LU

1248. 14 mai.

Sentence arbitrale de Pierre, prévôt du chapitre, et de Gilles de Sainte-Aldegonde, bourgeois de la ville, réglant la fermeture du cloître, les conditions de possession de certaines maisons canoniales, rechange fait entre le chapitre et Foulques de Sainte-Aldegonde et la juridiction de Lannoy,

Sachent tout cil ki cest escrit verront ke io, Pieres, provosde Saint-Omer et io, Giles de Sainte Aldegonde, borgois de SaintOmer de la mise faite entre les canonres de Teglise de Saint-Omer d'une part et les borgois de Saint-Omer d'autre part, ke nos avons sor nos, nos acordons et disons notre dit en tel forme :

Nos disons ke, sauve le droiture le comte, en le rue ki cosamenche à le porte le provost et en le rue ki est devant le maison maistre Âubert, ke li atries soit enclos en tel manière ke om fera une porte au bout de le maison signor Gérard de Niepeglise ki venra au mur le prevost et l'autre porte sera au debout daerain le maison maistre Aubert, vers Saint-Bertin et venra dusk'au mur de le maison maistre Robert d'Argentoel et de celé porte dusk'au debout des maisons ke l'ighlise a par change de Fouke de Sainte- Aldegonde doivent estre enclos, or totes les autres portes de l'airie doivent estre el meisme lieu u eles sunt ore et totes ces portes doivent être closes par nuit et overtes par jor, sauf cho ke on les doit ovrir a cheus ki voiront aler à matines ausi com samblera bon au provost et au chapitle.

De le maison signor Lambert de Cassel, nos acordons et disons k'ele soit canoniaus, sauf le cens de im sol vi d. k'ele doit à mon signor Oston de Horinghem ; de le maison maistre Aubert et de le grange signor Gérard de Niepeglise, disons k'eles soient canoniaus. Totes les auti*es maisons ki ont esté aquises à l'ighlise puis le tans le bon roi Loeys, le père à monsignor le comte d'Ar-

tois ki ore est, doivent estre vendues à Tesgart et à la demande de preudomes; et dusk'adonc k*ensi soient vendues i prendra riglise le cens.

Les plaisons signeur Gerart de Niepeglise, maistre Hellin et maistre Robert d'Argentoel doivent si estre closes k'eles n'aient nule issue par derrière vers Saint-Bertin, sike li porte ke ma jstre Rohers d'Argentuel a vers le ruele doit ^tre close.

Del cange des maisons Fouke de Sainte Audegong, au garding, nous acordons et disons en tel manière ke Foukes doit avoir le gardin auvet totes les apartenances et auvet tote le droiture ke li capitles i avoet et si doit avoir le masure u li marchans maint, en tel point comme le chapitre Tavoit et li marchans la doit tenir de sire Fouque en autreteÛ point comme il la tenoit de chapitre et le jardin avec toutes les appartenances ; et celle masure devant dite doit sire Fouque tenir en fief du conte avec ses autres fiés en tele manière comme il tenoit les très meisons devant le pont le chastelain qui a donné au chapitre en change. Et ces trois mesons avec les celiers doit l'iglise tenir et avoir perpetuelment et franchement et doivent estre canoniaux et tele droiture i doit avoir riglise come sire Fouques y avoit, c'est assavoir cambage, forage, et droiture le conte. Et se y avenist que le chapitre louast ces mesons à laie gent, il seroient de la juridition de la ville et se on vendit vin es celiers on le devroit vendre au fuer de la ville.

Des Ausnoiz, nous acordons et disons que li quens il doit avoir la haute justice et se aucun de Lannoi est portrais en la haie de haute justice u de lx libr., li baillieus le puet pendeir par le auctorité. Et li chapitre doit avoir en Lannoi le conté et quanques affiert au conté et si doit avoir le chapitre eschevins qui doivent et puent jugier selonc ce que autres eschevins jugent qui sont dedens la banlieue dusques lx s. et de toutes les choses que autre eschevin de conté dedens la banlieue jugent. Et se li bouijois de Lannoi fussent taillié et fussent arrierré de leur taille, li eschevin de leur propre auctorité pour teles tailles puent pandeir. En tous autres cas, ne de deites ne de dol, ne eschevins ne nuz autres n'i puet pandeir sans le message du chapitre. Si, nous acordons et disons que des masures et de choses qui affiert à masure et le maresc que bourjois ont au temps d'ore en Lannoi, que li uns bourjois le puent vendre à l'autre, meis dès ce jour en avant ne pourra bourjois entrer ne acheter ne masure ne chose qui affiert à masure ne maresc en Lannoi sans le congié du chapitre, fors ce que bourjois i tiennent ore.

Et parce que mention n'est faite de la petite maisons surs

l'aitre qui fu sire Fouque, nous entendons et disons que elle est déchargé avec les in masons devant le pont le cbastelain.

Toutes ces choses devant dites disons nous par notre dit connue miseur et par sentence d'arbitre et disons et enjoingnons aus devant dictes parties qu'ainsi les tiengnent, sur la poinne qui noumée est en la mise.

Ce fut fait et dit l'an de l'Incarnation mccxlviu, le juedi devant l'ascension .

(Dans une confirmation d'août 1248. Arch. du chap. de Saini-Omer, II G, 605. — Copie du xv* s. Arch. du chapitre carL, II G, 54, fol. 41 v». — Gop. du XIII* s. Arch. municip. cari. A6 XVIII, 15, fol. 26.)