IX. — Olivier de la Marche
L'HISTOIRE DE JASON, telle qu'elle fut représentée au banquet du Faisan à Lille. (2)
Ces clairons estoient deri-iere une courtine verte, tendue
(1) Bibliothèque de l'Ecole des Chartes, tome IV, p. 77.
(2) Cette description est prise par fragments dans les Mémoires d'Olivier de la Marche. Le texte complet dans l'édit. de la Soc. de l'Hist. de France se trouve tome II, p. 340-381.
sur ung grant hourt faict au bout de la salle. Quant leur batture fina, soudainement fut tiré la courtine, et là fut veu sur ledit hourt ung personnaige de Jason, armé de toutes armes, qui se promenoit en icelle place, regardant autour de luy, comme s'il fust venu en terre estrange. Puis s'agenoilla et regarda vers le ciel, et lisit ung brief que Medée luy avoit baillé quant il se partit d'elle pour la Thoison d'or conquerre, et, à son relever, il veit venir contre luy graus et horrible beufz, qui luy vindrent courir sus; et tantost le dit Jason coucha sa lance et s'apoincta pour combattre ces bestes qui l'assailloicnt de merveilleuse force et si vivement que c'estoit elï'rayante chose à regarder, car ilz gectoient feug et flambe par les narines et par la gorge, et ledit Jason se defl'endoit et combatoit par si belle façon, que tous disoient qu'il avoit une contenance d'homme de bien.
La bataille dura moult longuement et tant que ledit Jason gecta sa lance contre les beufz et mit la main à l'espée, et, en soy combatant, luy souvint que Medée luy avoit donné une flole pleine d'aucune liqueur, il pouvoit lesditz beufz matter et subjuger et esteindre leur ardent feu, qui luy nuysoit fort. Si print la holle et gecta la liqueur contre les museaulx desditz bœufs, et prestement ilz se rendirent domptez, veincus et matez, et à tant fut la courtine retirée, et cessa ce mistere pour celle fois...
... Après ce, quant ceulx dudit pasté eurent fait leur devoir, sur le hourt auquel on montroit l'histoire de Jason, sonneront une batture les quatre clairons qui paravant avoient joué, et, après celle batture achevée, l'on tira la courtine dont devant est faicte mencion, et atant fut veu Jason qui se proumenoit très richement embastonné, comme à l'aultre fois. Si luy advint, à ceste heure, que tout soubdainement luy vint courir sus ung très hideux et espouvantable serpent. Ce serpent doncques avoit la gorge et la gueule ouverte, les yeulx gros et rouges et les narines enflées, et estoit composé et édiffié en telle façon que, par sadicte gueule et et par la plus grant part de ses conduietz, il gectoit venin très puant et feu et fumées merveillables.
Quant Jason regarda ce serpent et le veit venir et tire vers sa personne, il se mist en deffense moult bien et trèsr ordonneraent, et là se commencèrent à combatre ledit Jason et le serpent, et en ce feirent si bon devoir que ce ne sembloit pas mistere, ains sembloit trop raieulx une très aigre et mortelle bataille. Et, pour l'assouvissement de leur personnaige, Jason luy gecta sa lance, puis le combatit de son espée et tint manière de soy remembrer d'ung anneaul que Medée luy donna servant à ceste bataille. Si le monstra au serpent et prestement il fut vaincu, et lors Jason le ferit tant de son espée, qu'il luy coupa la teste devant tous, puis luy esracha les dents et les mist en une gibecière qu'il portoit; et atant fut la courtine retirée...
... Après ce sonnèrent les quatre clairons sur le hourt, et, leur batture achevée, fut tirée la courtine, et là fut veu JsCSon, armé et embastonné, qui les beufz avoit attaiché à une charrue qu'il tenoit et gouvernoit à guise de laboiireux et faisoit les beufz aller et tirer. Quant il eust labouré la terre, il habandonna les beufz et print les dens qu'il avoit arrachées au serpent et les sema parmy la terre qu'il avoit labourée, et, selon ce que ledit Jason alloit avant en employant la semence desdictes dens, sourdoient et naissoient gens armez et embastonnez; et regardèrent l'ung l'aultre et s'entrecoururent sus si fièrement, qu'ilz se firent le sang couler; et en la fin s'entretuerent en la présence de Jason, qui les regarda quant il eust semé les dens; et, prestement qu'ilz se furent tous abatuz et occiz devant luy, la courtine fut retirée.
