tome II

payera de leurs gages, et les fera gouverner bien et doocement, et payer ce qu'ils prendront, et ceux qui seront en ladite ville de Bourdeaux seront logez es hostelleries et autres lieux moins grevables et dommageables pour les marchands et habitans de ladite ville.

Item, A esté appointé que les officiers que le roi commettra au pais promettront au roi ou à ses commis, et jureront de faire bonne justice sans faveur au grand comme au petit, et qu'ils garderont les privilèges, coustumeset loix de ladite ville de Bourdeaux et du pais deBoiirdelois, et les maintiendront en leurs honneurs et prééminences, et jouyront ceux d'icelle ville de Bourdeaux, et autres quelconques du pais de Bourdelois de leurs jurisdictions, ainsi que d'ancienneté ils ont accoustumé.

Item, Et défendra ou fera défendre par son procureur en la ville de Bourdeaux qu'il ne vexe ou travaille aucuns des habitans de ladite ville ne du pais sans requeste de partie, ou qu'il n'y ait deue information précédente.

Lesquels Traittez accordez , appointemens , promesses , et convenances , Nous , Pierre par la misération divine archevesque de Bourdeaux , Bertrand , seigneur de Montferran , Gaillard de Durfort seigneur de Duras, Godifer Chartoise, maire et comme maire de Bourdeaux, Jean de la Lande seigneur de Breda, Bertrand Angevin seigneur de Rozan et de Pajoux , Guillaume Audion seigneur de Lansac , promettons par la foy et serment de nos corps , et sur nos honneurs , tenir et accomplir de point en point selon leur ibrme et teneur, sans icelles aucunement enfraindre , en tesmoin de ce nous avons signé ces présentes de nos seings manuels, et scellez de nos armes, le samedy douzième jour de ce présent mois de .juin mil quatre cens cinquante-un. Ainsi signé, P, Archiepiscopus Burdegalensis , de Montferran , Gaillard , Jean de la Lande, Breda, G. de Lansac. P, de Boscouato.

Lequel Traicté et appointement nosdits conseillers ayant promis et juré faire par nous ratifier et confirmer, et pour ce ayant fait supplier, requérir ainsi le vouloir faire; Pource est-il, que nous les choses considérées , et que mieux est recouvrer et réduire en notre obeyssance nostre pais de Guyenne par traicté aimiable , que y procéder par voye de fait et de guerre ; voulans aussi obvier à Teffusion de sang humain , et à la destruction et perdition dudit pais et de nos subjets d'iceluy , ledit traicté et appointement, et tous les points et articles contenus en iceluy , avons eu et avons agréable, et l'avons ratifié, approuvé et confirmé, ratifions, confirmons et approuvons de grâce spéciale, plaine puissance, et authorité royalle; Voulons et octroyons à nosdits gens, desdits trois Estats de nostredite ville de Bourdeaux, du pais Bourdelois et de Guyenne, tant gens d'église, nobles, que autres quelconques, et à chacun d'eux qui jouissent et usent plainement et paisiblement du contenu audit traicté et appointement, protnettans en bonne foy, et en parole de roy tenir et

faire entretenir ledit traicté et appointement , et de ne faire ne souffrir estre fait aucune chose à leur contraire.

Si donnons en mandement par cesdites présentes à nos amez et féaux conseillers les gens tenant , et qui tiendront nos parlemens et cours souveraines , aux sénéchaux de Guyenne , d'Agenois , de Bazadois, et des Lannes, et à tous nos autres justiciers , ou à leurs lieutenans présents et advenir, et à chacun d'eux , si comme à luy appartiendra , que lesdits gens d'église, nobles, et autres desdits trois Estats, fassent, souffrent , et laissent jouir, et user plainement et à j>lain de nos présentes ratifications^ confirmation, et octroy, sans leur faire ne souffrir estre faite aucune chose au contraire, ores ne pour le temps à venir, en quelque manière que ce soit; ainçois si faite leur estoit aucunement, ils leur reparent et remettent , ou fasse reparer et remettiie sans delay au premier estât et deub. Et afin que ce soit chose ferme et stable à tousjours, nous avons fait mettre nostre scel à ces présentes , sauf en autres choses nostre droict, etTautruy en toutes. Donné à Saint-Jean-d'Angeli , levingtiesme jour de juin , Tan de grâce mil quatre cens cinquante-un , et de nostre règne le vingt-neuviesme. Ainsi signé, par le roy en son conseil, auquel tous les evesques de Maguelonne et de Alech, le sieur de la Tour, T Admirai, les sieurs de Saintrailles, Berqui, maistre Jean Bureau. Et scellé du grand sceau de cire jaune.

NOTE IX j page 98.

Second xra.it£ de Charles VU avec les Bordelais.

CHARLES PAR LA GRACE DE DiEU , ROI DE France : savoir faisons à tous presens et avenir: comme puis un an en ça, feu sire de Talbot et autres Anglois en sa compagnie , fussent venus à puissance en cetui notre pays de Guienne , qui lors était en notre obéissance , et y eussent tellement procédé que au nom d'aucuns dudit pays , qui nous avoient par avant fait le serment d*être bons et loyaux envers nous , en venant contre leurs sermens et promesses, donnèrent tel attrait, aide et reconfort auxdits Anglois qu'ils eussent prinses plusieurs villes et places en nos pais de Guienne et de Bourdelois et mémement notre ville et cité de Bouraeaux , qui est la principale et plus notable desdits pays , eux efforçans de leur pouvoir de plus avant entreprendre sur autres places et gagner les jxiys voisins à nous obéissans, pour obvier auxquelles choses , eussions incontinent ce venu à notre notice , envoyé notre armée audit pays, et depuis soyions venus en personne et y ayions tellement procédé, que moyennant la grâce de Dieu et l'aide de nos bons ^t loyaux vassaux et sujets , ayant par puissance réduites lesdites places, que y avoient gagné nosdits ennemis et remises en notre obéissance et ayons fait mettre et logier notredite armée à grand puissance, tant par eau que par terre , ^ près

