Et k'on mesure toute noire saie sor le dos, sor vj s

242. Et ke nus osteliers envoie saie à le taintelerie avant ke li tonderes l'ait estrikié sor le perche, sor forfait de v s. de le pieche.

243. Et ke nus osteliers ki herberghe marchans de draperie ne markande de nule markandise ki aâere à le draperie, sor Ix s.

244. Nus marchans fâche porteir vies dras à vendre par feme ne par autrui, mais le tiegne à vendre sor sen estai, sor vj s.

245. Et ke nus marchans de vies dras ne estranges ne autres ki sofBsans soit de tenir estai ne venge fors sor sen estai, sor vj s. Et iiij hommes wardent les bonnes.

246. Et ke viel oevre de pelleterie ait descounisanche et l'enseigne contre novele, sorvj s.

247. Et viese penne de mantel soit vendue dehors la drap et enseignié, sor vj s.

248. Et ke tout drap entir soient portei en le haie le merkedi por vendre ne ailleurs le vend on et là pait on Testalage ij d. le jour li hom ki les vent et les mesure en autre heu k'en le haie, fors li mesureres de le vile, sor Ix s.

249. Nus tisserans, tondeires, folons ne autres hom de mestier fâche core ensambleie, sor Ix lib.

250. Et ke nus ait arbres à x pies près des fossées de le vile ne ne tiegne grippe ne privée à x pies près, sor Ix s.

251 . Et c'on pait as vallés folons leur louier de le semaine sus le samedi, sor xx s. proec k'il s'en plaignent dedens le tierch jour et ausi li drapier as maistres folons, sor xx s.

252. On a défendu le crochier le chouleir à croche, sor vj s.

253. Et ke nus ne taille dras à détail en le vile s'il n'a estai, sor Ix s.

254. Tout li licheur doivent prendre iiij d. du drap dehors Testuve et viij d. dedens Testuve etdel grant drap, viij d. dehors et xvj d., dedens l'estuve. Et ke li ostelier leur paient seke monoie, sor ]x s.

255. On a défendu ke nus makelare de vin voist fors de le banliewe avoec estrange homme faire markelarie, sor Ix s. et de perdre sen mestier à tousjours.

256. Et ke nus machecliers ne taille porc quant il est venu as masiaus escaudeis avant ke corier Talent rewardei, sor vj s. et le char à perdre.

257. On a défendu ke nus meseaus entre dedens les murs fors sour le nuit saint Martin et le jour del quaremel prendant et le jour de bon devenres et s'il i entrent, li waite de le vile les boutent et sakent et flerchent de hokes de fer et leur fâchent anui asseis.

258. Nus barbiers voise par le rue criant ne faisant son mestier as maisons des bones gens s'il n'i soit mandeis et s* il ne tient osteil en le vile, sor vj s.

259. Nus ne puet geteir bete ne peaus es rues ne sor les masures, sor vj s.

260. Et ke tout 11 sac et les karetes à blei soient desloié dedens prime sonant, sor vj s.

261. Et ke nus makelare voist fors de le banliewe avoec estrange marchant, sor Ix s. et le mestier perdu.

262. Et ke nus ne traie neif fors, ne fâche refaire sor le Gher dehors Malevaut, sor vj s. de tous chaus ki main i metroient.

263. Et ke nus ne mèche porc dehors Malevaut en pasture, sor vj s. et le porc à perdre.

264. Et ke nus ne mesure ne tiengne mesure se ele ne soit enseignié de le novele enseigne, sor Ix s. et le mesure à perdre.

265. Et ke nus n'ait k'une paire de mesures : i R. et i quartier et ensi des autres, sor Ix s. et les mesures à perdre.

266. Et ke nus ne fâche R. ne quartier à autre molle fors dont li molles est à le haie, d'ore en avant, sor Ix s.

267. Et ke nus tapiters n'ait k'une enseigne, sor le fll à perdre.

268. Et ke nus vendeiresde blanke saie estait devant son estai en le haie, sor x s., mais deriere soit.

269. On a fait asavoir par les églises ke nus estranges hom ki jure bourgoisie s'il devenoit malades dedens l'an et jour après chou k'il eust jurei, il ne devroit estre rechus, ne se feme à le Magdelaine, ne nul droit clamer com autres bourgois.

