PORTRAIT DE CHARLES LE TÉMÉRAIRE

(Mémoires, livre V, chap. IX).

J'ay depuis vu un signet à Milan, que maintesfois j'avois vu pendre à son pourpoint, qui cstoit un anneau ; et y avoit un fusil entaillé en un camayeu, où estoient ses armes; lequel fut vendu pour deux ducats audit lieu de Milan. Celuy qui luy osta, lui fut mauvais valet de chambre. Je l'ay vu maintesfois habiller et deshabiller en grande révérence, et par grands personnages; et à cette dernière heure luy estoient passés ses honneurs ; et périt luy et sa maison, comme j'ay dit, au lieu où il avoit consenty par avarice de bailler le connestable et peu de temps après. Dieu luy veuille pardonner ses péchés ! Je l'ay vu grand et honorable prince, et autant estimé et requis de ses voisins, un temps a esté, que nul prince qui fust en chrestienté, ou par adventure plus. Je n'ay vu nulle occasion pourquoy plus tost il dust avoir encouru l'ire de Dieu, que de ce que toutes les grâces et honneurs, qu'il avoit reçus en ce monde, il les estimoit tous estre procédés de son sens et de sa vertu, sans les attribuer à Dieu, comme il devoit. Et à la vérité il avoit

de bonnes et vertueuses parties en hiy. Nul prince ne le passa jamais de désirer de nourrir grandes gens, et les tenir bien réglés. Ses bienfaits n'estoicnt point fort grands, pource qu'il vouloit que chacun s'en ressenti. Jamais nul plus libéralement ne donna audience à ses serviteurs et subjets. Pour le temps que je l'ay connu, il n'estoit point cruel, mais le devint peu avant sa mort (qui estoit mauvais signe do longue durée). Il estoit fort pompeux en liabillemens, et en toutes autres choses, et un peu trop. Il portoit fort grand honneur aux ambassadeurs, et gens estrangers. Ils estoient fort bien festoyés et recueillis chez luy. Il désiroit grande gloire, qui estoit ce qui plus le mettoit en ses guerres que nulle autre chose; et eut bien voulu ressembler à ces anciens princes, dont il a esté tant parlé après leur mort; et estoit autant hardy comme homme qui ait régné de -son temps.

Or sont finies toutes ces pensées; et le tous a tourné à son préjudice et honte; car ceux qui gaignent ont tousjours l'honneur. Je ne sçauroit dire vers qui nostre seigneur s'est montré plus courroucé, ou vers luy, qui mourut soudainement, et en ce champ sans guère languir, ou vers ses subjets qui oncques puis n'eurent bien ni repos, mais continuellement guerre; contre laquelle ils n'estoient suffisans de résister aux troubles qu'ils avoient les uns contre les autres, et en guerre cruelle et mortelle. Et ce qui leur a esté plus fort à porté a esté que ceux qui les deffendoient estoient gens estrangers, qui nagurès avoient esté leurs ennemis; c'estoient les Alemaas. Et en elfect depuis ladite mort n'y eut jamais homme qui bien leur voulsist, de quelques gens qu'ils se soient aydés.

Et a semblé, à voir leurs œuvres, qu'ils eussent les sens aussi troublés, comme leur prince, un peu avant sa mort, car tous conseils bons ils ont déjeté, et cherché toutes voyes qui leur estoient nuisibles, et sont en chemin que ce trouble ne leur faudra de grande pièce, ou au moins la crainte d'y recheoir.