PORTRAIT DE CHARLES VIL

« Cestuy Charles septiesme, de qui les hystoires entre les autres ses devanci,ers sont à esmerveiller pour les choses qui en son temps lurent inopinables, à proprement le descripre au vit* selon que Nature y avoit ouvré, pas n'estoit des plus espéciaulx de son œuvre; car moult estoit linge, et de corpulence maigre. Avoit féble fondaction et estrange marce, sans porcion; visage avoit blemme, mais spécieulx assez ; paroUe belle et bien aggréable et subtille, non de plus haulte oye. En luy logoit ung très beau et gracieux maintien. ]\éantmoins aucuns vices soustenoit, souverainement trois : c'estoit muableté, diffldence, et au plus dur et le plus, c'estoyt envye pour la tierce... Or, est vray que cestuy roy Charles, en ses jeusnes jours, se trouva inportuné beaucoup et moult oppressé de ses ennemis, tellement que les dernières bornes de son réanime lui estoient ostées ; es quelles encore Fortune lui estoit escharse assez, et luy tenoit moult aigre Tesperit par maintes diverses tribulacions et adversitez, tous les jonrs nouvelles, tant du lez de ses ennemis Burgugnons et Anglez qui aigrement le comprimoient, comme de ses

propres gens mesmes, Routiers, Escotz, Espagnolz, Lombars, qui donnoient sur ly par haussage. En quoy, dévot à Dieu alors se montra assez, mes corrigé peut estre de la volunté de Dieu d'aucuns ses delitz... Il parvint en la fin plus haultement que pieça n'avoit fait roy, mes non pas tant seullement en clarté de ses vertus, mes par adjoustance aucune de ses vices qui luy rendoient fruict et félicité par inconvénient; comme on pourroit dire que sa malheure et que ceulz qui gouvernoient son lit estoient cause de sa successive malédiction en salut, entendu que de diverses mains et par diverses natures d'ommes sa gloire a esté bastie et mise sus, et que de sa personne luy mesmes n'estoit pas homme belliceux. N'estoit robuste ny animeux homme pour faire de main propre, ne cerchoit mesmes l'estour ny rencontre; ains, non asseuré entre cent mille, se fut espoventé d'un homme seul non congneu. Mais avoit des grâces à rencontre, que de sages et vaillans s'accompagnoit voulontiers et s'en soulîroit conduire, ausquelz par dessus leurs sens continuellement il ad.joustoit nouvelle invention : par quoy ce qu'il perdoit en vaillance, que naturellement n'avoit de luy mesmes, ce recouvroit-il en sens. De quoy il prouffltoit aux vaillans, et estoit vraysemblable que le sens qui avoit de nature lui avoit été renfforcé encore au double en son estroicte fortune par longue constraincte et périlleux dangiers qui forcément luy aguisèrent les esprits. (1)