult li out corte durée,

K'il Tout sempres cumperée.

Al beissier ke il faseit

A la hache ke il perneit,

Un Engleiz od une coignie,

Ke il aveit lungue emmanchie,

L'a si féru parmi li dos

Ke toz li fet croissir-les os ;

Tote poet l'en veir l'entraille.

E li pomon e la coraille.

Li chevalier al boen cheval

S'en retorna ke il n'out mal;

Maiz un Engleiz ad encuntré,

Od li cheval l'a si hurté,

Ke mult tost l'a acraventé,

Et od li piez tôt defolé.

Li boen citean de Roem Et lajovente de Gaem, Et de Faleise, e d'Argentoen, E d'Anisie, e de Matoen;

Kil ki ert sire d'Aubemare, E dam Willame de Romare, E li sire de Litehare, E cil de Touke e de la Mare, E li sire de Néauhou, E un chevalier de Pirou, Robet li sire de Belfou, E cil ki ert sire d'Alnou, Li chamberlenc de Tancharvile, E li sire d'Estoteville, Et Wiestace d'Abevile, Et li sire de Magnevile, Willame ke l'en dist Crespin, E li sire de Saint-Martin, E dam Willame des Molins, E cil ki ert sire des Pins ; Tuit cil furent en la bataille; N'i a cil d'els ki mult n'i vaille Un vassal de Grentemesnil Fu mult li jor en grant péril; Kar sun cheval li trespc-rta, Por poi ke il ne tresbucha A un boissun k'il tressailli :

Par li règnes le frein rompi, E li cheval sailli avant, Vers les Engleiz ala corant; E li Engleiz ki s'aperchurent.

Haches levées li corurent; Maiz li cheval s'espoenta Ariere vint, dune il torna* De Meaine li vieil Gifrei, E de Bohon li vieil Onfrei, De Cartrai Onfrei e Maugier, Ki esteit novel chevalier ; De Garenes i vint Willeme, Mult li sist bien el chief li helmc; Et li vieil Hue de Gornai, Ensemle o li sa gent de Brai.

Ot la grant gent ke cil menèrent.

Mult en ocistrent e tuèrent.

Et Engerran de Laigle i vint, L'escu el col, la lance tint, Sor Engleiz fier de grant air, Mult se peine del duc servir; Por terre qu'il li ont pramise S'entremist mult de son servise.

E li visquens, cil de Toarz, Ne fu mie li jor coarz.

D'Avrencin i fu Richarz, Ensemble od li cil de Biarz, E li sire de Solignie, E li boteillier d'Aubignie, Cil de Vitrie e de Lacie, De Val-de-Saire e d£ Tracie, Et cil furent en un conrei, Sor Engleiz fièrent demanei; Ne dotoent pel ne fossé, Maint hoem unt cel jor enversé :

Maint boen cbeval i unt tué, E d'els maint hoem i out nafré.

Hue li sire de Montfort, Cil d'Espiné e cil de Port, Cil de Corcie et cil de Jort, I unt cel jor maint Englès mort.

Cil ki fu sire de R éviers, Grant plenté out de chevaliers; Cil i fe rirent as primiers, Engleiz folent od li destriers.

Li viel Willame de Moion Out avec li maint cumpaignon.

De Cingueleiz Raol Teisson E li viel Rogier Marmion S'i contindrent corne baron, Poiz on orent grant guerredon.

Joste la cumpaigne Néel Chevalcha Raol de Gael ; Bret esteit e Breton z menout, Por terre serveit ke il out, Maiz il la tint asez petit, Kar il la forfist, ço fu dit.

Des Biarz i fu A venais, Des Mortiers-Hubert Paienals, Robert Bertram ki esteit torz, Mult i out homes par li morz, Li archier du Val-de-Roil, Ensemle od els cels de Bretoil, A maint Engleiz crevèrent l'oil Od li saetes acérées K'il aveient od els aportées.

