DEVOUEMENT DES BOURGEOIS DE CALAIS
Quand ceulx de Calays virent que le roy Philippe s'en estoit aie ainsy, et que toute leur espérance estoit faillie
-4iï -
et estoient à si grand mescliief de famine que le plus poissant à paine ne povoit soustenir, si eurent conseil qu'il leur valoit mielx mettre en la grâce du roy d'Angleterre et en sa pure volenté, se plus grande douceur n'y povoient trouver, que soy lesser morir de faim, car les pluseurs en pourroient arragier et perdre corps et âme. A ce conseil ils s'acordèrent tous, et prièrent à messire Loys de Vyane, leur souverain, qu'il en voulsit parler. Si vint (faux erineaulx) le dit messire Loys et signa qu'il vouloit parlementer. Le roy y envoya tantost le conte de Noirhantonne, messire Watier de Manny, messire Renault de Cobaing et messire Thomas de Holande. Quant ils furent là venus, ledit messire Loys leur dit : « Seigneurs vous estes moult vaillans chevaliers, vous sçavez que le roy de France, que nous tenons à seigneur, nous a cy envoyé et commandé que nous gardissions ceste ville et chastel si que blasme n'en eussions et il n'en eut point de dommage ; nous en avons fait nostre povoir. Or est nostre secours failli, et vous nous avez si estraint que nous n'avons de quoy vivre; ains, nous convendra morir et arragier de faim, se le noble roy n'a pitié de nous. Cher sire, si lui weilliez prier en pitié qu'il weille avoir mercy de nous, et nous en weille tous lesser aler ainsy que nous sommes, si prende la ville et le chastel et toute la richesse qui dedens est, il y en trouverat assez. » Messire Watier de Manny respondi et lui dit : « Messire Loys, nous sçavons assez de l'intencion de nostre seigneur, car il le nous a dit, mais ce n'est pas son entente que vous en puissiez aler ainsy que lui avez dit; ains est son propos que vous vous mettez tous en sa pure volenté, ou pour raenchonner ceulx qu'il lui plaira ou faire morir, car vous luy avez fait tant de despis et le sien despendre et foison de ses gens morir, si luy en ennoye ce n'est pas merveille. » Le dit messire Loys respondi : « Ce seroit trop dure chose pour nous, se nous consentions ce que vous avez dit, nous sommes chi ens ung poy de chevaliers et d'escuiers, qui avons nostre seigneur servi le plus loyalement que poeu avons, comme vous feriez le vostre et feriez en semblable cas, et avons souffert maintes mésaises; mais ainchoys endurrionsnous le plus grand tourment? que oncques gens firent, que
nous consentissions que le plus petit garchon de la ville eust aultre mal que le plus grand; mais nous requérons humblement que vous priez au roy qu'il nous weille recevoir en pitié, au mains prisonniers, saufs nos corps et nos membres. »
« Messire Watier dit qu'il feroit voulentiers ce message et en feroient leur povoir. Hz contèrent au roy toutes parolles, mais il n'en voulut riens faire, ne s'acorder à celle derraine requestre, pour prière ne pour raison que on lui sceut monstrer. « Doncques, lui dist messire Watier de Manny, sire, vous porriez bien avoir tort et nous donner mauvaiz exemple; se vous nous envoyez en aucune de vos fortresses, par sainte Marie nous n'yrons pas si voulentiers, se vous faites ces gens mettre à mort ainsy que vous dittes, car ainsy feroit-on de nous en semblable cas, combien que nous feissions nostre debvoir. » Cil exemple arnolist grandement le cueur du roy si dit : « Coseigneurs, je ne weil pas estre tout seul encontre vous, alez vous en arrière, et leur dittes que pour l'amour de vous tous, je les rechevray voulentiers tous comme prisonniers, sauf que j'en weil avoir six des plus gros de la ville, lesquelz venront par devant moy en pures et simples chemises, la hart au col, et m'aporteront les clefs de la ville, et feray d'eulx ma pure volenté. »
« Ces seigneurs raportèrent ce message audit messire Loys, et luy dirent que à grande paine l'avoit impetré. Le dit messire Loys dist, puis que aultre chose ne povoit estre il le raporterait voulentiers à ceulx de la ville et à ses compaignons. Le chevalier se parti des créneaulx, et fist sonner la cloche et assembler toutes les gens de la ville, hommes et femmes, désirant donner bonnes nouvelles, car ilz arragoient de faim tous. Ledit chevalier leur dit ces nouvelles; ilz commencèrent alors si fort à braire et crier, que ce fut grande pitié. Aprez, se leva en piez le plus riche bourgoys de la ville qu'on appelait seigneur Eustache de Saint-Pierre, et' dit ainsy devant tous : « Seigneurs, grand pitié et meschief seroit de laissier morir ung tel poeuple qui ci est, pour famime ou aultrement, et si seroit grande aumosne et grande grâce envers Notre Seigneur qui les pour-
roit deflendre. Quant à moyj'ay si grand espérance en Nostre Seigneur que se je puis sauver ce poeuple par ma mort, j'auray pardon de mes diffaultes; si weil estre le premier des six, et mettray voulentiers nuds piez, en pure chemise, la hart au col, en la mercy du roy Edowart. »
« Quand le bourgoys eut dit celle parolle, chascun Tala acurer de pitié et pluseurs femmes et hommes se laissèrent cheoir à ses piez tenrement, ce ne lut pas merveille, car nulz ne pourroit penser la grande destresse de famine qu'ilz avoient enduré plus de six septmaines devant. Quand ce proeudons sire Eustace eust ainsy parlé, comme vous avez vuy, ung aultre bourgoys des plus riches aussy pareillement se leva, et dit semblablement, et qu'il vouloit estre le second. Aprez se drescha le tiers bourgoys, aprez le quart, et puis le cinquiesnie et puis le sixiesme, je n'ay que faire de les nommer tous, maiz tous dirent de leur pure volenté qu'ilz se mettroient en la volenté du roy Edowart, qu'on tenoit au plus vaillant prince du monde, ainsy qu'il l'avoit devisé pour sauver le remanant du poeuple qui là estoit. Ce fut grande pitié pour eulx et grande grâce pour tous ceulx de la ville.
