SI
des Apothicaires et Epiciers, nous avons, à meure délibération de Conseil, à ceulx desdits styles, tant pour eulx que leurs Successeurs, accordé et octroyé, accordons et octroyons par ces présentes Lettres, les points et articles qui s’ensuivent.
ARTICLE PREMIER
Avons déclaré et déclarons que pour la meilleure conduite et direction desdits styles, et le plus apparent bien du public, avons, dès le treizième de Juing dernier seize cens trente quatre, sur la requeste présentée de la part des égards, maistres et supposts d’iceulx styles, authorisé lesdits egards et maistres de tenir Siège avec un Eschevin et aultre de notre corps comme Intendans, et y vaquer et besoigner selon que plus au long est contenu par l’acte en dressé, qui sera couché au pied des présentes, et auquel l’on debvra pour ce avoir recours ; et aura le serviteur sermenté pour faire les adjournemens, quand le cas y eschéra, pour chascun d’iceulx, deux sols parisis.
Ordonnons que ceulx qui suivant tel ajournement seront deffaillans de comparoir, fourferont et seront tenus de payer pour la première fois douze sols parisis, pour la seconde vingt-quatre sols, et pour la troisième soixante sols, applicables et à répartir si comme pour la moitié au prouffict des commis dudit siège, et pour l’autre de la chapelle et corps desdits styles ; et s’ils estoient deffaillans ultérieurement sur le rapport desdits du Siège, seront pour leur trop grande contumace pugnis arbitrairement à notre discrétion ou de nos
successeurs, TES
Ordonnons que tous ceulx qui voldront parvenir à être francqs apprentifs dudit style d’apothicaire, n’estant fils de maistres de cette ville, seront tenus de servir et demeurer en apprentissaige soubs francq maistre dudit style s’exerçant actuellement, mesme aussi de résider domestiquement, coucher et prendre leur nourriture chez lui le terme et espace de trois ans continuels, sans tirer aucun gaing ou prouffict. Et quant aux fils de maistres de cestedite Ville, ils ne seront tenus à apprentissaige, néanmoins ne pouldront eslever ni tenir boutique s'ils ne ont au préalable passé chef-d'œuvre comme ci après sera déclaré.
Que à l'entrée dudit apprentissaige, chascun apprentif, à l’assistance et enseignement de son maistre, sera tenu soy faire enrégistrer
sur le registre dudit style, en dedans trois mois, et payer pour droits d'entrée huit livres parisis, à répartir si comme pour la moitié au prouffict de la Chapelle et corps de style, l’autre de ceulx du siège, et à faute d'y satisfaire ledit maistre encourra en l'amende ou peine de vingt livres à répartir comme dessus, et l’apprentif déchéra de son droit d’äpprentissaige et franchise dont les trois ans ne courront ni se compteront que du jour de Penrégistrature ; et pardessus ladite amende, tel apprentif aura son recouvrier 1 de tous dommages et intérests contre son maistre, ayant été en faute de l'avoir fait enregistrer en temps deu ; et pour le droit d’enrégistrature debvront être payer vingt sols parisis au greffier ou clercq, et pareils vingt sols au serviteur dudit style.
Ve
Que tous apprentifs dudit stil debvront estre remonstrez par leur maistre à l'expiration des trois ans ? pardevant ceulx dudit Siège pour y estre examinez, comme aussi à l'expiration des trois ans, pour sçavoir s’ils sont capables de passer et estre acceptez pour francqs apprentifs, et n’estans trouvés capables, pouldront estre renvoyez avec ordonnance de continuer encore un an leur apprentissaige, en payant pour le premier examen au prouffict de ceulx dudit Siége quatre livres parisis, pour le second huit livres, et pour l’enrégistrature se payera vingt sols parisis au greffier ou clercq et autant au serviteur dudit style, et le maistre qui sera en faute de représenter son apprentif dedans trois mois plus tard après l'expiration desdits deux et trois ans, encourra pareille amende de vingt livres qu’en l’article précédent.
VE
Que les apprentifs d’épiciers n’estans aussi fils de maistres qui vouldront parvenir à la franchise dudit style d’épicier, seront tenus de servir et demeurer en apprentissaige soubs francqs maistres l'exerçant actuellement, mesme aussi résider domestiquement, coucher et prendre leur nourriture chez lui, sans tirer aucun gaing