Cels de Sole e cels d'Oireval, De Saint-Johan e de Brehal, Cels de Brius e cels de Homez Veissiez ferir mult de prez ; Li escuz sor lor chiés meteient, Li colps des haches receveient; Mielx voleient il oc morir, Ke à lor dreit seignor faillir Cil de Saint-Sever et de Caillie, E li sire de Semillie ; De Basquevile i fu Martels,

De joste li cil de Praels, Cil de Goviz e de Sainteals,

Del viez Molei e de Monceals,

Cil ki ert sire de Pacie,

E li seneschals de Corcie,

Et un chevalier de Lacie,

Ensemle o els cils de Gascie,

E cil d'Oillie e de Sacie,

E li sire de Vaacie,

Del Tornéor e de Praeres,

E Willame de Columbieres,

E Gilbert li viel d'Asnieres,

De Chaaignes e de Tornieres,

Li viel Luce de Bolebec,

E dam Richart ki tient Orbec.

E li sire de Bonnesboz,

E cil de Sap e cil de Gloz,

E cil ki dune teneitTregoz;

Dous Engleiz fist tenir por soz ;

L'un od sa lance acraventa,

in PIÈCES JUSTIFICATIVES

L'altre od s'espée escervela, Points li cheval, si retorna, Si ke Engleiz ne le tocha.

E li sire de Monfichet, Ki de boz garder s'entremet; L'ancestre Hue li Bigot, Ki aveit terre à Maletot Et as Loges et à Chanon ; Li dus soleit en sa maison Servir d'une seneschaucie ; Mult out od li grant cumpaignie; En fieu esteit son seneschals, E mult esteit noble vassals.

Cil de corsage esteit petiz, Maiz mult esteit proz e hardiz, Et por ço as Engleiz hurta Od la grant gent ke il mena.

La oïssiez noises e criz E de lances grant froisseiz; Encuntre Engleiz furent as lices, De lor lances firent esclices.

Od gisarmes et od coignies Lor unt lor lances pescies; Et cil unt lor espées traites, Li lices unt totes fraites, E li Engleis par grant dehait Se sunt à l'estandart retrait.

Là esteient tuit assemblé Li meshaignié e li nafré ; Dune point li sire de La Haie, Nus n'espargne ne ne manaie, Ne nus ne fiert k'à mort ne traie, Ne poet garir k'il fait p^aie.

Cil de Vitrie e d'Urinie, Cil de Monbrai e de Saie E li sire de La Ferté Maint Engleiz unt acraventé; Grant mal i tirent li plusor, E mult i perdirent des lor 5 Botevilain e Trossebot,

Cil ne dotent ne colp ne bot, Mult si firent cel jor d'air As colps recheivre et al ferir.

Willame Patrie de la Lande Li reis Héraut forment demande; Ço diseit, se il le veeit, De perjure l'apellereit.

A la Lande l'aveit veu, E Héraut ont iloc geu, E par la Lande m passez.

Quant il fu al due amenez, Ki à Avrenches dune esteit, Et en Bretaigne aler debveit.

Là le fist li dus chevalier, Armes e dras li fist bailler A li et à sez cumpaingnons, Poiz l'enveia sor li Bretons.

Patrie fu lez li dus armez, E mult esteit de li privez, Mult i out chevaliers de Chauz, Ki jostes firent et assauz.

Engleiz ne saveient joster, Ne à cheval armes porter; Haches e gisarmes teneient, Od tais armes se cumbateient. Hoem qui od hache volt ferir, Od sez dous mainz Testuet tenir, Ne pot entendre à sei covrir, S'il velt ferir de grant air; Bien ferir et covrir ensemble Ne pot l'en faire, ço me semble.

Deverz un tertre unt pris estai, Normanz unt miz deverz li val.

Normanz à pié et à cheval, Les assaillirent corne vassal.

Dune puinst Hue de Mortemer Od li sire d'Auviler; Cil d'Onebac e de Saint-Cler Engleiz firent mult enverser.

Robert ki fu filz Erneis,

La lance aluigne, l'escu pris, A l'estandart en vint puignant ; De son glaive ki fu tranchant Fiert un Engleiz ki ert devant, Mort l'abati de maintenant, Poiz trait l'espée demaneiz, Maint colpferi sor les Engleiz.

A l'estandart en alout dreit, Por ço k'abatre le voleit; Maiz li Engleiz l'avironerent, Od lor gisarmes le tuèrent :

La fu trové quant il fu quis, Lez l'estandart mort et occis.