270. On a commandei ke tout feme et homme ki ont à partir à leur aleus, soient orfenins, soient autres, k'il aient parparti et &it la loy et le serement avant k'il se marient, kar s*il se marioient avant, li biens k'il prenderoient el novel mariage seroient partable avoec les biens primerains nient parpartis.

271 . Et ke nus houttouch de le vile sor le vies markié venge late, stakes, ne nul bos, hors de sen enclos ne en rue ne sor karete, sor Ix s. et le bos à perdre.

272. Et ke nus ne melle chire ne venge chire meUeie de harpois ne de aure maise mellure, sor Ix s. et le chire perdue.

273. Et ke nus ne die lait ne vilenie au serjant des maieurs des markans quant il va en la besoigne de le draperie, sor xx s. ki en seroit tenus.

274. Et ke nus n'ait privée sour le rivière ne sour le riie ki se puist essieweir en le rivière ne en le rue, mais toute Tait en son iretage sans essieweir en le rivière ou en le rue, sor Ix s.

275. Et ke nus ait tonel vuit en le rue par nuit estant, sor perdre les toneaus.

276. Et ke nus dras tains en le vile n'isse fors de le vile s*il n'est tondus et mis es Uches, sor Ix s.

277. Nus lichieres ne oevre par nuit, puis le verdedoke, ne devant le jour, sor vj s.

278. Et ke nus dras ne gise en maison de licheur moilliés, plus longement ke deus nuis, sor vjs.

279. Et on pait as licheurs leur loier dedens xv jors et li ostilier, seke monoie, sor Ix s.

280. On peut peskier as pukeles mais k'on ise par le haise et voist on par jour et reviegne, sor vj s.

281. Nus ne puet peskier en communes eawes, sor Ix lib. et le neif et le rois a perdre.

282. Nus ne prenge carpre meneur ke de vij paus ne tenke ne bars ke de v paus, ne beketel mains ke de viij paus, sor vjs. et le pisson et le rois perdu.

283. Et ke nus ne peske a teis rois estroit ke le gru i puise demoreir, sor auteil paine.

284. Nus ne peske par nuit à pouseir, sor Ix s. et le neif et le rois à perdre.

285. On puet fouleir drap dedens le vile fait fors de le vile k'on apele doves et covertures de xxv aunes delonc et de mains.

286. On a défendu le roteir d'estuef dedens les murs de le vile, sor vj s. {en marge, dune écriture postérieure : juer à le palme).

287. Nus ne tiegne neif à tout tourbes à vendre, fors en le plache devant Fatre Saint-Martin en Tlle ou près d*iluekes, entour le pont Tavoei et en le plache devant Lambert Mangier, sor vj s. C'est des meismes neif à tout tourbes del Moer et del maresc.

288. Et que nus broueteires ne les kerke ne karetons fors là, sor vj s.; mais ki les acate là, il les puet faire meneir vers sen osteil sans forfait.

289. Nus mèche sus mairien ne ais en le voie sour Teawe s*il ne Foste le meisme jor, sor Ix s. Et ki le veut tenir à vendre si le mèche sor le Gher s'il veut.

290. Et ke nus bourgois ne ait part de herenc ne de pisson avoec estrange homme, sor Ix s.

291 . Et ke tout chil ki metent terre en le rue de leurs che* liers ou de leur maisons, k'il l'aient ostei dedens xv jours, sor Ixs.

292. Et cheus ki bouteroient longaigne vers le rivage, il seroit à vj s. ; mais il le laisent coi en monchaus et si l'aient ostei dedens viij jours, sor vj s.

293. Et ke nus osteliers n'acache ne porparont le paage de Baupaumes à oes estranges hommes, sor le meisme forfsdt delx s. et de perdre sen mestier an et jour.

