Cachan!, cherchant, dans le sens de recueillir
maistres d’iceulx stilz, ordonnant tant seullement de desbourser, payer et recepvoir aux deux vieux maistres pour les affaires desdictz stilz, et ce aussy avant l’un comme l’aultre et sy seront tenus lesdicts deux vieux maistres de rendre compte et relicqua chascun an le lendemain du jour de Saincte Marie Magdelaine que lors on traictera des affaires desdicts stilz et que sy la despense excédoit le revenu quy se cœuille annuellement le reste se recouvrira et recœuillera sur ceulx desdicts stilz taxant ung chascun esgallement l’un comme l’aultre ne faisant que ung tax comme frais d’années.
XXX. — Item auront lesdicts maistres chapellans pour les mises et despens qu'ils auront faict chascun an pour les susdicts trois chappellaiges la somme de douze livres parisys que lesdicts vieux maistres desbourseront que leur sera alloué par le compte qu'ilz renderont de l’entremise desdicts stilz.
XXXI. — Item polront lesdicts maistres desdicts stilz le jour de Saincte Marie Magdelaine leur patrone, despenser au disner jusques à la somme de vingt-quattre livres parisys laquelle somme lesdicts deux vieux maistres chappellans desbourseront que leur sera alloué par le compte qu’ilz renderont de l'entremise desdicts stilz et sy le cas advenoit que la despense dudict disner excédoit lesdicts vingt-quattre livres en ce cas le surplus se payera teste à teste par ceulx ayans été présens audict disner.
XXXII. — Item que le serviteur desdicts stilz sera tenu de bien et diligemment servir en ce que ordonné et commandé luy sera par les maistres, si comme servir à la chappelle et au sainct sacrifice de la messe, tenir buffet, parer, décorer et bien nettoyer ladicte chappelle, ensamble de servir les maistres aux jours de la Magdelaine, du Vénérable Sainct Sacrement et procession de ceste ville et en toutes aultres choses que chargées et commandées luy seront par les maistres et pour lesquelz services il auera chascun an pour une robbe la somme de vingt livres parisys.
XXXIIT. — Item auera ledict serviteur pour chascun chief d'œuvre quy se fera tant par les appoticaires comme espissiers indifféramment pour son sallaire d’avoir assisté et servy audict chef d’œuvre la somme de trente solz parisys payables par icelluy quy passera ledict chef d'œuvre. e
XXXIIIT, — Item auera ledict serviteur pour. chascun apprentif tant appoticquaire comiie espissier dix solz parisys pour ste d’entrée de leur apprentissaige ausdicts stilz.
Ut
XXXV. — Item auera ledict serviteur pour la morte main des maistres, maistresses et chef d’hostel desdicts stilz douze sols parisys à charge de porter à l’enterrement confanon et torses et de prier tous les maistres et corps desdicts stilz audict enterrement et service.
XXXVI. — Item sy auera ledict serviteur pour la morte main de chascun enffant des maistres et maistresses desdicts stilz six solz parisys à charge de prier les maistres et corps desdicts stilz à l’enterrement et de porter lesdicts enflans en terre au cas qu’il en soit requis de ce faire. 2
XXXVII, — Item auera icelluy serviteur pour tous adjournemens extraordinaires des maistres desdicts stilz, dix solz parisys.
XXXVIIT. — Item que aucuns maistres ou maistresses francqz et eulx meslans desdicts stilz ne se advanchent doresnavant mettre leur hayon et marchandise sinon ainsy que le lot leur viendra et escherra en la manière accoustumée sur soixante solz parisys d'amende applicquable audict stil,
XXXIX. — Item que lesdicts maistres et maistresses eulx meslans desdicts stilz seront tenus en mettant et levant leurs hayons brocquier leurs draps de hayon l’un à laultre affin qu’il n’y ait poinct de passaige entre leursdicts hayons et ce sur douze solz de fourfaict applicable comme dessus.
XL. — Item que lesdicts maistres ou maistresses eulx meslans desdicts stilz quy voldront mettre hayon au marchié de ceste dicte ville les jours de mercredy seront tenus de venir endedens la cloche des ouvriers sonnée ou demy heure après affin que chascun puisse hayonner ainsy que sa plache la donnera par son lot et sans fraulde sur l’amende de douze solz applicable comme dessus et que sy ceulx quy sont accoustumés de venir estoient -défaillans et ne volsissent aulcuns jours venir, en ce cas les aultres polront prendre les plaches d’iceulx deffaillans que ainsy deffailleront sans aulcun fourfaict.
XLI. — Item que chascun desdicts maïistres ou maistresses soy meslant desdicts stilz sera tenu de tenir son lot tel que luy escherra, lequel lot se jectera quattre fois l’an aux jours et ainsy que l'on a accoustumé faire générallement entre tous les marchans de cestedicte ville, assçavoir l’un le premier mercredi jour ouvrier après Pasques, le deuxiesme pour la feste de Lille le lendemain du jour de Saint Bartholemy, le troisiesme, le premier mercredy jour ouvrier après la feste de Lille, et le quatriesme le premier mercredy jour ouvrier après le Noël.