Li quens Robert de Moretoing Ne se tint mie del duc loing, Frère ert li dus de par sa mère, Grant aïe fist à son frère.

Li sire poinst de Herecort, Sor un cheval ki mult tost coït, De kant k'il pot li dus secort.

De Crievecoer et de Driencort E li sire de Briencort Sueient li dus kel part k'il tort.

Cil de Combrai e cil d'Alnei, E li sire de Fontenei, De Robercil e del Molei Vunt demandant Héraut li rei.

As Engleiz dient : Çà estez, U est li reis ke vos servez, Ki à Guillame est parjurez?

Morz est s'il pot estretrovez.

Altres barons i out asez, Ke jo n'ai mie encor nomez; Maiz jo ne poiz à toz entendre, Ne de toz ne poiz raisun rendre, Ne poiz de toz li colps retraire, No jo ne voil lunge ovre faire; Ne sai nomer toz li barons Ne de toz dire li sornons De Normendie e de Bretaigne,

Ke li dus out en sa cumpaigne

Mult out Mansels et Angevins,

E Tuarceiz, e Poitevins,

E de Pontif, e de Boloigne.

Grant ert la gent, grant la busoignc;

De mainte terre out soldeiers,

Cels por terre, cels por deniers.

Li dus Willame se cumbat, En la greignur presse s'embat, Mult en abat, n'est ki rescoe, Bien pert ke la busoigne ert soe.

E cil ki tient son gonfanon Tostein filz Rou li Blanc out non; Del Bec joste Fescam fu nez, Chevalier proz e renomez; E quand li dus tournout, tournout; E quant arestout, arestout; Par li granz presses s'embateit, Là ù il plus Engleiz veeit, E li Normanz les ocieient, E tueient, et abateient.

Out li dus mult grant cumpaignie De vavassors de Normendie, Ki por lor seignor garantir Se lesseient as cors ferir.

Alain Fergant, quens de Bretaigne, De Bretons mené grant cumpaigne :

C'est une gent fiere e grifaigne, Ki volentiers prent e gaaingne.

Cil en ocist mult e mehaigne, Ne fiert Engleis ki sus remaigne.

Bien se cumbat Alainz Ferganz, Chevalier fut proz e vaillanz; Li Bretonz vait od sei menant, Des Engleiz fait damage grant.

Li sire de Saint-Galeri, E li quens d'Où bien i feri, E Rogier de Montgomeri, E de Toarz dam Ameri; Se cuntindrent corne hardi;

Ki li fièrent, mal son bailli.

Li dus Willame mult s'engoisse,

Sor li Engleiz sa lance froisse ;

D'aler à l'estendart se peine

Od li grant pople ke il meine,

Mult s'entremet de Héraut querre,

Ke par li est tute la guerre.

Normanz vunt lor seignor querant,

E mult le vunt avironant ;

As Engleiz vunt granz colps donant,

E cil se vunt mult destendant,

Forment s'esforcent e desfendent,

Lor anemiz à colps atendent.

Un i en out de grant vigor,

Ke l'en teneit por luiteor;

Od une hache k'il teneit,

As Normanz grant mal faiseit ;

Trestuit li pople le cremeit,

Kar des Normanz mult destruieit

Li dus poinst, si l'ala l'erir;

Maiz cil guenchi, cil fist faillir,

En travers sailli un grant saut,

El col leva la hache en haut ;

Al retor ke li dus faiseit

Por la hache ke il cremeit

S'acorsa; cil de grant vertu

Sus a li dus el chief féru,

Li helme li a mult pleié,

Maiz ne l'a pas granment blecié.

Por poi k'il ne 1' fist tresbuchier,

Maiz as estrieus s'est porfichiez,

Delivrement s'est redreciez ;

E kant il se kuida vengier

Et occire li pautonier,

Li pautonier s'est trait ariere;

Crieme a del duc k'il ne 1' fiere.

Entre les Engleiz vint saillant,

Maiz n'i pout mie aveir garant :

Kar Normanz ki l'orent veu

L'ont parsui e conseu,

As fers des lances l'ont cosu, A terre l'unt mort abatu.