294. On a commandé ke nus houtloch ne venge blanc bos sor karete ne ne fâche vendre ne stakes ne lates, sor vj s. et le bos perdu.

Actum M ce et lxx.

Li bailleus n'a mie les commandemens chi desous escris {ricbrique en marge).

295. On a commandei ke nus machecliers ne tiegne pourchel plus de iij jors vis, sor Ix s.

296. On a fait asavoir ke tout folon ki foulent et puent ouvreir, k'il viegnent à point et à le journéie à l'oevre et au bien k'il doivent et s'on ne les trovast on porroit prendre autres vallés estranges ki souflsant sont.

297 . On a commandei ke nule karete kerkié voist trotant, sor vj s., dedens le vile.

298. On a commandei ke nus hchieres ne sarchieres ne prenge plus de loier del saie ou del drap fors ansi com il est assis, sor Ix s. et le pellorin et chil ki le donroit et chil ki le prendroit, s'il ne fust par maieurs des marchans.

299. On a commandei ke nus ne die lait ne vilenie as coriers de pain ne autres coriers, sor Ix s.

300. On a commandei ke nus ne gete sanc es rues ne es rivières dedens le chengle de le vile, sor Ix lib., mais k*il le aportent à camp et Tenfuechent.

301 . On a commandé ke nus makelare voist avoec marchant pour markandeir se li marchans ne le apele avoec li, por faire ses marchandises, sor Ix lib. et le pellorin.

302. On a commandei ke nus makelare ne prenge plus de j d. de le lib. de marcandise k*il acatera, sor Ix s. et de estre banis x ans et x jours sor le teste; et chil ki le donroit seroit à X lib. fors de vin, de chevaus et de karetes.

303. Et ke li coretier vendent les raarkandises des bones gens bien et loiauraent et s'il ne le fesissent et on le peust savoir par bone veritei, il seroit à Ix lib. et le baniroit on à tousjours sor le teste.

304. Et ke nus coretiers n'ait encovent à nului tomois por parisis ne denier por autre, sor Ix lib.

305. Et ke nus ne venge deniers en manière de marcandise s'il ne tient estavlie aperte de prester, sor Ix lib.

306. On a commandei ke nus ne tiengne cheval à loeir s'il ne vaut c s. ou k'il puist tenir et faire ses journées, sor Ix s.

Actum Lxxn.

307. On a commandei ke nus machecliers ne tue veel pour .vendre s'il ne vaut x s. de parisis, sor Ix s.

Actum anno u^ ce® et lxxii**.

308. On a commandé ke nus ne fueche tere de folons ne wasons ne tere rouge, ne sablon, ne keiseles, en l'iretage de le vile, fors al oevre de le vile, sor Ix hb., s'il n'est par eskevins.

309. Et ke nus ne les doingne ne ne venge por mener hors de le vile, sor Ix lib.

310. On a commandei ke nus n'acache ne ne venghe blei el markié sor jour de markié devant prime sonant, sor Ix s.

311. On a commandei ke nus machecliers ne venge ne acache l'un à l'autre ne vive beste ne morte ne char pour vendre avant, sor Ix s. et sen mestier à perdre an et jour.

312. On a commandei ke tout chil ki douent le denier Dieu, ke markiés soit tenus ; et se makelare le done sans sen marchant, k'il le fâche tenir, sor Ix s. et sen mestier à perdre à tousjours.

313. On a commandei ke nus ne melle vin, sor Ix lib. ki ne font que x lib. et sen mestier à perdre an et jour.

314. On a commandei ke nus ne mèche moules ne hoistes ne hanons en maisons puis k*il sont venu dedens le banliewe, sor Ix s. et ravoir perdu et k*il soient vendu le meisme jour k*on les aporte ou markié, sor le meisme forfait.

315. On a commandei ke nus ne voise encontre harenc hors de le tour por acateir, sor Ix s.

316. On a commandei et défendu ke nus n*ait chercle là on vent ki ne soit haut ke on i puisse chevauchier dessous, sor vj s.