de notredite cité de Bourdeaux, que les gens d*église, nobles, bourgeois, marchands et habitans d*icelles, connoissans qu'ils avoient grandement méprins , se soient tirés devers nous, et après qu'ils nous ont fait montrer leur pauvreté et indigence, et que la plupart des habitans de notredite ville ne sont pas principalement en cause de ladite rébellion et désobéissance , nous ayent fait supplier et requérir qu'il noiis plaise leur pardonner et abolir les choses avenues le temps passé; icelles mettre hors de notre cœur, les recueillir comme nos sujets en notre bonne grâce de ipiséricorde et leur impartir bénignement icelles , en nous offrant notre ville et cité de Bourdeaux, et la remettre en notre obéissance, et de nous faire le serment d'être dorénavant bons, vrais et loyaux sujets, et mettoient tous leurs privilèges dont ils ont usé le temps passé à notre bonne grâce et nous reconnaissans leur souverain et naturel seigneur : pour ce est-il que nous ayant considération aux choses dessus dites qui nous ont bien au lone été remontrées, voulant , en suivant les faits de nos progéniteurs de bonne mémoire, user de clémence et bénignité envers nos sujets , et préférer miséricorde à rigueur de justice et sur les choses dessus dites, en l'avis, conseil et délibération de plusieurs des seigneurs de notre sang et lignage et autres nos chefs dé guerre et gens de notre conseil , étant au tour de nous en grand nombre pour l'honneur et reverance de Dieu et éviter effusion de sang humain , ayant pitié et compassion du pauvre peuple, étant en ladite ville, confiant que dorénavant nous seront bons, vrais et loyaux sujets, avons quitté, remis, pardonné et abolis, quittons, remettons, pardonnons et abolissons de grâce et spéciale, pleine puissance et autorité royale par ces présentes aux gens d'église, nobles, bourgeois, marchands et autres habitans d'icelles, notre ville, cité et banlieue de Bourdeaux et autres étant de présent en icellc , tous les crimes, rebellions, désobéissance, crimes de leze-majesté et autres délits quelconques, qu'ils et chacun d'eux ont et peuvent avoir commis perpétrés et été causes ou consentant de faire commettre et perpétrer envers notice Majesté et nos sujets , tant en général qu'en particulier de tous le tenips passé jusqu'à présent, en quelque manière et pour quelque cause et occasion que ce soit , et voulons les - choses des susdites être censées et réputées comme non faites et non avenues, en les restituant en leur bone famé et renommée et à tous leurs biens, meubles et immeubles , châteaux, seigneuries, hôtels, maisons et autres héritages quelconques^ et sur ce imposons silence [perpétuel à notre procureur et à tous autres, en réservant toutefois en notre dite bonne grâce, les privilèges d'icelle notre ville jusqu'à notre bon plaisir, et aussi réservé jusqu'à vingt personnes des principaux qui ont été cause de ladite rébellion et d avoir fait venir nosdits ennemis et les mettre en notre cité de Bourdeaux , auxquels, à la supplication et requête du sire de Camois, chevalier Anglois , ayant la charge des gens de guerre de la nation d'Angleterre étant à présent à Bourdeaux , qui , sur ce nous a très-humblement

supplié et requis, avons quitté et donné la vie, moyennant ce qu'ils seront banis de notre royaume, et s'en pourront aller là où bon semblera , avec les biens, meubles qu'ils en pourront emporter avec eux, et aucuns autres de ladite ville jusqu'au nombre de quarante, s'en veulent aller faire le pourront, et emporter tous leurs biens, meubles quelconques, et en outre si avant aujourd'hui ils ont fait ou font dedans un mois prochain, venant aucunes donations, Venditions ou transports de leurs héritages à leurs enfans , prochains parens ou autres, nous voulons et octroyons de notre plus ample grâce que lesdites venditions, donations et transports, qui ainsi ont été ou seront faits, soient et demeurent valables, et nous seront tenus >ayer pour une fois lesdits gens d'église, nobles, bourgeois, marchands et abitans de notre dite cité et banlieue de Bourdeaux , la somme de cent mille écus d^or à présent ayant cours et moyennant cette notre présente abolition^ tous les prisonniers qui sont à présent ez main de notre dite ville et banlieue de Bourdeaux, qui même n'ont payé leur rançon, tantez mains de ceux de ladite ville et autres du pays comme de ceux de la nation d'Angleterre, seront et demeureront francs et quittes, sans ce que aucune chose leur soit ou put être demandée pour occasion de leur dite prison ou rançon, et ainsi que tous scellés et promesses que nos gens et sujets ou autres, tenant notre parti pourroient avoir faites auxdits Anglois et à ceux de Bourdeaux et autres quelconques devant cette présente année, seront et demeureront nuls et de nulle valeur et effet. Si donnons en mandement au sénéchal de Guienne et à tous nos autres justiciers et officiers ou à leurs lieutenans, présent et aveniret à chacun d'eux, si comme à lui appartenans que lesdits cens d'église, nobles, bourgeois , m£u*chands et haoitans de notre ville et banlieue de Bourdeaux et autres étant en icelle, et chacun d'eux fassent, souffrent et laissent joyr et user pleinement et paisiblement de nos présentes abolitions et grâces sans leur faire ne souffrir être fait aucun destourbier ou empêchement à ce contraires, en cois ce fait ou donné leur avoir été ou était ores ou le temps à venir, si ce mettent ou fassent mettre sans délai à pleine délivrance et au premier état et du, et afin que ce soit chose ferme et stable à toujours, nous avons fait mettre notre scel à ces présentes. DorraÉ à Monferran, près Bordeaux, le 9 octobre, l'an de grâce 1453, et de notre règne le 31 , etc. » Regist. du Parlem. de Paris,

NOTE X, page 106.

