Fuslez, fusté, synonyme de bois de Provence
AE et ie Thot Ad
ds 4 Aide
RE PPT PT CRI CAIRN ee ARS gi D Que Ce
le faict des susdicts stilz à péril et sur peine de payer six livres parisys d'amende pour la première fois, en redoublant pour la seconde fois et pour la troisiesme fois à péril de quarante livres parisys à applicquier au prouffict de la chappelle desdicts stilz comme dessus.
XXI. — Item que au trespas de chascun maistre ou maistresse desdicts stilz et pourveu que les torses et confanons soient portez à leurs enterremens les hoirs dudict trespassé seront tenus payer
pour morte main soixante sols parisys applicables comme dessus.
XXII. — Item seront tenus les maistres et chief d’hostel desdicts stilz accompaignier lesdicts trespassez à leurs enterremens sur paine de fourfaire demy-livre de chire en valleur de douze sols parisys pourveu qu’il y ait préallablement sommation faicte par le serviteur desdicts stilz sauf en ce légitime empeschement dont ilz seront tenus advertir les maistres dudict stil.
XXIIT. — Item pour la morte main de chascun enffant et de ceulx prétendantz à ladicte franchise, s'il advenoit qu’ilz terminassent vie par mort durant leur appresure, sera payé quinze sols parisys au prouffict dudict stil.
XXIIIT. — Item que tous maistres et maistresses chiefs d’hostel estans ad ces fais sommez par les maistres et serviteur desdicts stilz seront tenus de comparoir à la messe quy se dict et célèbre en la chappelle de Madame Saincte Marie Magdelaine patronne d’iceulx stilz le vingt-deuxiesme du mois de juillet, ini de la susdite Saincte Marie Magdelaine leur patronne, et aussy à l’obit quy se célèbre le lendemain dudict jour Saincte Marie Magdelaine pour les âmes des fidelz trespassez desdicts stilz, à péril de payer une livre de chire en valleur de vingt-quattre sols parisys par lesdicts deffaillans en chascun desdicts cas au prouffict de ladicte chappelle saulf aussy légitime empeschement et dont ilz en seront tenus faire pareille advertence que dessus ausdicts maistres.
XXV. — Item tous. maistres desdicts stilz chief d’hostel seront tenus accompaignier les chandeilles et torses desdicts stilz aux jours du Sainct Sacrement et procession de cestedicte ville sur peine de une livre de chire de vingt-quattre sols parisys au prouffict de ladicte chappelle pourveu toutteffois qu'il y ayt sommation faicte par les maistres et serviteur desdicts stilz et saulf aussy légitime empeschement dont ilz seront tenus aussy faire ladicte advertence.
XXVI — Item que aucuns eulx meslans desdicts stilz ne soient
sy hardis d’estapler ou faire estapler leurs desrées où marchandises en deux diverses plaches d’une maison et bouticque en jour de marchié ne aultrement en cestedicte ville et taille sur soixante solz d'amende au prouffict dudict stil.
XXVITI. — Item que tous maistres et maistresses francqs exerceans, contribuans et se meslans desdicts stilz d’appoticairies et espessiers en ceste dicte ville et taille seront tenus obéyr paisiblement aux maistres d’iceulx stilz tant en cachant ! et recœullant les droix, taxes, frais d'années, amendes susdites comme aultrement touchant leurdict office et que tous lesdicts droicts, frais d’années, taxes et amendes ils payent paisiblement aux maistres desdicts stilz sans leur dire injures et villennies ny les molester de parolles injurieuses et querelleuses, ny aultrement en fachon quelconcque sur paine et à péril de payer soixante sols parisys d'amende et fourfaict toutes et quantesfois que aulcuns auroient faict et meffaict le contraire suyvant l'ordonnance de ce présent ‘article applicable à ladicte chappelle comme dessus.
XXVIII. — Item que tous maistres et maistresses francqz et eulx meslans desdicts stilz seront tenus payer chacun an pour frais d'années douze solz parisys à payer à une foys à la feste de Lille au prouffict dudict stil.
XXIX. — Item que le jour de Saincte Marie Magdelaine patrone desdicts stilz se esliront deux maistres nouveaux par les maistres et corps desdicts stilz, sçavoir est d’un appotticaire et d'un espissier lesquelz seront maistres ung an sans riens desbourser ny recepvoir pour les affaires desdicts stilz et le Jour de ladicte Marie Magdelaine enssievant commenchans la seconde année de leur maistrise seront alors reputez pour vieux maistres lesquels feront chappeller, décorer et parer la chappelle desdicts stilz trois fois par an assçavoir aux jours telz que saincte Marie Magdelaine, dédicasse et patron de l’église de Saint Estienne, et seront tenus lesdicts deux maistres nouveaulx avecq lesdicts deux vieux maistres de solliciter bien et diligemment pour le contingent et affaires desdicts stilz ad ce que ladicte chappelle et ornemens d'icelle, chandeilles, torses et confanon et histoire soient bien et deuement maintenus et entretenus en bon ordre et les droix, frais d'années, taxes, amendes et fourfaictures gardés et cœullées d’an en an selon le contenu de ces présentes lettres par les quattres