Là ù la presse ert plus espesse, Là cil de Kent e cil d'Essesse A merveille se cumbateient, E li Normanz ruser faiseient; En sus les taiseient retraire, Ne lor poeient grant mal faire.

Li dus vit sa gent resortrr, E les Engleiz trop esbaudir; Par les enarmes prinst l'escu Porfichié s'est de grant vertu, Une lance a prise et drecie, Ke un vaslet li a baillie; Joste li prist sun gonfanon.

Plus de mil armez environ, Ki del duc grant garde perneient Et là ù il puigneit puigneient, Serréement si com il durent, Vers les Engleiz ferir s'esmurent; Od la force des boens destriers E od li colps des chevaliers La presse unt tote desrompue E la turbe avant els fendue.

Li boen dus avant les conduit, Maint encbaça e maint s'emfuit. Mult veissiez Engleiz tumber, Gésir à terre e jambeter, Et as chevals cels defoler Ki ne se poent relever; Mult veissiez voler cerveles Et à terre gésir boeles.

Mult en chaï à cel enchaus Des plus riches et des plus haus.

Engleiz par places se aestreignent, Cels ocient ke il ateignent, El plus k'il poent s'esvertuent, Homes abatent, chevals tuent, Un Engleiz a li dus veu, A li ociere a entendu;

Od une lance k'il portout

Ferir le volt, mais il ne pout,

Kar li dus l'a enceiz féru

Et à terre jus abatu.

Grant fu la noise e grant l'occise;

Maint aime i out forz de cors mise;

Li vifz desuz li morz trespassent,

D'ambes parz de ferir se lassent.

Ki deroter pot, si derote,

E ki ne pot ferir, si bote;

Li forz cuntre li forz estrivent,

Li uns niorent, li altres vivent;

Li cuarz se vont retraiant,

Et li bardiz passent avant.

Mal est bailli ki entr'els chiet,

Grant poor a ainz k'il reliet,

E maint en cbiet ki ne relieve,

Par la grant presse maint en crieve.

Tant unt Normant avant empeint,

K'il unt à l'estandart ateint.

Héraut à l'estandart esteit,

A son poer se desfendeit,

Maiz mult esteit de l'oil grevez,

Por ço k'il li esteit crevez.

A la dolor ke il senteit

Del colp del oil ki li doleit,

Vint un armez par la bataille;

Héraut feri sor la ventaille,

A terre le fîst tresbuchier;

E quant k'il se volt redrecier,

Un chevalier le rabati,

Ki en la cuisse le feri;

En la cuisse parmi le gros,

La plaie fu de si en l'os.

Guert vit Engleiz amenuisier, Vit k'il n'i out nul recovrier, Vit son lignage déchaeir; De sei garir n'out nul espeir, Fuir s'en volt, mais ne poeit, Ke la presse toz tems creisseit.

A tant puinst li dus, si l'ateint,

Par grant air avant l'empeint, •

Ne sai se de cel colp morut,

Mais ço fut dit ke pose jut.

L'estandart unt a terre mis,

E li reis Héraut unt occis

E li meillor de ses amis;

Li gonfanon à ort unt pris,

Tel presse out à Héraut occire,

Ke jo ne sai ki l'occist dire,

Mult unt Engleiz grant dol eu

Del rei Héraut k'il unt perdu,

E del duc ki l'aveit vencu

E l'estandart out abatu.

Mult lungement se cum bâtirent

E lungement se desfendirent,

De si ke vint à la parfin

Ke li jor torna el déclin.

E dune unt bien aperceu,

E li alkanz recogneu

Ke l'estandart esteit cheu,

E la novele vint e crut

Ke mort esteit Héraut por veir.

Ne kuident maiz secors aveir;

De la bataille se partirent;

Cil ki porent fuir, fuirent.

Ne sai dire ne jo ne 1' di,

Ne jo n'i fu, ne jo ne l'vi,

Ni à mestre dire n'oï,

Ki li reis Héraut abati,

Ne de kel arme, il fut nafrez,

Maiz od li morz fu morz trovez;

Mort fu trovez entre li morz,

Ne 1' pout garir ses granz esforz.