REMONTRANCES FAICTES AU ROI POUR LES HABITANS DE BOURDEAUX APRÈS QUE MONSIEUR LE CONNÉTABLE EUT RÉCITÉ LE FAICT DE SA CHARGE ET EXEAGÉRÉ LES OFFENSES COMMISES CONTRE LE ROI PAR TOUTE LA DUCHÉ DE GUIENNE, FATCTES PAR M® GUILLAUME LE BLANC, ADVOCAT EN LA COUR ET JURAT DE BOURDEAUX, l'aN 1549.

Nous ne pouvons nier , Sire, que les offenses commises contre vostre

Majesté en vostre ville de Bourdeaux, ne soient autant grandes que plus ne pourroient. Nous ne voulons nier que le feu sieur de Moneins , vostre lieutenadt, n'ay t esté prodictoirement occis en homicide. Nous ne voulons aussi nier que les armes n'ayent esté prinses contre vostre authorité , tocquessain, assemblées illicites de vingt-cinq à trente mille hommes, vos officiers et autres saccagés et thués, et vos chasteaux forcés : mais, Sire , vostre clémence et pitié, réclamée par tout le monde , est beaucoup plus excellentes que ne sont grandes les offenses , lesquelles de tant plus doibvent e^tre pardonnées, vu qu'elles ont esté commises par le petit peuple de la viHe.

Vous supplions très-humblement, Sire, croire qu'en vostre ville de Bourdeaux y a quatre espèces de personnes ; savoir , est Testât des gens d*£sglize, de ceux des robes longues, comme sont les gens de vostre court de parlement et suppostz d'icelle, les bourgeois qui font le conseilh, corps et université de vostre ville, et la quart espèce est d'artizans estrangiers qui ne pocedent aulcungs biens, mariniers, gentz fréquentans la mer, facilz de leur naturel à ççdiction et eslevation , jesquelz excédent de trois quartes parties les autres habitans de vostre ville , et sont ceulx qui ont commis contre vous. Sire, sy grandez offenses; non , Sire, que en veuillons excuser du tout le corps de vostre ville, et qu'en eulx n'y ayt heu faulte : mais. Sire , nous vous supplions très- humblement croire que ce n'a esté par dol ou mauvese voUonte , ains par imprudence pour le peu d'expérience qu'avons au fait des armes , et que pour l'injure et malicQ du tems auquel a convenu servir à vous , estre constraintz uzer de connivence et de dissimulation pour sauver nos vies ; mais d'infidélité, Sire , n'y en eust jamais au corps de vostre ville ; et afin de le cognoistre, Sire , nous vous supplions très-humblement entendre le faict comme est advenu , et les diligences faites par les bourgeois et apparantz de vostre ville, et debvoir auquel ce sont mis pour appeser l'eslevation survenue ; non, Sire, que nous veilhons impugner ou aébattre le jugement qui a esté faict; car vous supplions très-humbïement que n'entrez en jugeaient avecques nous, qui sommes vos paouvres subjectz et qui nous présentons devant vostre Magesté pour obtenir grâce, pardon et miséricorde des offenses commises ; non aussi pour nous justifier, car tant est grande l'obligation du subject envers son roi et prince^ qu'il ne seroit pas possible de satisfaire et prester , tant de service que luy est dheu , ayant mesmes considérations ez grandz bienfaiçtz qu*avons receus de vous. Sire, mais seulement afin que n ayez ceste opinion de vos paouvres subjectz qu'ils soyent infidèles et que Dieu les ayt tant délaissez qu'ils ayent machiné contre vous chose qui revienne à infidélité.

Du moisde julhet et aoust s'esleva ung peiiple en Xaintonge et Angoumois, ayant pour chefz, comme le bruit estoit, certains Cappitai nés qu'ils appelloielit Courronnelz, lesquelz^ de jour en jour cheminant de ville en

ville, s'efForçoient séduire et gaigner vostre peuple , telletuMt qii'ilz seroient venus ez villes de Guienneet fîUoles de Bourdeaux^ comme sont Libourne , Blaye, Bourg , Cuistres et jusques à Cuzac, qui est Tentrée du pays d'enlre-deux-mers, et distant de vostre ville de Bourdeaux de quatre lieues seulement ; ce voyant les administrateurs de vostre ville, de crainte

3u*ilz avoient de semblable eslevation et pour y obvier , envoyareftt en iligence en poste par devers vous , Sire, pour vous en advertir , aussi en advertirent en pareilbe diligence le rey de Navarre, gouverneur de vostre Guienne, le feu seigneur deMoneins et leseigneur de Jarnac, maire et cappitaine de vostre ville; et cependant , Sire , tous les jours tes juratz et administrateurs de vostre ville entroient eh vostre cour de parlement, pour advertir vos conseilhers de ce qu'ils faisoient pour obvier à la sédiction du peuple, et pour entendre de vostre court ce qu'il plairoit commander pour oDvier à ce.

