DES DEVOIRS DU CHEVALIER
Si me voeul transporter et procéder au second point, en démonstrant comment chascun noble homme doit avoir en soy vergogne de cœur. Car, avec la première vertu qui
-iH -
est de meurement et sagement parler, afliert bien celle seconde vertu de vergogne de cœur qui est crainte de mal faire, ainsy qu'il sera veu cy après. Et premiers, doiz scavoir pour enseignement général que on ne doit, pour mort, pour vie, pour chevance ne autrement, faire chose contre honneur. Et pourtant, saches tout de vray qu'il vault mieulx honnourablement morir que vivre à reproche et à deshonneur en ce mortel monde. Quant est à moy, mon très chier fllz, j'ameroie mieulx sa glorieuse mort en une honnourable bataille, à banière desployée, que tu te retournasses vilainement d'icelle. Regarde Vallerianus Maximus, Tulle, Lucain, Orose, Saluste, Justin et autres hystoriographes, et tu trouveras merveilles de telz exemples honnourables et sans nombre et comment nos devanciers amèrent honneur et le bien publicque, et aussy comment ilz se exposoient à mort pour le bien du pays, et aussy comment pour garder leur los avec discipline de chevalerie, et ne craignoient point de faire morir leurs enfans quant ilz transgressoient à rencontre de leurs loix. Et de ce ilz acquéroient grant honneur, et firent tant par leur sens et bonne conduite qu'il en est mémoire perpétuele. Et par plus fortes raisons, nous qui sommes crestiens, devons plus désirer à faire choses honnourables et vertueuses et nous garder de vilaines reproches que eulx Romains qui cuidoient c|ue l'âme morust ainsy comme le corps. Et sans quérir aulcunes histoires, j'en vœul racompter une, laquelle a esté de mon temps.
Ung chevalier de la nation de Haynau, nommé messire Loys de Roberssart, frère puisné du seigneur d'Esclavon, tenoit la partie des Anglois de longtemps, lequel portoit l'ordre de la Gartière. Advint par ung jour que ses ennemis le trouvèrent en ung village assez peu garny de gens et illec l'envayrent et y eut merveilleuse escarmuce. Et jà soit ce que lesdiz ennemis fussent en très grant nombre et trop plus puissans de luy, sy les rebouta il hors du dict village. Survient de rechief très grande puissance de ses diz ennemis, et combien qu'il les vëist d'assez loing venir, toutes voies il ne daigna fuir ne faire semblant de fuir ne d'avoir paour, mais de très asseuré, noble et de vertueulx courage
sailly a piet très vistement avec aulcuns archiers et gens de son hostel, lesquelz il flst tenir près de liiy ; néantmoins il se povoit très bien retraire et mettre à garant dedens le chasteau dudit village et eschiever le dangier de mort ou d'estre pris, mais pour garder l'honneur de saditte ordre et aussy la sienne, il voulut demeurer en ladite place où il morut glorieusement, honnourablement et à très petite compaignie des siens, car il fist retraire ses gens au dit chastel et par avant saditte mort lorsqu'il vëy qu'il ne povoit résister, dont il fut grandement loe de ses ennemis et aussy de ses gens. Et se tu vœulz sçavoir la ville où se fist la ditte rencontre, ce fu à Conty, vers Amiens.
