Et ke nus ne brise clenke, sor Ix s

392. On a commandei ke nus ne venge goudale plus chiere ke à j d., sor Ix s. et le goudale à perdre.

393. On a commandei qae nus pissonier de meir leive pisson el markié, sor vj s., fors saumon fresc, estourjon et pourpois. Et ke nus ne mèche le entraille ne le ordure du pisson sor le cauchie, sor vj s. et le pisson perdu ; mais aient tinetes pour mètre ens le entraille et k*il puisse keir sour le cauchie. Et tantost après leur vente fâchent osteir leur bans, sor vj s.; et li waite en doivent prendre varde avoec autres.

394. On a commandei ke nus ne mèche cheval morveus en le pasture, sor Ix s.

395. On a commandei ke nus estranges ne viegne armeis dedens le vile, sour Ix lib., mais laist ses armes dehors le vile.