Dés le commencement du mois d'aoust, à là requeste des jurats et administrateurs de vostre ville , feust ordonné , par arrest de vostre court que les advocats, procureurs de vostre court ae parlement et autres personnes privilégiées, quelz qu'ilz fussent, yroient à Testinguet, et feroient postes et le guet de nuict sur les tours et murailhes de la ville , comme estant en éminent périlh. Les jours de festes ezquelz la court q'entroict, iizse sont assemblés en la maison du premier président, où ont assisté les autres présidens de vostre court et aulcuns de vos conseilhers , oii aussy estoient appelles aulcuns de vos capitaines, gens expérementés ait faict des guerres, con^me les seigneurs de Miranbeau,deLansac, de Saint- Martin , de Lyne et autres , pour , par leur conseilh , pouvoir obvier aux éslevations du peuple. Dès-lors les gardes des portes fui'ent doublées , et aulcuns n'eûst estéreceu à garder par serviteur ; mais les bourgeois en leurs

Eersonnes,auxquelz dès-lors est commandé ne laisser sortir aucunes arn^eâ ors la ville, aussy ne laisser entrer aulcung qui ne laissact les armes à la porte , Testineuet redoublé, les portes de la maison de la ville, à Tendrôit où estoit la cloche de la ville, furent renforcées et redoublées, et mesmeâ claveurées; le prevost de la ville, qui estoit aussy soulz-cappitaine du seigneur de Jarnac , lequel avoict vingt hommes de guerre à la suicte , prend la charge et garde à la maison de la ville , et nommément de la cloche, ayant sa maison située au pied et près ladicte maison de la ville , est enjoint au cappitaine de guet, qui a neuf hommes de guerre à sa suite , de faire son debvoir et avoir rœulh k ce. qu'il n'y eùst sédiction, davantaige chescungdes jurats et admrnistrateiirs, faict recherche , chescung en leur jurade, des armes qui estoient par les maisons, faisant expresses injonction» ez bourgeois et maîstres des maisons , se seaisir des armés de leurs serviteurs et mercéneres. Ce sont y Sire , les actes qui ont esté faicts par les ad* ministrateurs de vostre ville , auparavant la venue du feu seigneur de Moneins, sy vous suppHons très-humblement considérer si ces diligences sont des stdyjectz infidèles.

Le feu seigneur de Moneins, arrivé en poste en vostre ville les juratz et administrateurs incontinent allarent par aevers luy pour hiy faire la révérence, et Tadvertir de la crainte qu'ilzavoient de ce peuple eslevé, que défia avoict cheminé de deux lieues près de vostre ville, aussy dç ceux qui estoient en vostre ville de iBourdeaux, et les diligences qu*ilz avoient faictes pour y obvier, le suppliant leur commander et faire entendre ce qu'ilz verront estre nécessaire pour y obvier et pour luy faire service; lors ledit feu seigneur de Moneins commanda de faire assembler le peuple et qu'il vouloit parler à eux ; sur ce, Sire, vous suppliant très-humblement croire que lui feust remonstré le danger qui pouvoit advenir de l'assemblée du peuple, et mesme Tung de vos advocatz en Guienne luy remonstra, auquel fist response qu'il sçavoict bien qu'il debvoict faire. Au lendemain rassemblée faicte, les administrateurs et juratz^ auparavant l'entrée de feu M. de Moneins, et après avoir remonstré au peuple l'hoimeur qu'ilz debvoient porter au feu seigneur de Moneinscommeestant vostre lieutenant et représentant vostre personne, tellement qu'ilz n'estiment avoir obmis par les remonstrances qu'ilz firent au peuple , chose qu'ilz cogneussent estre pour vostre service, et parce qu'en çeste tumultuaire assemblée d'aulcuns mutins et séditieux, parlarent irrévéremment au feu seigneur de Moneins; les administrateurs, auparavant l'issue de l'assemblée en publicq, leur firent demander pardon au feu seigneur de Moneins, et néaulmoingtz hoi's de l'assemblée et en la maison de la ville, remonstrant au feu seigneur de Moneins qu'il debvoict faire pendre ceux qui avoient faict la tumulte, ezquelz respondict qu'il sçavoict bien le temps auquel s'en feroit la pugnision^ et par ce aussy qu'en mesme assemblée le feu seigneur promict aux mutins et sédicieux de mettre hors de la ville vos officiers de la Gabelle qui s'y estoient retirés, et que sous umbre de telles promesses, aulcungs larrons et sédicieux auroient le mesme jour, de leur authorité privée, prins et constitués prisonniers certains officiers de vostre Gabelle, et menés audit feu seigneur de Moneins, requérir puguition estre faicte de vos officiers ; sur ce, feust remonstré audit feu seigneur, par les administrateurs de vostre ville , qu'il failloict sur le champ faire