XLIT. = Item que tous espissiers estrangiers veullans vendre leurs desrées en ceste dicte ville ès jours de la franche feste d'icelle seront tenus de estapler et eulx ranger endessoubz les espissiers francqz de cestedicte ville.
XLIIL. — Tous lesquels poinctz, articles et ordonnances cy dessus déclarez nous, pour nouset nos successeurs oudict eschevinaige, avons comme dessus octroyé et accordé, octroyons et accordons par ces présentes durer et estre tenus par lesdicts maistres et corps desdicts stilz des apoticquaires et espissiers et leurs successeurs à tousjours tant saulf que sy ès choses dessusdictes ou aulcunes d’icelles y avoit aulcune obscurité, variation ou trouble d’entendement, nous oudict cas avons réservé et réservons à nous et nosdicts successeurs l'interprétation, ensamble la mutation et correction en tout ou en partie se faire le convient et bon sembloit cy après. En tesmoing de ce avons à ces présentes lettres faict mectre le scel aux causes de ladicte ville. Ce fut faict et accordé en plaine halle le vingt ungniesme d'octobre quinze cens quattre vingtz quinze. Ainsy signé J. Miroul et si estoient lesdictes lettres seellées du seel aux causes de ladicte ville de chire verde en double queue de parchemin. Plus bas estoit escript ce qu'il s’ensieult :
Le xxix° de décembre xve quattre vingtz quinze, ces présentes lettres ont esté publyées à la bretesque de ceste ville de Lille à son de trompe par Jehan de Housdain, sergeant.
ARCHIVES COMMUNALES DE LILLE. Registre aux lettres et ordonnances des stils et métiers, côté B, fes 107 ve et suivants, avec le titre :
« Lellres pour les appoticquaires el espessiers de la ville de Lille. » — Pièce manuscrite.
Lettres et Statuts du Corps des Apothicaires et Épiciers de la ville de Lille.
20 janvier 1635 1.
À tous ceulx qui ces présentes lettres verront ou oiront, eschevins de la ville de Lille en Flandres, salut.
l. Ces Statuts ont été publiés par M. le Dr P. Dorveaux, dans les numéros du Journal des Sciences Médicales de Lille du 30 mai, 6, 13, 20 juin 1896 (avec tiré à part, Paris, 1896), d'après une copie manuscrite
As PRE SE MS NT
Comme à Nous et à nos Prédécesseurs en loy, ait de tout temps compété et appartenu, et encore appartient à présent soubs le Roy notre Sire, comme Comte de Flandres, la coignoissance et judicature généralement de et sur tous les manans et habitans en cest Eschevinaige, et mesmement de toute la Police et Gouvernement de ladite Ville, en telle manière que la pluspart d’iceulx manans, habitans et subjets audit Eschevinaige se sont réglez et gouvernez, et sont encore journellement au fait de leurs Styles, Mestiers et Marchandises, selon les règles, constitutions, et ordonnances à eulx par Nous et nos Prédécesseurs baillées et accordées, tant par lettres que aultrement, et à: chacun d’eulx, selon leurs estats et degrez; et il soit que de la part des Maistres et supposts du corps des styles des Apothicaires et Épiciers de cette dite Ville de Lille, Nous eust été remonstré par requeste que dès le vingt-unième d'octobre quinze cens quatre-vingt-quinze, il auroit pleu à nos Prédécesseurs en Loy, (après avoir consenti qu’ils seroient et demeureroient du tout séparez du Corps de Style des Grossiers et Merciers, pour être réduits en un corps de Style à part) leur octroyer et accorder pour la meilleure direction de leursdits styles, divers points et articles jusqu’au nombre de xlij en forme d'ordonnance politique, comme pouvoit apparoir par les lettres sur ce dépéchées qui furent publiées à son de trompe à la Brétecque de - cettedite Ville en la manière accoutumée, le vingt-neuvième de
Décembre ensieuvant. Et comme depuis par succession de temps sont arrivez divers changemens, et que l'expérience a fait cognoistre que pour la plus grande utilité desdits styles et le bien public, seroit bien requis et nécessaire, du moins convenable d’esclaircir, corriger et amplier plusieurs articles desdites Ordonnances, et en somme les renouveller en la forme et manière contenue en certain cahier qu’ils Nous ont exhibé joint à leur dite requête, Nous requérant à tant que notre plaisir fust leur octroyer, accorder et faire despêcher aultres et nouvelles lettres, en conformité du contenu audit cahier ou autrement, selon que trouverions mieux convenir. Sçavoir faisons que, veu en plaine Halle et Conclave la teneur de ladite requeste, avec celle dudit cahier bien et au long en tous ses points et articles, mesme depuis ouy le rapport de ceux par Nous spécialement députés pour le tout examiner de plus près, désirant le bien et advancement desdits styles
reliée à la suite d'une Pharmacopée de Douai (n° 5022. Bibliothèque de l'Ecole supérieure de Pharmacie de Paris). Ils présentent quelques variantes avec ceux que nous publions d'après un registre des Archives communales, où nous les avons trouvés en manuscrit et en imprimé.
