XX VIII
Que les maistres et chefs d’hostels desdits styles seront tenus d'accompagner lesdits trespassez à leur enterrement, sur peine de fourfaire au prouffict de ladite chapelle une livre de chire en valeur de vingt-quatre sols parisis, pourveu qu’il y ait préalablement sommation faite par le serviteur d’iceulx styles, sauf empeschement légitime dont ils seront tenus advertir les maistres.
Que pour la morte-main de chascun enfant et de ceulx prétendant à ladite franchise, s’il advenoit qu’ils terminassent durant leur apprentissaige, seront payez trente sols parisis, à appliquer au prouffict de ladite chapelle et corps de style. |
Que tous maistres et maistresses, chefs d’hostel, estant à ces fins sommés par les maistres et serviteurs desdits styles, seront tenus de comparoir à la messe qui se chante et célèbre en la chapelle de Madame Sainte Marie Magdelaine, Patronne d’iceulx styles, le vingt-deuxième de juillet de chascun an, et aussi à lobit qui se
1. « Les amendes portées par cet article ont été augmentées par une ordonnance du 23 mai 1761, qui est rapportée ci-après, page 25.» (Note insérée dans les statuts imprimés.)
célèbre le lendemain dudit Jour pour les âmes des fidèles trespassez desdits styles, à péril de payer deux livres de chire en valeur de quarante-huit sols parisis par les deffaillans en chascun desdits cas, à appliquer au prouffict de ladite chapelle et corps de style; sauf aussi empeschement légitime et advertissement comme à l’article
antéprécédent.
Que tous maistres desdits styles, chefs d’hostels, seront tenus accompagner lés chandeiïlles et torches d’iceulx, aux jours de Saint Sacrement et procession de ceste dite ville, sur pareille peine et application que en l’article précédent, pourveu toutefois que y ait aussi sommation, et sauf empeschement légitime et advertissement
tels que dessus.
Que aulcuns se meslant desdits styles ne soient sy hardy d'’estapler ou faire estapler leur denrées ou marchandises en deux diverses plaches d’une maison et boutique, en jour de marché ni aultrement, en ceste dite ville et taille, sur six livres d'amende, applicable et répartissable entre ceulx du siège pour la moitié, et pour l’aultre desdites chapelle et corps de style.
Que tous maistres et maistresses exerçant, contribuant et se meslant desdits styles d’apothicaire et épicier en cette dite ville et taille, seront tenus d’obéir paisiblement auxdits du siège; ensemble aux maistres, tant en cherchant et recueillant les droits, taxes et frais d'années et amendes comme aultrement touchant leurs offices, et tous lesdits droits, frais d'années, taxes et amendes, ils payeront paisiblement auxdits maistres sans leur dire injures et villenies, ni mollester de paroles injurieuses ou querelleuses, ni aultrement en façon quelconque, sur peine et à péril de six livres parisis d'amende, à fourfaire toutes et quantes fois que chascun auroit fait le contraire, applicable comme dessus à l’article précédent. ,
Que tous maistres et maistresses desditz styles seront tenus payer chascun an pour frais d’années douze sols parisis une fois et ce à la foire de Lille, au prouffict desdits styles, ne soit que paravant ils aient payé morte-main telle que au trespas.