I)endre telz mutins et sédictieux qui usent de telle voie de faict ; à quoi edict feu fict response pareilhe que dessus, disant qu'il les failhoict traiter doucement; ce néaulmoingtz le lendemain les administrateurs mirent hors de jprison vos officiers de la Gabelle, où y avoient esté conduictz du consentement dudict feu seigneur de Moneins, et davantaige, mandarent venir les mutins et sédicieux qui avoient faict les emprisonnementz ezquelz,' après leur avoir faict plusieurs remontrances , leur firent inhibition et défence, à peyne d'estre pendus et estranglés, de désormais n'uzer de telles voyes de faict; et mesme jour feust arresté que toutes les nuictz deux des juratz yront en armes, et feront guet Tung avant la minuict et l'autre après minuict, ce qui a esté faict les nuictz du samedy , dimanche et lundy ; et par ce aulcuns de ces mutins, larrons et sédicieux s'efforçarent le diman-

che au soir saccager la maison de rune de vos officiers, fenrent fepoussés par le guet, et plusieurs griefvement blessés, et par ung chescung desdictz jours les juratset administrateurs se retirèrent par devers ledict seigneur de Moneins, pour entendre de luy ce qu'il luy plairoict leur commander; lequel ne leur commanda jamais aulcune chose qu ilz n'ayent faicte et accomplie, vous suppliant très-humblement considérer si telles remonstrances faictes au peuple, advis bailhé audict feu seigneur de Moneins vostre lieutenant, ordonnances faictes en leur conclave ont aulcune scintille, tant petite soit-elle^ d'infidélité et de subjectz rebelles : le mardi matin estant ledict feu seigneur de Moneins retiré en l'ung de vos chasteaux, ayant envoyé quérir sur les six heures du matin lecappitaineduguet avec sa compagnie, le prévost de la ville avec sa gendarmerie , et estant tous dans les chasteaux , entra en la ville le seigneur de Moneins, lequel, accompaigné de neuf ou dix personnes armées, les tous d'armes descouvertes, ayant l'arquabut sur la cuisse et le feu dessus, les ungs et les autres l'arbaleste bandée, en passant par les rhues plus apparentes de la ville, les mutins^ larrons et sédicieux estimantz l'occasion leur estre présentée pour faire eslever le peuple, criarent publicquement par toute la ville estre trahis, et de faict s'en coureurent en la maison de la ville, forçarent les portes, levarent les claveures, sonnarent la cloche et tocquessaing, et lors les administrateurs, juratz estoient entrés en vostre court, et remonstrarent la diligence et guet qu'ilz avoient faict la nuict précédente, et en faisant les remonstrances survindrent aulcu ns bourgeois advertir la Court que le peuple se mutinoict de l'entrée de M. de Monlau et de sa compagnie ; pour à ce obvier, la Court envoya par devers ledict sieur de Moneins, Tung des présidentz et aulcungs des conseillers , ensemble partie des juratz, pour lui faire entendre la cause de la commoction du peuple, afin qu'il luy plust faire sortir ledict sieur de Monlau et la compagnie aussy, pour appaiser par douceur le peuple, et l'autre partie des juratz demeura en ladicte Cour, pour mettre fin ez propos et délibérations encommencées, sur quoy et bientost après et estant sur mesmes délibérations, furent advertis que l'on forçoict la maison de la ville, et que Ton alloict faire le tocquessaing, et presqu'aussitost que l'advertissement leur feust faict, entendirent le son du tocquessaing; vous supplions très-humblement. Sire, en cet endroict, avoir esgard à la fureur et frenaisie du Euple esmeu et eslevé au son du tocquessaing; les ungs, comme estoient \ autheurs mutins et sédicieux prenant les armes, pour soubz le préteste de ce qu'ilz disoient estre thrays, saccager les Donnes maisons de vostreville, et s'enrichir tout en ung coup au doumaige des riches, comme se jactoient; les autres, intimidés et forcés par les mutins et sédicieux, pour saulver leurs personnes et vies , ont accompaigné en armes les mutins, aulcuns par erreur et la pluspart par leyiereté : et pour le regard de vos administrateurs, oultre ce qu'ilz ont esté forcés et constitués en TOME if. 42

grande crainte, s'y «ont trouvés, estimantz que leurs personnes , et le Magistrat et dignité qui reluysoient en leurs personnes, deubt appaiser telle sédiction et estimation du peuple; mais nul, Sire, n'y alla ô intention de complaire à vos ennemis, ou d'avoir autre seigneur que vous, vous supplions très-humblement croire qu'il ne se trouvera, à peine de leurs vies, aulcune délibération précédente faicte par eulx , soit pour le regard de Teslevation du peuple, ou d'y assister en armes, les bons bourgeois et bons serviteurs coureurent ez portes pour les fermer, et empêcher les mutins et sédicieux forceanfz les portes et gardes d'icelles, au moyen de quoi entra si grand nombre d'estrangiers, qu'en moings d'une heure y eust de vingt-cinq à trente mil hommes en armes ; quoy qu'il en soict la meslée estoict si grande, qu'il n'estoict possible séparer vos bons bourgeois et serviteurs d'avecq les mutins et sédicieux et estrangiei^ entrés au son delà cloche : pour les appaiser. Sire, le feu monseigneur de Moneins sortict du Chasteau-Trompectte, parce qu'ils promirent eux retirer, et oultre ce promirent la foy ae ne l'outrager, mais luy prester toute obéissance, et aller loger à la meyrerie de la ville, comme ils deman-' doient, où estans aulcuns mutins et sédicieux Tallarent soumer de rendre les clefzde vos chasteaux, de quoy advertis aulcuns des administrateurs de vostre ville, pour appaiser le peuple et sauver vostre lieutenant, allarent vers la meyrerie en la compagnie d'ung de vos présidentz et aulcuns des conseilhers de vostre court, et l'encontrarent en chemin le feu seigneur de Moneins qui estoict suyvi de 5 qu 6 mil hommes, et approchés de lui incontinent feurent essaillis tant le seigneur de Moneins, présidentz, conseilhers que administrateurs de vostre ville et les.picques baissées, et à Tung des juratz fut passé ung coup de picque et à haulte voix criarent Tassault contre les juratz, lesquels, après avoir soubstenu l'assault pour quelque temps , voyant ne pouvoir résister à la grande fureur et multitude ae gens pour saulver leurs vies et leurs personnes feurent constraintz eux jecter dans les prochaines maisons ; en ceste fureur le feu sieur de Moneins est prodictoirement meurtri, ensemble le feu sieur de Monlau qui Taccompagnoict. Vous supplions, Sire, considérer que les administrateurs ne sont autheurs , faulteurs ne consentans au meurtre de vostre feu lieutenant ne ez excès commis en ceste élévation du peuple, vu que contre eux l'assault a été bailhé, comme contre le feu seigneur de Moneins, les piques baissées contre eulx et aulcuns frappés, battus et endommagés. Le soir advenu, les administrateurs assemblarent deux cens personnes et les religieux des Carmes pour enlever le corps du feu seigneur de Moneins; mais fust repoussé ensemble sa compagnie, tellement qu'ilz furent constraintz eux retirer et les paovres administrateurs de vostre ville et autres gens de bien ne trouvarent moyen pour eulx saulver , sinon eux cachant ez maisons les plus secrètes que leur estoict possible trouver. I^ lendemain au matin , voyant que grand partie du peuple estranger estoict sorti hors de la ville chargés de saccage-

