Et ke nus estranges hom venge vin à broke, sour Ix lib
24. Et s'aucuns bourgois vendist vin d'estrange homme ou le fesist vendre, il serait à Ix s. et perdroit son mestier an et jour.
25. Et ke nus ait raspei en taverne où on vent vin à broke plus longhement ke l'issue d'avril ; et s'on le trovast on Teffonderroit et li taverniers seroit à Ix s.
26. Et ke nus n'acache vin sour l'estaple puis ke Ifsolaus est couchiés ne devant chou que li solaus est leveis ne fâche tonel aforer, sor Ix s. Et s'aucuns Taforast, il seroit à Ix s.
27. Et que nus ne prenge part de vin sour l'estaple s'il n'est à son oes propre ne demande part s'il ne soit là le paumée soit férue ou le denier dieu donei, sor Ix s.
28. Et ke nus n'acache vin sor l'estaple s'il nel met anchois el chelier k'il le venge avant, sor Ix s.
29. Ne à oes estrange homme ne puest nus geteir ne prendre waigne s'il nel met anchois el chelier, sor Ix s.
30. Et s'aucuns vallés i getast ou ses sires fust presens, il seroit à Ix s. se li vallés n'a se karitei et si doit estre de sen cateil propre.
31 . Li taverniers doit doner del meisme vin k'il fait crier et s'il donast autre il seroit à Ix s. et si ne porroit vendre vin à broke dedens un an et un jour.
32. Et autreteil fourfait seroit chil ki osteroit le bare del tonel d'Âuchoirre et le mesist à thonel de Soisons, ou del thonel de Soisons et le mesist el tonel d'Auchoirre ou vin de trille avoec vin d'Auchoirre ou de Soisons; ou ki mesist vin de trille ou d'autre teroir en toneaus d'Orliens et le vendist por vin d'Orliens, il seroit à Ix s.
33. Et que nus taverniers laise jueir en se taverne par jour ne par nuit, sor Ix s.
34. Et se chil ki i juast perdist ses dras, li ostes li devroit rendre pour nient.
35. Et ke nus boive en taverne puis ke li cloke de pais soit sonée s'il n'est ostes, sour x s. et li taverniers seroit à Ix s.
36. Et ke nus crieres de vin crie vin d'autre teroir k'il est, sor Ix s.; mais s'il peust monstrer par bones gens ke li taverniers li flst crieir de chel teroir et il fust d'autre, li taverniers le devroit aquiteir de ces Ix s. et si ne porroit vendre vin à broke dedens un an et un jour.
37. Nus hom mèche vin rinois à broke devant chou k'il ait venu devant eskevins et ait jurei ke ausi pur que il est venus dedens le vile, ausi pur le vendra et s'il le mellast d'autre vin, il seroit à Ix s. et si ne porroit vendre vin à broke dedens an et jour et si perdroit le vin mellei.
Des abrokieres de vin.
38. Nus abrokieres de vin prenge plus du tonel ke xij d. sor Testaple et dedess le chelier, xij d. , sor Ix s. et perdre son mestier an et jour; et ki plus en donroit, il seroit à Ix s.
39. Et ke nus ne voise avoec marchant de vin ne en maison ne en chelier pour vin aidier à achateir s* il n'i est apeleis et nient plus ke un seul ensamble, sor Ix s. et de perdre son mestier an et jour.
40. Et ke nus boive à charete vin plus ke doi ensamble si ke li uns boive et li autres Tafore, sor Ix s. et le mestier perdu an et jour.
41 . Et que nus n*afore tonel devant chou k*il est venus sor l'estaple sor le meisme forfait.
42. Et ke nus couretiers ne marchans ne voise hors de le vile pour vin achateir, se che ne soit en vile de lo7> sour le meisme fourfait.
43. Et ke nus marchans ne brokieres voise par nuit sour l'estaple pour vin achateir ou pour monstreir ou pour vendre ; et s'il le fesisent li marchans et li brokieres chascun seroit à Ix s. et perderoient leur mestier an et jour.
44. Et ke nus marchans ait compaignie avoec abrokeur, sor Ix s. et li brokieres seroit à Ix s. et perdroit son mestier an et jour.
45. Et ke nus courretiers ne se melle d'autre courreterie fors de chele où il est mis par eskevins, sour Ix s. et de perdre son mestier an et jour.
46. Et ke nus cuveliers mèche bare de tonel d'Auchoirre ou de Soisons au tonel de trille, sor Ix s.
Des Machecliers.
47. Nus bourgois ne venge char de truie ne soursamée ne pourrie, sour deus fies iij lib. et la char à perdre.
48. Et ki venderoit la crasse char brokie sour le maigre, il seroit à vj s. et la char perdue.
49. Et ke nus ne ti^ne fi*esche char à vendre en estei à vente plus que deus jours, sour vj s. et la char perdue.
50. Et ke nus ait garchon soar beste k'il veut achateir, sour
iij lib. et de perdre son mestier an et jour. Et li garchons s*il fust prins seroit mis el pelloriii.
51. Et ke nus garchons bargaigne meismes beste s*il nel veut achateir de ses deniers, sour le pellorin.
52. Et ke nus ait en son estai fosse ne eiawe ne chelier, sour le char à perdre ki ens i fust et Ix s.
53. Et ke nus venge char d'entour le Paske duskes & le saint Mikiel, sor Ix s.
54. Et li machediers doit paier et faire paiement dedens le jour de le beste k'il acate cel jour dedens le markié, sour ix s.
55. Et tout chil ki vendent pors doivent doner j denier à chaus ki assis i sont par eskevins pour rewarder s*il est sains ou n'est.
56. Et s'aucuns autres Tesgardast et tolist à cbaus ki assis i sont leur droiture, il seroit à Ix s. ne el markié ne en autre lieu dedens le vile.
57. Et ke nus estranges hom venge char de truie ne soursamée ne pourrie sour Ix s. et le char à perdre et estre mis el pellorin.
58. Et ke nus machecliers ne autres pour lui venge pisson ne pourpois à détail, sor Ix s. et le mestier de machederie à perdre.
Des Pouietiers.
59. Nus pouletiers puet achateir à nul jour en le semaine poulet ne awe n'oisel ne conin ne lièvre ne autre volilge beste, fors sour le jour de samedi dedens le vile ne dedens le banliewe auai, sor Ix s. et le volilge et le beste à perdre.
60. Et ke nus venge oisel privei pour sauvage, sourlemeisme forfait.
61. Et ke nus ne venge oisel ne beste pourrie, sour le pellorin et sor Ix s. et son mestier perdu an et jour.
Des Pissoniers.
62. Nus pissoniers n*amaine plais en corbeille de le saint Rémi duskes & le Paske, sor vj s. et le plais et le corbeille à perdre.
63. Nus ne venge pisson de le meir en tailliers ne en escueles, sor vj s. et le pisson à perdre.
64. Nus n'acache pisson fors en Tewe del kay puis ke il est venus dedens le banliewe, sor xl s.
