CHANSON

Li joli pensé que j'ai Me vienent de fine amor Et de ce que dame sai Bone et sage et de valor, Me conforte et tient en joie,

Et se je poie

Passer la meillor Con sache de faire honor, Por ma dame le feroie.

Jamais je n'entroublierai Un ris qui vint de douçor Qu'elle fist quant l'esgardai.

Mes ne dis pas tel folor Que pour moi fust, je faudroie

Ne voir ne diroie ;

Mais de tel savoir M'est el cuer que nuit et jor Me semble qu'adès la voie.

Dame, je vous ai doné Mon cuer, sanz jà départir; S'il pooit estre à vo gré.

C'est la rienz que plus désir.

Dame franche et débonnaire.

Je Savoie faire

Le vostre plaisir Mieuz ameroie à morir Que nus m'en véist retraire.

— 4o8 — II. — Jean d'Outremeusk.