Et ke nus lormiers oevre par nuit, sor Ix s

214. Et ke nus ki keust de laine oevre plus de verdecloke, de le saint Mikiel duskes au bouhourdich, sor Ix s.

215. Et ke nus ne venge en une taverne ensamble soit blanc vin soit vermeil k'à un fuer, tout le blanc à j fuer et le vermeil à j fuer, sor Ix s.

216. Et ke nus estranges Iiom ne preste à usure dedens le vile, sor Ixlib.

217. Et ke nus dépêche mur ne soif sor le fortreche de le vile, sor Ix lib.

218. Et ke nus merchiers mete ne tiengne estai hors de le haie sor le samedi ne sor le merkedi, sor vj s.

219. Et ke nus venge cuir de beste devant le maison Jehan de Bodinghem, mais devant l'entreie des estaus de machecliers vers le west, sor vj s.

220. Commandei est k'on venge les poules entre le haie et le Vakestratekin deleis les escueles, sor vj s.

221 . Et ke nus n'esparde âens as chans fors chil ki mis i sont, sor vj s.; et le maisnie à chelui qui le tere est le puet espardre.

222. Et hom ki est fuitis et emporte autrui avoir on le doit commander k'il viegne ens dedens xv jours, sor Ix s. et puis dedens autres xv jours , sor Ix lib . et le tierch quinzaine , sor le ha rt ; et se tout chou trepasoit, il ne porroit jamais estre borgois.

223. Nus n'entre en neif là il a herenc, por conteir, s'il n*i soit apeleis del marchant qui li herens est. Et ke nus prenge de sen conteir ke i d. del millier. Et nule autre chose, ne herenc ne pisson, fors i d. del millier, sor Ix s. et ki n'auroit Ix s. on le metroit el pellorin.

224. On a commandei à osteir toutes les privées et à faire fosseis des privées près du mur de le vile ke x pies, sor Ix lib.

225. Et ke nus trait warison de karetes, sor vj s. Et ke nus ne prenge garbe de karete ne rechoive garbe ki soit prise de carete, sor Ix s. Et ke nus maint ne karit autre blei avoec dime, sor Ix s.

226. On a défendu ke nus ne voist gleneir ki puist soier en aoust, sor vj s.

227. Et ke nust voist garbant, sor Ix s. Et ke nus voise karoiant devant soleil luisant ne puis soleil coukant, sor Ix s. Et kenus done garbe, sorlx s.

228. Et ke nus ne tiegne taverne ne vende vin dehors le changle de le vile dedens le banliewe en aoust duskes à le saint Mikiel, sor Ix s., fors à Tilleke sor le rue.

229. On a défendu ke nule karete voist trotant dedens le vile, sor vj s. Et ke nus rechoive en taverne garbe ne warat, sor Ix s. Et ke nus ne cache beste en tere là où on soie duske à tant ke 11 bleis soit en moie, sor Ix s. Et s*aucuns vallés ki donast as vallés des dimeurs pour emmeneir et on le peust prendre on li cauperoit l'oreille et s'on ne le peust prendre on le baniroit sor l'oreille. Et ke nus prenge garbe d'autrui moie ne d'autrui camp, sor Ix s.

230. Nus ne puet aforeir vin s'il n'a iut viij jours au mains, sor Ix s. , puist le saint Andrieu en avant. Et ke nus ne brosse ne mueve ne tourblele vin, sor Ix s., puis chel meisme jour.

231 . Nus ne tende engien pour prendre volille ne ne prenre oisel el maresc, puis ke li jours des chendres duskes à le saint Jehan, sor vj s.

232. Tout Carbon grant et menu k'on amaine à vendre soient menei sour le markié avant k'on le venge, sor vj s. et le carbon perdu.

233. Nus n'entre pour sarcleir en autrui blei sans congié, sor vj s. , à prendre les vj s. sor le sarcleur ou sor chelui ki le recheteroit.

234. Et ke les wardes des bleis aporchent les wages k'il prendent à le haie et s'on leur enforche, k'il monstrent le forche. Et ke nus ne chevauche parmi les bleis, ne pois, ne feives, ne veche, n'a vaine, ne nule warison, sor vj s.

235. Nus ne porche à gieu de roi armes ne armeure ; et ke nus ne tiegne ne prenge homme ne nului pour avoir deniers, sor Ix s.

236. Nus saiers ne drapiers n'ofire ne ne doinst à folon denrées por se déserte, sor Ix s. , ne folons à sen vallet, sor xx s .

237. Nus ne tiegne laine deslaveie à vendre defors le haie el

markié là on le doit vendre dusk*à tant ke li estai de le haie soient plain, sor vj s.

238. Nus ne porche chose de mercherie aval le markié ne en rues par jour de markié, mais voist en le haie, sor vj s. et le mercherie à perdre.

239. On doit vendre le caneve devant le maison Willame de Bouloigne, el markié deriere là on vent l'erbe, sor vj s. et le caneve à perdre.

240. Le corde de tille doit avoir xv toises, sor vj s. et le corde à perdre. Le corde de caneve, xx toises, sor le meisme forfait; et le longeur de le toise est en le haie. Le corde doit peser trois lib. , sor le meisme forfait.