III

FORQUEYAULX AU ROY.

Au regard. Sire, de Tarmee que Pedro Melendes a menée aux Indes, contre les François et Indiens de la Floride , il est arrivé à Sainct-Domingo en Tisle EspaignoUe, à ce que quelqu'un m'a dit, et qu'il a escript qu'on luy renvoyé renfort d'hommes., car les siens ont esté si maltraitez de la mer qu'ils ne pourront faire armes de longtemps. Et la dessus ie vouldroy croire, ne scay si ie me trompe, que le dict Melendez n'avoit commission d'aller ailleurs qu'en la dicte isle craignant que la flotte qui proiette d'aller à la Floride n'ayme mieux s'adresser là, et s'emparer d'un pais riche, peuplé et

basti que d'un désert

Madrid, 5 novembre 4565.

(1) Manascrit 10751, fol. 37, inédit.

(2) Elisabeth de Valois, troisième femme de Philippe II.

(3) Le roi d'Espagne,

(4) L'Amérique espagnole, et spécialement le Mexique.

(5) Manuscrit 10751, fol. bl, inédit.

DE FORQUEVAULX. 411

rvo).

FOBQUEVAULX A LA ROYNE.

Elle (2) m'a dit n'estre rien plus certain que le Roy Catholique prend à cœur le faict de la Floride pour y employer ce qu'il pourra de ses forces , afin d'en chasser les François qui s'en sont emparez, et qu'il a mandé à don Francez . d'Alava (3) en advertir Vostre Maiesté, ie luy ay respondu qu'il seroit bon, pour beaucoup de considérations, que la navigation audict pais, et autres endroicts où Sa Maiesté Catholique n'a de ses gens, fust libre à vos subiects afin que ceulx qui sont tant enclins et adonnez aux armes, qu'ils ne peuvent vivre en repos, ne soufrir que les autres y vivent, allassent passer leur cholere au dict pais, loin de ceulx qui désirent ia tranquillité de vostre royaulme. le m'asseure que Vos Maiestés auront faict telle response à don Francez d'Alava qu'il s'en debvra

contenter

Madrid, 5 novembre 1565,

FORQUEVAULX AU ROY.

Au surplus des nouvelles , Sire , une flotte de soixante vaisseaux estoit partie de Séville le mois passé , et constraincte par tormente de mer de prendre port ; elle a derechef faict voile, et au temps qu'elle a eu, on espère qu'elle sera arrivée pour le moins aux Canaries qui est leur vraye route. Il y a sur ces nefs quelques vivres et munitions pour Pedro Melendez et des soldats pareillement qui riront trouver à Sainct-Domingo Real, où il les attend pour puis aprez passer oultre vers la Floride : le scay qu'encore ya vers Cordoue six ou sept capitaines qui sont gens pour le suivre sur la flotte qui partira en mars comme feront semblablement tous les Indiens de Mexico et d'autres lieux de la neufve Espaigne, qui sont en ce royaume , car il leur a esté commandé se retirer, lesquels sont plus de trois cens.

Il reste à voir si les Espaignols seront plus affectionnez à chasser

(1) Manuscrit 10751 fol, dS, inédit.

(2) La reine Elisabeth.

^ (S) Ambassadeur d'Espagne en France.

(fc) Manuscrit 10761, fol. 50..— Cf. du Prat, p. 407;

&12 LETTRES ET PAPIERS D^flSTAT

les François de la Floride qu*à résister aux mahometans^ car si la nouvelle qu'un courrier venu d'Allemagne raconte est véritable^ il est à croire que le grand Seigneur empioyera toutes ses forces contre ceste maiesté, iusques à y envoyer les ianissaires et toute sa garde, comme portent les derniers advis qu'on a de delà. Et les navires que le Roy faict fréter en Lisbosgne pour y embarquer au printemps qui vient un nombre de gents de guerre biscaïens pour passer à la Floride, serviroyent mieûix contre les Turcs que de les employer

contre vos subiects

Madrid, 20 novembre i565.