« Ces six bourgoys, qui estoient les plus riches de la ville, voulurent le remanant du poeuple sauver, et accomplir le plaisir du roy Edowart. Si se mirent tantost en Testât que aler debvoient par devers luy, et dirent aux chevaliers : « Nous désirons tous tant de sauver le poeuple de ceste ville, que nous nous mettons ainsy que vous véez et que vous nous avez rapporté, et portons les clefs du chastel et de la ville avecques nous, si nous weilliez mener et prier pour nous qu'il weille avoir de nous pitié. »
« Les quatre seigneurs prirent ces six bourgoys et les menèrent par devers le roy. Tout l'ost s'assembla en la place; là y eut grande presse, ce povez s^avoir; et plusieurs disoient que on les pendit apertcment, et plusieurs ploroient de pitié. Le noble roy accompagné de ses contes et barons s'en vint en la place, et la reyne enchainte le suivi, pour voir que ce seroit. Les six bourgoys se mirent tantost à genoulx par devant le roy et (messire Eustace) dit ainsy : « Gentilz rov, véez cy nous six (jui avons esté de l'ancienne
bourgoisye de Calays, et grands raarchans, nous vous apportons les clefs de la ville et si nous sommes mis en tel point que vous véez a vostre pure volenté, pour le remanant du poeuple sauver, qui a souffert mainte paine; si weilliez de nous avoir pitié et mercy par vostre très haulte noblesse. » Certes il n'eut adoncques en la place seigneur ne chevalier qui ne plourast de pitié ne qui poeut parler de pitié, et le roy avoit adoncques le cueur si dur de couroux, qu'il se poeut à grand pièce respondre, puis commanda que on leur copast les testes tantost. Tous les seigneurs et chevaliers luy prièrent tout en plourant tant que ils poeurent que il eut pitié d'eulx; mais il n'y voult entendre. Adoncques parla le gentil chevalier messire Watier de Manny et dit : « Ha ! gentil sire, weilliez refréner vostre courage, vous avez la renommée et famé de toute gentillesse; ne weilliez pas faire chose par quoy on puist parler sur vous en nulle villainie; se vous n'en avez pitié, toutes gens diront que vous avez le cuer plain de toute cruaulté, comme de faire morir ces bons bourgoys, qui de leur propre volenté se sont venus rendre à vous pour sauver le remanant du poeuple. » A ce point se grignya le roy et dist : « Messire Watyer, souffrez vous! il n'en sera aultrement; face-on venir le bourreau, ceulx de Calays ont fait morir tant de mes hommes qu'il fault aussi ceulx-cy morir. »
« Adoncques fit la noble reyne d'Angleterre grand humilité, qui estoit durement enceinte, et pleuroit si tendrement de pitié que elle ne pouvait se soustenir. Si se jeta à genoux par devant le roy son seigneur et dit ainsy : « Ha ! gentil sire, depuis que j'ay passé la mer en grand péril ainsy que vous sçavez, je ne vous ay riens demandé, si vous prye et reqaier, à jointes mains, que pour l'amour du filz de Nostre Damp, vous weilliez avoir mercy d'eulx. » Le gentil roy arresta ung pey de parler et regarda la reyne devant luy à genoulx, amèrement plourant, si luy commença ung petit le cueur à amoUier et luy dist : « Dame, j'amasse mielx que vous fussez aultre part; vous me priez si tendrement que je ne le vous ose escondire ; et combien que je le face envis néantmains, prenez-les, je vous les donne. » Si prist les six
bourgoys par les chevestres et les livra à la royne et quitta de mort tous ceulx de Calays pour l'amour d'elle : et la bonne dame fist revestir et aisier lesdis six bourgoys. »
V^ . — Jean Froissart.