metitz faictz en îcelle la nuit et le jour précèdent, que aultre partie de ce peuple eslevé estoient les ungs lassés et rompeus de la peine et travailh

Krins ez saccagementz , les aultres de gormandise assoupis et ennivrés, ïs administrateurs de la ville avecques les bons bourgeois et citoyens se mirent en armes sur les huict et neuf heures, firent cesser le tocquessain et mirent garde à la cloche et maison de la ville et à force d*armes constrainsirent le peuple eslevé eux retirer, les aulcuns des administrateurs, des le point du jour fermarent les portes de la ville, mirent grandes et assurées gardes et empêchèrent que cinq mil hommes ou plus qui estoient hors la ville du cousté de la rivière n'entrassent , et de tout ce jour les portes ne furent ouvertesafin que ceste compagnie n'entract, et le mesme jour feurent les estrangiers mis hors de la dicte ville : le lendemain Tartilherie et aultres armes de la ville serrées, et tousjours depuis par Tespace de quinze jours ou trois sepmaines a convenu aux administrateurs de la ville et bons bourgeois d'icelle avojr les armes au poing et sur le dos nuict et jour, tellement que toutes choses ont esté remises en tranquillité et pacification, et Tauthorité, Sire, vous en est demeurée : et pour Tadvenir empêcher telles eslevations voyant Teminent perilh et danger auquel la ville avoictesté constituée, parce qu'ils n'estoient accoutumés à si grand labeur de porter les armes nuict et jour, feust constitué soulde à deux cens hommes de guerre pour estre en armes par la ville la nui<;t et jour et à la garde de la m^son de la ville et cloche, désirant vous faire entendre que leurs personnes et biens estoient pour voStre service ; et bientost après la justice faicte des mutins et sédicieux. , et depuis et après la tunuilte cessé, ont esté les armes au petit peuple mutins et sédicieux ezquels plustost eussent fourni d'armes que de les leur oster quand les administrateurs et bons bourgeois de la ville eussent esté infidèles ou avecques les mutins tlz eussent eu intelligence et n'y a homme de bon jugement qui pensât le contraire: davantaige les mutins et sédicieux feurent constitués prisonniers dans huict jours, après pugnisde mortz cruelles et exemplaires; et encore pour savoir la source et commencement de ceste eslevation , à tous feust bailhé vigoureuse géhennes -et mesmes feurent interrogés sy contre vous. Sire, y avoit heu aulcune conspiration, mais ne s'en est trouvé aulcune, et par la géhenne qui a esté bailhée par les commissaires députés à la venue de monsieur le connestable n*a esté trouvé aulcune chose d'avantaige que auparavant n'eust esté descouverte par la géhenne bailhée par fes administrateurs de vostre ville et en exécutant les condempnes par les administrateurs ont demandé pardon k vous. Sire, ce que n'eussent faict faire à gens infidèles; oultre plus vostre comptable en vostre nom faict la recepte le lendemain des tumultes la chancelerie .ouverte le premier jour ae droit après en vostre nom , la cour sceut le lundy après, et s'y plustot ne feust, la cause estoit que vos conseilhers estoient occupés à pourvoir que telle sédition ne feust reyterée et pour empêcher qu'autcune chose ne feust entreprînse conti^ vostrç authorité;

