JEUNESSE

En mon jouvent tels éstoie

Que trop volentiers m'esbatoie,

Et tels que fui encor le sui;

Mes ce qui fu hier n'est pas hui.

Très que n'avoie que douse ans,

Estoie forment goulousans

De veoir danses et carolles,

D'oïr ménestrels et parolles

Qui s'apertiennent à déduit;

p]t de ma nature introduit

Que d'amer par amours tous ceauls

Qui aiment et chiens et oiseauls,

Et quant on me mist à l'escole,

Où les ignorans on escole,

Il y avoit des pucellettes

Qui de mon temps erent jonettes;

Et je, qui estoie puceaus,

Je les servoie d'espinceaus.

Ou d'une pomme, ou d'une poire,

Ou d'un seul anelet de voire;

Et me sambloit, au voir enquerre,

Grant proece a leur grasce acquerre;

Et aussi esce vraiement,

Je ne le di pas aultrement.

Et lors devisoie à par mi :

« Quand revendra le temps por mi

Que par amors porai amer? »

On ne m'en doit mies blasmer

S'a ce ert ma nature encline, Car en pluiseurs lieus on décline Que toute joie et toute honnours Viennent et d'armes et d'amours.

(L'Espinetie amoureuse) Vers 23-54.

Vb . — JACQUES D'ARTEVELDE ET LES GANTOIS. (Œuvres, Ed. Kervyn de Lettenliove, tome II, p. 414).

En ce temps avoit ung bourgois à Gand, brasseur de miel, lequel par pluiseurs fois parloit bien sagement au gré de plusieurs. Si l'appelloit on Jacqucmon d'Artevelle. Si répriment aucuns hommes ses parollcs aux aultres, et dirent qu'il avoit dit que, s'il estoit cys et creus, il cuideroit en brief temps avoir remis Flandres en bon estât, et r'aroient tout leur gaignage sans estre mal du roy de France, ne du roy d'Engleterre. Ces parolles multeplièrent tant que li quars ou la moitié de le ville en fu informés. Lors se commencèrent à s'assambler, et tant que une feste, après disner, il se mirent ensamble plus de mille et appeloient l'un l'autre à leurs maisons, en disant : « Alons, alons oyr le bon consel du saige homme. » Et vinrent à le maison du dit Jacquemon, qu'il trouvèrent apoiant à son huis. De si long qu'ils le perchurent, il lui firent grant révérence et honneurs, et dirent : « Chier seigneur, veuUiés nous oyr. Nous venons à vous à conseil, car on nous dist que les grans biens et sens de vous remettra le pays de Flandres en bon point. Si nous dittes comment, et vous ferés aumosne. » Lors s'avancha Jacques d'Artevelle, et dist : « Seigneurs, compaignon, je suis natif et bourgois de ceste ville, si y ai le mien. Sachiés que de tout mon pooir je vous vorroie aidier et tout le pays; et s'il estoit homme qui vosist emprendre le fais, je vorroie exposer mon corps et biens à estre dalés lui; ou se vous aultres me voliés estre frère, amy et compaignon en toutes choses, pour demourer dalés my, nonobstant que je n'en suy mie dignes, je renprenderoio volentiers, » Alors

dirent-ils tout d'un assens et d'une voix : « Nous vous proraetons léalment à demourer dalés vous en toutes choses, et d'y aventurer corps et biens, car nous savons bien qu'en toute le conté de Flandres n'y a homme, senon vous, qui soit digne de ce faire. » Adont, quant Jacques se vit ainsy acuellis en l'amour du peuple, par plusieurs jours il flst grans consaulx et grandes assamblées de gens, en remonstrant qu'il tenissent le partie des Englès à rencontre de ceulx de France, et que il savoit bien que le roy de France estoit si occupés en moult de manières qu'il n'avoit pooir ne loisir d'eulx faire mal, et avec ce le roy d'Engleterre seroit joieux d'avoir leur amour, et aussi seroit enfin celui de France. Et leur remonstroit qu'ils aroient Haynnau, Brabant, Hollandes et Zellandes avec eulx. Et tant les mena de parolles que toute la communalté et grant plenté de la bourgoisie se tirèrent avec et abandonnèrent de tous poins leur seigneur, sans riens plus convertir, ne aler devers lui ; mais le compaignoient à si grant puissance, que tous les jours dormoient en sa maison, bu voient et mangoient mille ou douze cens personnes, et le compaignoient à aler par la ville ou ailleurs leur bon lui sambloit.