Engleiz ki del champ eschaperent,

De si à Lundres ne finerent :

Ço diseient e so creimeient

Ke li Normanz prez les sueient. •

Grant presse out' à passer li pont

E l'ewe fu desoz parfont;

Por la presse li pont froissa, E maijit en l'ewe tresbucha.

Willame bien se cumbati, En mainte presse s'embati, Maint colp dona, maint colp reçut, E par sa main maint en morut.

Douz chevals out soz li occis, E li tiers a par busuing pris, Si k'il à terre ne chaï, Ne de sanc gute n'i perdi.

Cornent que chescun le feist, Ki ke morust ni ki vesquist, Veir est ke Willame veinqui.

Des Engleiz mult del cham fui E maint en morut par li places :

A Dex Willeme en rent grâces.

Li dus Willame par fierté, Là ù l'estandart out esté Rova son gonfanon porter, E là le fist en haut lever; Ço fu li signe qu'il out veincu E l'estandart out abatu.

Entre li morz fist son tref tendre, E là rova son hostel prendre; Là fist son mangier aporter Et aparaillier son souper.

Eis vus Galtier Giffart puignant :

Sire, fet-il, k'alez faisant?

. Vos n'estes mie avenament Remez od ceste morte gent.

Maint Engleiz gist ensanglenté Entre li morz sain u nafré, Ki de lor sanc se sunt scillié, Et od li morz de gré couchié, Ki par noit kuident relever, E par noit kuident escaper; Mais mult se kuident ainz vengier, E mult se kuident vendre chier.

Ne chaut chescun de sa vie, Ne li chaut poiz ki l'ocie,

Mais ke il ait un Normant mort.

Nos lor faison, ço dient, tort. Aillors deussiez herbergier, E faire vos eschargaitier A mil u à douz mil armez De cels ù plus vos fiez.

Seit ennuit faite l'eschargaite; Nos ne savons ki nos agaite ; Fiere jornée avon nui faite, Maiz la fin bien me plaist e haite.

Giffart, dist li dus, Dex merci, Bien l'avome fet tresqu'ici, E se Dex le velt cunsentir, E ke à li vienge à pleisir, Bien le feron d'ore en avant ; De tôt traion Dex à garant.

Issi s'en est Giffart tornez, E Willame s'est désarmez.

A la guige del col oster, Et à l'helme del chief sevrer

Et à l'hauber del dos verser

Vinrent baronz e cbevalicrs

E dameisels e esquiers;

Li colps virent granz en l'escu

E li helme ont quassé veu.

A grant merveille unt tôt tenu

E dient tuient : Tel ber ne fu

Ki si poinsist e si ferist,

Ne ki d'armes tels faiz si fist;

Poiz Rollant ne poiz Olivier

N'out en terre tel chevalier.

Mult le preisent, mult le loent

De ço k'il unt veu s'esjoent,

Maiz dolens sunt de lor amis,

Ki sunt en la bataille occis.

Li dus fu entr'els en estant

De bêle groisse e de bel grant;

Grâces rendi al rei de gloire

Par ki il out eu victoire,

Li chevaliers a merciez,

E Ji morz sovent regretez.

A la champaigne la nuit jut,

Entre li morz mainga e but.

Diemaine fu el demain;

Cil ki orent ju à cel plain

E ki orent veillié as chans

E sofert orent mainz ahans,

Par matin furent el jor levez;

Par la champaigne sant aie

Lor amis unt fait enterrer,

Gels k'il porent morz trover.

Li nobles dames de la terre

Sunt alées lor maris querre;

Li unes vunt querant lor pères,

U lor espos, u fils, u frères ;

A lor villes les emportèrent,

Et a mostiers les enterrèrent.

Clers e proveires del pais,

Par requeste de lor amis,

Unt cels ke ils troverent pris ;

Charniers unt fait, cil unt enz mis.

Li reis Héraut fu emportez,

Et à Varham fu enterrez,

Mais jo ne sai kî l'emporta,

Ne jo ne sai ki l'enterra.

Maint en remest el champ gisant,

Maint s'en ala par nuit fuiant.