feust arresté que durant ce tumulte aux délibérations assisteroient sept gens de vostre court comme ils ont faict, lesquelz actes nepourroient juger estre de subjectz inBdeles et qui eussent machiné aulcune chose sinistre, contre leur roi et prince; finalement que lesdictz habitans cogneurent assurance de la tranquillité et pacification de la ville envojarent par devers vous, Sire, pour vous faire entendre le tout, aussi le firent entendre incontinent à monsieur le comte du Lude qui estoict par vostre commandement en Xaintonge et envoyarent exprès jusques à monsieur le connestable à Narbonne et depuis à Toulouse aulcuns des jurats et bourgeois et la court six des conseilhers d'icelle , et à monsieur d'Aumalle jusques à Poitiers et auparavant aulx seigneur de Burie et du Lude , et lorsqu'il n'estoict mention que ledit seigneur connestable vint en ceste ville aussy faict bien à considérer que ceux qui sont venus en la ville et chasteaux pour et au nom de vous, Sire, diront jamais n'avoir trouvé aulcune résistance, comme y sont venus par plusieurs fois les seigneurs de Chanteloube, de Sainlaur et de la Deveze et après eux le seigneur de Candale et monsieur le connestable, esquelz comme estans envoyés de par vous a esté preste telle obéissance comme on eust faict à vous, Sire, et accompli entièrement leurs commandemens voire à rendre toutes les armes jusques aux cousteaux, en tel nombre que s'ilz eussent voulu estre meschans, avoient des armes pour armer du moins cinquante mil hommes, lesquelles ilz ont rendues ; pour vous le rendre plus clair. Sire, et que ez habitans de Bordeaux n*y a heu aulcune infidélité, vous supplions trèshumblement , Sire , considérer que leurs ancestres et prédécesseurs ont tiré des mains de vos anciens ennemis les Anglois vostre ville de Bourdeairx et icelle rendue en vostre obéissance en laquelle ont toujours continué et ouis la réduction dernière de Guienne vous ont tellement esté fidèles que >our guerre qui soict survenue, n'a esté requis envoyer gendarmerie en ce )ais,mais aesté tousjours fidèlement gardéet soineusement défendu parles labitans, et est notoire quel'an milcinqcentvingt-cinqqu'ilyavoit beaucoup d'affaires au royaume, dressèrent un équipagesur mer qu'ilz envoyarent pour empêcher l'entrée de la.riviere, chasser et repousser les gallions des ennemis qui y estoient entrés et tousjours aidé etsecoureu de ville de Bayonne de gens et artillerie et autres munitions de guerre et d'argent tellement que presque communément ont frayé pour chescune année dix ou vingt mil livres pour la défense et garde de Bayonne et s'il est ainsi qu'en temps de guerre et des adversités ilz ayent esté fidèles subjectz , n'est vraisemblable qu'en temps de paix ilz ayent commencé a estre intldeles et desloyaux; ce temps doncques. Sire,, la vie précédente des habitans de vostre ville, le lieu et qualité de ceux qui se sont eslevés, manifestent assés qu'il n'y a infidélité en vos habitans de Bourdeaux et que ce, n'a esté seulement que une eslevation et soudaineté de peuple : vous supplions très-humblement croire qu'ils aimeroient mieux avoir perdeu leurs vies que Dieu nous avoict tant délaissés que d'esire tumbés en une

sigrandefaulteeleiTeur,mesmequ'estantinfidelesàvousàquinousclebvons tous service et obéissance, serions par mesme loy et raison infidèles à Dieu, car vostre dignité royale cooimes tous aultres puissances sont de Dieu et qui y résiste est jugé résister à la volonté de Dieu, qu'est autant desplaisant à un bon chrestien que inconvénient qui luipourroit advenir; et s'y nostre religion le pernn.ettoict, nous désirerions mieux que nous fissiez oster les vies que si le titre tant infâme et macule d'infidélité demeuroict sur vos paovres habitans en vostre ville de Bourdeaux et ce eust esté, Sire, plus faict pour vostre service, bien et profict de vostre royaume de déclairer que en celte eslevation n'y avoict heu aulcune infidélité en vos subjectz, que les en trouver coupables tant par vostre loy et bruict d'avoir des subjectz fidèles qui par vous sont tellement régis et gouvernés qu'ilz n'ont occasion de mescontentement, comme aussi à la vérité ilz n'ont que pour le profict de vostre royaume ; car en trouvant vos subjecta; infidèles, c'est bailher occasion à vos ennemis d'entreprendre d'ouvrir la porte pour séduire et suborner vos fidèles subjectz^ et de vous assailhir de ce cousté, sans laquelle occasion cesseront semblables entreprises combien que nos affections, Sire, soient tellement plantées et enracinées en la maison de France, qu'il seroict impossible de les aliéner, davantaige qu'ils vous plaise considérer que demeurant ce titre d'infidélité sur vostre ville, ne se trouvera aulcun ayant son honneur en recommandation qui ay t volonté de résider en vostre ville, de crainte de ce reproche d'infidélité auquel non-seulement seront notés ceux qui sont présent, mais toute leur postérité, et c'est le moyen de destituer vostre ville de gentzdebien, d'honneur et de bon cœur, desquelz estant délaissée et habitée pargentzqui n'ont leur honneur en recommandation, quelle confiance, Sire, pourrez-vous avoir d'eux et quel espoir et repos? Nous vous supplions, Sire, très-humblement qu'il vous plaise par vostre grande miséricord.e et clémence pardonner les offenses contre vous commises et avoir pitié de vostre paouvre peuple, à quoi vous doict mouvoir le danger auquel se sont exposés vospaouvressujetz pour conserver et retenir en vostre obéissance vostre Guienne les biens qu'ilz ont despendeus pour vous faire service et qu'il y a six mois entiers que le commerce et trafique a cessé. Ne vous doict. Sire, commouvoir que les in nocentz soient pugnis pour les meschantz et sédicieux, en quoy vous peuvent avoir offensé les malades, les absentz et mesmes ceux qui estoient lors à vostre service, le clergé, suppotz de l'université, femmes et petits enfants lesquelz sont déclairés infidèles comme les sédicieux. Ne vous incitera à pitié vostre ville, ci-devant tant florissante, laquelle à présent a perdu tous les ornementz et dignités de ville, ne retenant plus que la forme et figurç représentées par les seules murailhes; car est privée d'une court de parlement, à la suite de laquelle vivoient dix mille hommes qui seront constraintz d'abandonner la ville et morir. de faim, n'est-ce chose si lamentable , que au lieu d'ung parlement succède un prévost des maréchaux^

