XVI

FORQUEVAULX AD ROY.

Sire, i'ay escript à Vostre Maiesté comment un petit Biscayen (2),

nommé Perrico, descendu à la Rochelle, avec le fils de lehan Ribaut, est venu raconter tout plein de nouvelles de la Floride au Roy Catholique. Il dit avoir espousé la sœur d'un Roy indien voisin de vint lieues du fort des Francoys, et parle la langue indienne mieux qu'Espaignol ne que la sienne maternelle, parquoy ce Roy le renvoyé par delà avec tiltre d'ambassadeur, afin d'attirer son dict beau frère, et autres Roys sauvages à ceste dévotion contre les François, et leur porte des accoustremens, et des espées, dagues, cousteaux, ciseaux, cognées et autres semblables choses de présent de la part de ceste Maiesté, et doibt entrer ce Biscayn le plus avant qu'il pourra au pays, estant venu nouvelle certaine de la Floride par un cousin de Pierre Melendez, arrivé samedi dernier, lequel conte comment Pierre Melendez allant avec son armée de mer, pour assaillir les François dans leur port , il lui survint une tormente de nuict, qui sépara toutes ses navires,. si bien qu'il demeura seul avec une galeace, et doubtant d'estre apperceu, et suivi de quatre navires François qui estoient audict port, s'il attendoit iusques au iour, il se mit à la haute mer, et comme le iour vint se retba à l'ambouscheure d'une rivière qui est en la coste de la Floride à dix lieues du fort des François, pour s'y cacher, attendant que son armée se remit ensemble, ce qu'elle fit. Sur cella. Sire, le capitaine lehan Ribaut ayant descouvert ceste armée s'estoit emprumpté des gens du fort, sans y en laisser que bien peu, en intention d'aller combattre les Espaignols, et pensant qu'à cause de la tormente passée partie d'iceux se seront sauvés dans la dicté rivière, il y print sa route mais nouvelle tormente survint si violante, que ses quatre navires donnèrent à travers, dont ses hommes se sauvèrent en terre, et s'assemblèrent en deux troupes quelques lieues les uns des autres. Cependant Pierre Melendez avoit des ambarqué quatre cents soldats, lesquels passants les marets en eau iusques soubs les aisselles, pour ce qu'il avoit fort plu, arrivèrent au fort en cinq iours, et le forcèrent facilement, n'y estant demeurez sinon petit nombre de soldats, qui fur^^t+ous tuez, excepté quatre

(1) Manuscrit 10751, fol. 167, inédit.

(2) Cf. lettre Xill.

OU cinq^ qui eschaperent dont le capitaine estoit Tun, et pardonnèrent aux femmes et enfans. Celafaict^ Sire^ estants advesti s du naufrage s'en vont trouver l'une des troupes des François, où pouvoit avoir deux cents hommes, sans armes ^ mourans de faim, qu'ils tuèrent sans en prendre aucun à mercy, quoy qu'ils leur remonstrassent tout ce dont ils se sceurent adviser, comme soldats, pour les adoucir. Puis passèrent oultre iusques au lieu où 4e capitaine lehan Rilbaut estoit au delà d'une petite rivière creuse, avec environ quatre cents hommes, aussi nuds, et affamez que les premiers. Lequel voyant approcher les Espaignols, envoya un des siens devers eux, sur un petit bateau, les priant leur faire bon traictement comme à subiects, et soldats du Roy de France, ami, et beau-frère du Roy d'Espaigne, leur seigneur, ce qu'ils refusèrent criant aux François qu'ils se tuent entre eux mesmes s'ils veulent, car au mourir sont-ils sans rémission. Sur cela une partie de la troupe désarmée print la fuite vers les montaignes, desquels n'ont sceu nouvelles depuis. Mais quelque remonstrance que Jehan Ribaut sceut faire, ne alléguer, que Vostre Maiesté l'avoit envoyé de par délia, il eust la teste tranchée, et touts ses compaignons tuez en diverses façons, excepté un tabourin, un phifre et un charpentier. Melendez fait continuer la fortification du fort, et va poursuivant la conqueste et descouverte dudict pais. A quoy s'emploiera semblablement l'armée que le Roy Catholique envoyé a présent par délia. Geste cour s'en est plus réiouie que si ce fut pour une victoire obtenue contre le Turc : aussi disent-ils que la Floride leur importe plus que Malte. En récompense du massacre fait par Melendez sur vos pauvres subiects, la Floride sera érigée en marquisat, et luy

créé marquis d'icelluy

Madrid, 18 février 1566.