JHESUS MARIA

Comte d'Armagnac, mon très chier et bon ami, Jehanne la Pucelle vous faict sçavoir que vostre message est venu par devers moy lequel m'a diet que l'aviés envoie par deçà pour sçavoir de moy auquel des trois papes que mandez par mémoire vous de vriez croire. De laquelle chose ne vous puis bonnement faire sçavoir au vray pour le présent jusques à ce que je soye à Paris ou ailleurs à requoy; car je suis pour le présent trop empeschée au faict delà guerre. Mais quand vous sorez que je seray à Paris, envoiés un messagé par devers moy et je vous feray sçavoir tout au vray auquel vous devrez croire et que aray sçeu par le conseil de mon droicturier et souverain seigneur, le roy de tout le monde et que vous en aurez à faire à tout mon povoir, à Dieu vous commans. Dieu soit garde de vous.

Escript à Compiégne, le xxn e jour d'aoust 1429.

(s) page 113.

Quittance de Rodrigo deVillandrando, chef de bandes, en faveur

des habitants d'Auch.

(Arch. de l'Hôtel-de-Ville.)

NousRoudiguo de Villandrando, compte de Ribedeu et seigneur Dusses, sertifions avoir eu et reseu de la ville et citée de Auchs pour l'année de nostre bien aimé mestre dostel mestre Pierre de Vinous la somme de cent esqus achoussc de nostre aseurt et

enparanse en quoy il se sont mis jusques à la Sent Martin diver proche venant dones jus nre sen armrie de nos armes a Roque Loure lexxiiu jour dauril lan m. cccc. et xxxix.

Signé, Rongrido Villandrando.