AT CS PRE EU ETS PA TE RE
encommenchiez soubz aultres maistres desdictz stilz et de chascun d'iceulx en advertissant de ce les maistres d’iceulx stilz.
III. — Item s’il advenoit que aucuns quy sont tenus estre subjectz soubz maistre ou maistresse se partissent de la maison de leurs maistres paravant ledict terme de deux ans expirez lesdicts maistres avecq quy ilz estoient demourans seront tenus dénonchier ledict département aux maistres desdicts stilz en dedens ung mois enssuyvant ledict département et faire trachier la notte dudict registre faisant mention desdicts compagnons départis à péril de. fourfaire deux livres de chire de douze pattars chascune livre au prouffict de ladicte 1 chappelle.
HIT. — Item et quant 1lz aueront faict et achepvé lesdictes années les maistres soubz quy ilz aueront esté le seront tenus dénonchier aux maistres d’iceulx stilz en dedens ung mois enssieuvant l’accomplissement desdictes années sur telle amende que dessus.
V, — Item que nul ne polra doresenavant eslever lesdictz stilz d’apothicaires et espessiers s’il ne a faict telle et samblable apresure que dessus en ladicte ville de Lille ou aultre franche et privilégiée et aussy oultre et pardessus l’examen d’apprentissaige cy dessus spechiffié faict et passé chief d'œuvre et aultre examen en ladicte ville de Lille. Au regard desdictz apoticaires et lequel chief d'œuvre etexamen lesdicts apoticaires debveront passer sur trois compositions telles que leur seront déclarées par lesdicts esgardz, ung docteur en médecine et les maistres dudict stil d’apothicaire. Et au regard des espessiers pour chief d'œuvre ilz debveront ouvrer trois havotz de soille convertis en pains d’espices et faire une poudre galantine, le tout bien et deuement par l’advis des esgardz et maistres dudict stil, ausquelz chief-d’œuvre lesdicts apoticaires et espessiers passans seront tenuz payer chascun la somme de six florins au prouffict dudict mestier.
VI. — Item que une femme vesve de francq maistre dudict stil d'apoticaire pour pooir continuer en l'exercice d’iceulx ne sera tenue à quelque apresure ou apprentissaige pourveu qu'elle soit trouvée avoir l’art dudict stil par l'examen des dessusnommez, que à cest effect elle sera tenue de passer ne fust qu’elle euist ung maistre varlet quy obt passé examen tel que pour estre suffissant pour eslever
1. Ladicte. Il y a évidemment ici une faute d'inattention du rédacteur de l'acte, car il n’est pas question de la chapelle dans ce qui précède.
pts à AE LE LE Lee NE AN Dir SE EVE
ledict stil d’apoticaire, auquel cas elle poldra durant sa viduité exercer ledict stil et aussy en se realiant à ung francq maistre dudict stil, mais en soy realhant à ung non francq dudict stil elle sera privée de la franchise que paravant elle polroit avoir eu.
VIX. — Item que nul apoticaire, espessier ny aultre personne quelconcque ne poldra dolres en avant vendre, mettre en œuvre, ny avoir soubz soy aulcunes droghes, pouldres, ni aultres espèces de marchandises dependans desdicts stilz d’apothicquaires et espessiers sinon bonne, vertueuse et léalle marchandise, sur les paines et amendes cy dessus déclarées.
VIII. — Item seront commis par lesdicts eschevins et conseil esgardz, de deux ayans exercé tant l’apoticairie que espesserie et ne l’exerceans plus quy se continueront jusques au rappel d’eschevins et de ung aultre exerceant présentement l’ung desdicts stilz quy se renouvellera de deux ans en deux ans. Et ce affin de visiter touttes les droghes, pouldres et aultres choses estans ès maisons des appoticaires et espessiers ensamble des carbatiers et carbatresses de ceste ville lesquelz composent pouldres et aultres choses pour en user au faict de leurs stilz.
IX. — Item que tous lesdicts apoticaires, espessiers, carbatiers, ? 7 carbatresses et aultres personnes vendans ou mettans en œuvre à prix d'argent marchandises d’apoticairies et espessiers seront tenus de à toutte heure faire ouverture ausditz esgardz de leurs maisons et bouticques pour faire ladicte visite et de prester serment ensemble leurs femmes, serviteurs, servantes et leurs domesticques sy avant L ?
qu'ilz en soient requis desdicts esgardz qu'ilz ne ont riens cachié ou faict cachier ny recelé ou faict receler ou bien transporter en aultres choses en fraulde et aussy qu'ilz ne ont aultres pouldres et droghes que celles dont lesdicts esgardz auront eu vision.
X.— Item que lesdictz esgardz polront justicier, brusler et aultrement faire ce qu’ilz trouveront convenir des maulvaises drogues et pouldres qu’ilz trouveront, et oultre ce imposer pour icelles amendes soit de soixante solz, six livres ou aultre à leur discrétion jusques à la somme de dix livres parisis pour la première fois, en redoublant ladicte amende pour la seconde fois, saulf que en cas d'opposition 1lz seront tenus rapporter leur besoigne à la cognoissance d’eschevins et conseil de ladicte ville et à la im fois seront lesdicts esgardz tenus d’en advertir lesdicts eschevins et conseil pour par eulx sur ce imposer telle punition à ceulx quy ainsy seront trouvez en deffaulte qu'ilz trouveront au cas appertenir comme aussy ilz seront tenuz faire
samblable advertence aux première et seconde fois de deffaulte en ce dessus sy avant que lesdicts esgardz trouvassent les deffaillans et délincquans mériter plus grande punition que desdicts soixante sols, six livres ou dix livres d'amende quy se applicqueront si comme ung tierch au prouffict de la bourse géntralle des povres de ladicte ville et l’aultre tierch aux frais dudict esgard 1.
