LE MIRACLE DES POMMES DE SAINT JEAN

(Chronique, tome II, p. 277.)

(Le siège èpiscopal de Tongres étant deve7iu vacant par la mort de Vévêque Ebregisien, Dieu envoie le pèlerin Pèléon auprès de Jean V Agneau pour l'engager à succéder à Vévêque défunt.)

Quant Johans entendit cel parolle, si regardât Péléon et lis dest : « Que dis-tu, amis ? » Et Péléon li dest : « Je dis que Dieu toy mande que l'evesqueit de Tongre vaque, Ebregisien est mors, qui de valoir et de scienche estoit si parfais, et que tu sois son successeur, car tu es vray evesque, fais et ordineis départ Dieu. » Quant Johans l'entendit, si fut en grant freour et dest : « De chu que tu moy dis croy-je une partie, c'est que mors soit li evesque ; mains que je sois evesque, par nulle manère ne le puis-je croire, car je suis mariés, et ay ma femme et mes enfans auxqueis je suis loiiés, et sy suy pure lay, je ne fuy onques clers, et suy plains de visches, de socour aurait mult pou de moy sainte Engliese. » — Respondit li pèlerin : « De folie tu es trop plains, quant tu vues argueir contre la volenteit de Dieu. Ne toy puet bien faire Dieu clerc, et toy donneir scienche à sa volenteit dedens une seule heure ? Or fais la volenteit de Dieu et ne le coroche mie, se tu le coroche ilh le toy norat chiere vendre. » Respondit Johan : « Amis, je ne vuelh de nulle riens défendre encontre Dieu, mains j'ay appris à gangnier chu que despendre doy, sique ons ne moy pusse rcproveir ma vie ; mains que je soie evesque, je ne le puy croire nullement : je suy uns hons lay et rudes, je ne pou onques aprendre. Et ne croie mie que Dieu t'aie faite entreprendre cesti faite, ne qu'à Dieu plaise que je soye evesque, neis plus que je ne croye que mon stomble, (1) que je tien, ne puet rachine prendre et verdeur, et florir et fruchifier. » Atant le Achat en terre de quant ilh pot, et Dieu flst là miracle,

(1) Stomble : Le bâton sur lequel il s'appuyait.

car ly sèche stromble fist reprendre racliine, fleurs, fuelhes et fruis porteir plains de grant douchour; et chu furent pommes que Dieu y mist, que ons apelle pommes de Saint- Johans. Quant Johan Angneal veyt chu, si soy vat estendre à terre, et commenchat à ploreir et priier Dieu merchi de chu qu'ilh at erreit ; mains Peleon le relevât.