Mésus, mauvais usage, délit

chacun ung double dudict dispensaire et formulaire quy leur sera faict et despesché par l’ung desdicts docteurs en médecine ad ce commis moiennant six florins carolus comprins le sallaire de la collation d’icelluy, bien entendu que pour les confections jà faictes lesdicts apothicquaires en polront user sans fraulde et sans en pooir faire des nouvelles.

Item que nulz apothicquaires et espessiers ne polront dolres en avant mectre en œuvre ny avoir en leurs maisons poivre de Brésil paille de poivre ny aultres pailles sur paine de x livres d'amende pour la première fois, pour la n° du double, le tout à applicquier comme dessus, et pour la an fois sur paine d’estre punis arbitrairement et que pardessus lesdictes amendes et punitions lesdictes espèces seront bruslées comme dessus.

Etsy ont finablement lesdicts eschevins et conseil deffendu et deffendent à tous espessiers de vendre ou distribuer aulcune chose servante à l’apothicquairesi comme conserve, opiate, eauwe distillée, onguent, emplastres et touttes aultres droghues servans à la médecine, sur paine de x livres à applicquier comme dessus.

Publié à la Bretesque de ceste ville de Lille à son de trompe le mardy nue de febvrier an xv° r11* et six, par moy Liévin Detroos serviteur et sergent à verghes d’eschevins de ceste dicte ville,

ARCHIVES COMMUNALES DE LILLE. Registre aux ordonnances de police du magistrat, coté F, f° 165 v° et suivants, avec titre: Ban

et ordonnance touchant les apothicquaires et espessiers. » Pièce manuscrite.

De

Statuts pour les apoticaires et épiciers de la ville de Lille. 31 Mai 1586.

APOTICAIRES ET ESPESSIERS,

À tous ceulx quy ces présentes lettres verront ou orront eschevins de la ville de Lille en Flandres, salut. Comme les maistres et corps du stil et mestier des apoticaires et especiers de ceste dicte ville de Lille nous euissent remonstré que noz prédicesseurs en loy leur auroient et aux grossiers, merchiers et aultres stilz en général joinctz ensamble, accordé lettres’ de constitution et ordonnances desdicts

stilz et mestiers et entre aultres et particulier ausdicts remonstrans en tout différent aux ordonnances desdicts aultres stilz tant pour l’apresure et maistrise dont iceulx aultres stilz ne sont chergiez et pareillement pour les abus que les maistres desdicts aultres stilz commettoient au regard de la branche desdicts supplians, leur auerions sur requête accordé à iceulx supplians ampliation desdictes ordonnances pour aulcuns poincts mesmes leur auerions accordé que pour leurdicte branche deux maistres seroient commis pour garder Jes droicts dudict stil et branche desdicts supplians comme aueroit esté faict, dont néantmoings ne leur en auroient esté expédiées aulcunes lettres, nous requérant que nous pleuist de leur faire faire expédier lettres en particulier pour leurdicte branche de leursdictes ordonnances et ampliation à eulx concédée et accordée pour estre mises ès mains des maistres dudict stil des appoticaires et espessiers affin de par eulx garder les droix d’icelluy, ce que aultrement ilz ne polroient faire, pour estre et demourer les lettres principalles desdicts stilz en général ès mains des maistres des grossiers et merchiers comme se maintenans principaulx, lesquels ne se veullent desgarnir desdictes lettres, sçavoir faisons que le tout veu et considéré inclinans favorablement à la requête desdicts supplians leur avons concédé et concédons les poinctz et articles quy s’ensuyvent.

I. — Premiers, que tous apprentifz soient filz de maistres ou non quy vouldront parvenir à estre francq aprentifz dudict stil d’apoticaires seront tenus de servir et demourer en apprendant ledict stil soubz francq maistre dudict stil exerceant actuellement icelluy stil le terme de deux ans continuelz et au boult desdicts deux ans passer examen pardevant les maistres dudict stil et en cas qu'ilz soient trouvez l'avoir bien aprins seront receus à francqs maistres et n’estans trouvéz telz seront tenus de continuer leur apresure encoires ung an et à l’entrée dudict aprentissaige chascun apprentif sera tenu soy faire registrer sur le registre dudict stil et payer non estant filz de maistre pour ledict enregistraige la somme de quarante solz parisis et s’il est filz de maistre la moictié d’icelle somme seullement.

IT, — Item quant aux aprentifz d’espessiers pour parvenir à la franchise seront tenuz d’estre en apresure telle que dessus deulx ans continuelz et de se faire enregistrer et payer comme les aprentifz d’apoticaires sans passer quelque examen. Bien entendu que tous aprentif indifferament desdicts deux stilz soient enffans de maustres ou aultres advenant le trespas de leur père ou mère, maistre ou maistresse, polront parfaire les deulx ans de leur apprentissaige