XI. — Item que durant le temps de l’apresure et apprentissaige dudict stil d’apothicquaire lesdicts apprentifz tant ja receuz et admis audict apprentissaige et dont les deux ans ne sont encoires expirez que ceulx qui dolres en avant se recepveront quelz qu’ilz soient aussy bien enffans de maistres que aultres ne poldront faire quelques compositions notables, si comme confection ou aultre laxatif entrant au corps de l’homme, sans la présence et assistence de leurs maistres ou dames, sur paine de dix livres parisis d'amende que fourfera le maistre à applicquier ung tierch au prouffict dudict stil, ung aultre tierch au prouffit de la bourse géntralle des povres de ladicte ville de Lille et l’autre tierch au prouffict de l’esgard desdicts stil ou de celluÿ ou ceulx quy ameneront le mesus à congnoissance et ce pour la première fois, en redoublant ladicte amende pour la seconde et à la mr° fois à péril d’estre punis arbitrairement et auquel cas seront tenus lesdicts esgardz ou aultres ayans congnoissance.de tel mesus d’en advertir lesdicts eschevins et conseil pour par eulx sur ce imposer telle punition à ceulx quy ainsy seront trouvez en deffaulte qu'ilz trouveront au cas appertenir, comme aussy ilz seront tenuz faire samblable advertence aux première et seconde fois de deffaulte en ce que dessus et de rapporter leur besongnie à la congnoissance desdicts eschevins et conseil en cas qu’il y obt opposition sur l'exécution de ladicte amende ou que lesdicts esgardz trouvassent les deffaillans mériter plus grande punition que lesdicts x livres et xx livres d'amende.
XII. — Item que nul appoticquaire ne especier ne polra doresenavant vendre à débit colloquin, rachine de brionia, d’antimonium, elaterium et d’aultres droghes corrosives en fachon quelconcque sans le conseil de docteurs en médecine sur paine de telle amende et pugnition et à applicquer comme dessus.
XII. — Item que tous apoticaires seront tenus dolres en avant se riegler et conduire au faict de leurs compositions et médecines
1. Il n’est pas fait mention du troisième fiers de l'amende, mais nous savons qu'il s'appliquait « au prouffict dudict stil. »
selon le dispensaire et formulaire que lesdicts eschevins et conseil ont puis nagueres faict dresser par les plus expers et fameux docteurs en médecine de ladicte ville et qui est présentement reposant soubz lesdicts eschevins et conseil sans en ce pooir user d'aultres dispensaires ou formulaires, sur paine de trente livres d'amende pour la première fois, pour la n° fois de soixante livres, le tout à applicquer comme dessus, et pour la 1° fois d’estre privés de l'exercice dudict stil. Et à cest effect seront lesdicts appoticaires tenus prendre et lever chascun ung double dudic{ dispensaire et formulaire quy leur sera faict et despesché par l’ung desdicts docteurs en médecine à ce commis, moiennant six florins carolus comprins le sallaire de la collation d’icelluy. Bien entendu que pour les confections ja faictes lesdicts apothicquaires en polront user sans fraulde et sans en pooir faire des nouvelles.
XIV. — Item que nulz apothicquaires et espessiers ne polront dolres en avant mectre en œuvre ny avoir en leurs maisons poivre de Brésil, paille de poivre, ny aultres pailles, sur payne de dix livres d’amende pour la première fois, pour la 1° fois du double, le tout à applicquier comme dessus, et pour la rn° fois sur paine d’estre punys arbitrairement et que par dessus lesdictes amendes et punitions lesdictes espèces seront bruslées comme dessus,
XV. — Item ont lesdicts eschevins deffendu et deffendent à tous espessiers de vendre ou distribuer aulcune chose servante à l’apothicairie si comme conserve, opiate, eauwe distilée, unguent, emplatres et touttes aultres droghues servans à la médecine, sur paine de x livres d'amende à qe comme dessus ,
XVI. — Item que personne de quelque estat ou condition qu'il soit soy meslant des stilz que dessus ou d’aucuns d’iceulx ne polra en icelle ville vendre ny estapler ! sa marchandise hors la franche feste d’icelle quy ne soit francq desdicts stilz reservé le mercquedy
de chascune sepmaine sur l'amende de soixante solz à prouffict de la chappelle desdicts stilz.
applicquer au
XVII. — Item que nulz maistres francqs desdicts stilz ne polront avoir ne faire aultres francqs n’est que telz maistres tiengnent ouvroirs et usent desdicts stilz et contribuent ausdicts frais d'années.
XVIII. — Item que au trespas de chascun maistre ou maistresse desdicts stilz et pourveu que les torses et confanon soient portés à