317. On a défendu ke nus ne herlie ne ne jue à deis sor atre dedens les murs de le ville, sor Ix s.

318. Et ke nus n*ait ort esseu sor les atries, sor Ix s., dedens le vile.

319. On a défendu ke nule feme ne sieche as cans dedens le banliewe et s'ele i seoit et ele fust prise on li cauperoit Toreille.

320. Et ke nus horiers soit en le vile ki feme ait séant as camp, sor l'oreille.

321 . On a défendu ke nus visiers ne peletiers et di*apieres et autres visiers acache viserie de sen mestier s'il ne le acate el markié, sor Ix s. et le markandise à perdre.

322. On a commandei ke toutes gens de mestier et manans dedens le vile de Saint-Omeir k'il ne veste nule autre draperie fors chele ki est faite dedens le vile, sor Ixlib. ki ne font ke x lib. , duskes au rapel des eskevins.

Âctum M ce et Lxvm.

323. On a commandei ke nus ne venge saie viij jours devant feste et viij jours après feste, sor Ix lib.

324. On a commandé ke se aucuns estranges hom mesprent encontre bourgois de le vile une âe et il le amende par le loy de le vile et il jure ke il ne mesprendra jamais encontre bourgois et puis il mesprent après le serement encontre aucuns des bourgois de le vile, il est à Ix lib. et le amendera autre âe par le loy de le vile.

325. On a commandei ke nus feivres ne lormiers aient hus ne fenestre overt devers les rues par coi le lumière ne grieve as passans, sor Ix s.

326. Et ke nus feivres ne fere rouwe de caretes fors de ij marteaus,sor Ix s. et se li vallet le fesissent,li maistre paieroient leur amende.

329. On a commandei ke aus mesureires ne soit marchans de l'avoir dont il est mesureires, sor Ix s.

330. On a commandei ke nus ne porche machue ne baston desous son chaint ne desous sen tabart, covert ne muchié, sor Ix lib. ki ne font ke x lib., mais s'il le voelent porteir, portent à descovert.

331 . On a commandei ke nus ne venge cardon de folon se eles ne sont ausi bones dedens com dehors, sor vj s. et les cardons à perdre.

332. On a commandé ke nus ne fâche barbe ne ne saineche s'il ne met bachins hors et ensample et tiengne eschope si com il ja fiers, sor Ix s. Et ke nus barbiers ne prenge mains de une maille, sor Ix s.

333. On a commandei ke nus ne fournie en le vile plus grant pain ke à denier, sor yj s. et sor cheli ki le foumieroit et le vendroit.

334. On a commandei ke nus ne venge char de truie ki porte et ki peut porteir, sor Ix s. et le char perdue.

335. On a commandei ke nus boulenghiers ne brasseres ne tiengne ke un pourchel, sor vj s. et les pourchaus perdus, mais s'il en veut plus tenir, si les tiegne dedens sen pourpris et ne les laist nient aleir es rues, sor tel forfait com il est dit devant.

336. On a commandei ke nus ne amaine saie hors de le vile se ele n'est ploie en wise de saie et le vende pour saie, sor Ix s.

337. On a commandei ke nus marchans de vies dras ne porche ne fâche porteir vies dras ne par feme ne par autrui, sor vj s., mais le tiegne sor sen estai et ke nus marchans de vies dras ne estranges ne autres ki soufisant soit de tenir estai ne venge fors sour sen estai, sor vj s.; et iiij hommes doivent wardeir les bonnes.

338. On a commandei ke nus makelare ne soit sour Testaple s'il n*a son hanap et son foret, sour le makelarie de l'estaple à perdre.

339. On a commandei ke nus sures n'ait que j estai, sor vj s., et ke nus n'esta[le] hors de le haie es rues s'il i a estai voit en le haie, sor vj s.

340. On a commandé ke tout chil ki amainent le boe k'il l'enmainent si netement ke ele ne kieche es rues et k'il aient j ais deriere k'ele ne puise keir, sor vj s.

341. On a commandei ke nus ait vart open sor les fosseis de le vile plus près de vj pies, sor Ix s. ki ne font que Ix s. (sic).