Ton liiy a osté l'université et faculté des sciences en laquelle Von apprettnoit d'obéir à Dieu et à vous, Sire, et privés des armes desquelles ils ont défendeu vostre ville et pays, privés des cloches instituées pour le service de Dieu et cérémonies de l'église , au son desquelles le peuple s'assembloit pour prier Dieu, entendre sa parole et apprendre ses conimandementz et oultre toutes les orologes pour percire toute raison et loy de vivre, privés du revenu de la justice, police et de ses tant beaux privilè-

!*es dont avoient estes doués pour l'entretenement d'icelle par le coutract aict entre le roi Charles VII et les trois estatz des habitans dudit pays. Vous supplions très-humblement avoiresffardàceque estde vostre loy, bruict et gloire. Dieu ne vous a donné chose plus grande que de pouvoir, et de vostre nature n'avez chose meilheure que de vouloir et faire miséricorde a plusieurs et n'avés chose dont vous approchés plus de Dieu que la miséricorde, et vous fera plus grande gloire de pardonner à ceux qui vous ont offensé que d'avoir d'eux victoires, ce vous est plus grand profict envers les estrangers et vos ennemis d'avoir la réputation d estre miséricordieux que de rapporter le titre de sévérité, oultre ce Dieu vous le commande envers vos sujectz, qu'il vous plaise mettre devant les yeux le titre de clémence que rapporta le feu roy vostre père, duquel, après son décès, a esté exalté , non-seulement en son royaume , mais ez pays estrangers ; qu'il vous souvienne de la miséricorde et clémence de laquelle il usa en^ei^s les habitans de La Rochelle et ceux des isles des Marois. Je ne vous alléguerai, Scipion, Scilla ne Jules César qui, de ce titre ont esté décorés; mais supplions très humblement, que tout ainsi que vous avés succédé au feu foy vostre père, au plus excellent royaume du monde, aue nous faictes entendre que aussi vous estes successeur desa clémence et bonté et qu'avés oublié les offenses que contre vous ont esté commises par aulcuns mutins et que n'avés délibéré les traicter comme ennemis et infidèles, maiscotîime vos très-humbles et fidèles subjectz, et d'eux vous avez. Sire, pitié, comme nous présentons, non-seulement leurs biens, mais leurs cœurs qui vivront et mourront pour vostre service et sous vostre obéissance,et prieront Dieu à jamais pour vostre prospérité. Archives de VHôteUde-Villé.

N0TEXI,;?û^e118.

Ex-rtlArr des AEGISTRES du PAftLÈ^lENt Dtî TOtïLÔUSE.

Entre le procureur-général du Roi, demandeur en cas d'eitcès et crime de leze-majesté, d'une part, et maître Geoffroy de la Chassaigne, président en la cour de parlement de Bordeaux, prisonnier en son logis, défendeur, d'autre ; et entre dame Françoise de Lomagne, veuve de feu Tristan de Moneins, chevalier, lieutenant de roi en Guienne, en l'absence du roi de Navarre; et Catherine de Moneins, damoiselle, fille et héritière ^dit feu dé Mofieins , demanderesse en cas d'excès , pour raison du

meurtre commis en la personne dudit feu de Moneins, ledit procureur-

S général joint à elle, d'une part ; et ledit de la Chassaigne^ président, déendeur, d'autre : Vu le procès fait par les juges-commissaires députés pa^r le roi, sur le fait des émotions advenues en la ville de Bordeaux, envoyées en la cour, audition et réponses d'icelui de la Chassaigne faites pardevant les commissaires par la cour députés récolement et confrontation de témoins, inquisition d'office faite par ordonnance de la cour, tant sur les faits des reproches et salvations des témoins respectivement baillés, que sur les faits justificatifs extrait du procès, conclusions et réquisitions dudit procureur-général du roi^ autres productions et procédures faites en la matière ; dit a été, que la cour a déclaré et déclare Jehan de la Chassaigne n'être atteint et convaincu d'avoir consensti ou adhéré aux émotions, séditions et violences faites et commises par le commun populaire en ladite ville de Bordeaux, ne aux forces, oppressions et meurtres commis, tant en la personne dudit feu seigneur de Moneins, que autre; et outre, a déclaré et déclare les actes par icelui de la Chassaigne faits et attentâtes, en acceptant charge dudit commun populaire pour aller au château du Hà, dire et remontrer audit feu de Moneins qu'il sortit dudit château, et aussi en prêtant serment, sur les saints évangiles, d'être bon et fidèle audit commun populaire, et leur accordant d'être leur capitaine et conducteur^ et en portant armes avoir été faits par telles et si venémentes menaces et impressions que par droit et justice , joints les précédens et subséquents actes par lui faits, au contraire le doivent justement excuser et décharger, l'excusant et déchargeant du crime de leze-majesté et de toute conspiration, machination et frauduleuse faction et n'y avoir contre icelui delà Chassaigne cause ou circonstance particulières, gardant et empêchant que la grâce et remission, par le roi octroyée au corps de la cour de parlement de Bordeaux, ne soit, par la clémence et humanité dudit seigneur, distribuée et impartie audit de la Chassaigne; et tant que, comme lesdits de Lomagne et de* Moneins, demanderesses et ledit cle la Cliassaigne, a cour, sans avoir égard à certaines requêtes par lesdites demanderesses dernièrement baillées, a mis et met lesaites parties hors de procès, et sans dépens. Prononcé à Toulouse, en parlement, le dix-neuvieme jour de décembre, l'an 1550. Ainsi signé, DuTournuer. • Registre ilu parlement de Bordeaux.

NOTE XII, page 123.