Le chifiVe a été plusieurs fois surchargé

char ne vendent char ailleurs ke en le haie devant le hoserie, sor Ix lib. et chil ki ne les porroient paier on les baniroit à tousjours, sour le hart.

434. Et ke chascuns macheeliers prenge warde quel estai il prenge car il leur convenra paier chascune semaine sus le dimanche leur estalage ansi ke eskevin leur ordeneront et asserront et leur convenra doneir plege de toute le aneie Et se il ne le fesisent le seurtei et tenisent estai et ne paiast sus chascun diemanche, on les baniroit an et jour sor le pellorin. Et est asavoir ke chascun estai paiera xvj d. chascune semaine vers le haie des merchiers et les autres estaus, chascuns xiiij d., et doi estai entre ij esteus.

435. Et ke nus ne venge ailleurs ses quirs frès fors devant le haie des macheeliers entre ij huis, sor Ix s.

436. On a commandei as maitres foulons ki tienent maistrie de fouleir k'il ne soient si hardi ke il mechent estraigne vallet à oevre avant chou ke li bourgois et chil ki manant sont en le vile soient à oevre, sor Ix s.

437. Et ke li maistre folon paichent as vallés folons le samedi lor loier sus en deniers ses, en le maison en l'aire, si ke (sic).

438. Et ke li drapier paichent as maistres le samedi sus en deniers ses, chou ke leur est otroié de piecha, et s*il ne le fesissent, on puet tenir le saie u le drap duskes adont k'il soient paie.

439. On a commandé ke nus ne mesure blei s'il n*est mesureires de blei jurei ne ne prenge loier, sor Ix s.

440. On a commandei ke nus voise aval le vile puis k'il a vesprist sans lumière, ne bourgois ne autres, sor Ix s. ki ne font ke XX s.

441. Et ke nus bourgois ne autres voise armeis par nuit puis k'il a vesprist, sor Ix s. ki ne font ke xx s. et les armes à perdre.

442. Et ke nus ne bourgois ne autres porche par nuit autre arme ke j baston et avoec lumière, sor Ix s. ki ne font ke

XX s.

443. On fait asavoir ke tout chil ki sont bani hors des viles, de quel vile ke che soit, bien se gardent ke se il sunt trovei en le vile et pris on leur fera teil justice ke on feroit u lieu là il sont bani, soit de oreille u oel u de teste u par aneiesun u à tout jours.

444. On a commandei ke nus ne boive en taverne puis verdecloke, sor Ix s. et ke nus ne jue as deis en taverne, sor Ix s.

445. On a commandei ke nule feine de vie ne sieche as cans, sor le oreille.

446. On a commandei ke nus n'ait esteule en maison là on fiait f\ij sor Ix s. et ke là ele est soit voidie dedens viij jours, sor Ix s.

447. Et ke chascune maison ait lumière as fenestres u al huis es rues la li berman et broueteur iront à Teawe, sor Ix s. (une main un peu postérieure a ajouté : quant il vont au fu).

448. Commandeis ke nus ne soit couretiers de monoie ne cange monoie s'il n'est à son oes propre u à oes sen signeur là il maint, sor se bourgoisie à perdre et d'estre banis hors de le vile et chou à l'entendement de tesmoignage.

449. Et ke nus meseaus ne sieche dedens le vile ne ailleurs fors as iij portes, sor leur dras à perdre ; et k'il soient féru de hokes et abandoneis à tous et leur compagnon perdroient leur argent.

450. On a défendu les queles clouseir et le herlir ne sour maisons ne es rues, sor Ix s.

451 . On a commandei ke nus loieres de dras ne de saies loie dras ne saies par nuit, sor Ix s.; et ke nus ne les £ache loier, sor Ix s.

452. On a commandei ke nus loieres de dras ne loie dras ne saies de estranges markans fors à leur osteil et là il sont à osteil, sor Ix s.

453. On a commandei ke nus ne viegne ne voise à neif ne tiegne le neif à le costiere de le Westwede et à le Westwede, sor vj s. et le neif à perdre et li herdre les puent arresteir et détenir et avoir leur verd.

454. On a commandei ke nus ne mèche ses bestes en le pasture quant eles iront fors par le vebrighe, sor Ix lib. et le beste perdue.

{A partir de l'article 455 récriture devient cursive et négligée,)

455. On a défendu ke nus barbiers ne marisaus tiegne pourchel, sor le pourchel à perdre.

456. On a défendu ke nus maroniers ne prenge plus de vin à voiture en se neif k'il puet ameneir duskes au kai et sansalegier, sor Ix s. et le neif à perdre.

457. On a commandei ke nus ne amaine tieule en le vile s*il ne sont de le muison de renseigne ki est à le haie et de l'espessure k'il ont estei lonctans a, sor Ix s.

458. On a commandei ke nus ki amaine âens hors de le vile k'il ne soit si hardi k'il Tamainent fors sor les hiretages as bourgois, sor Ix lib. s'il ne fiist ke bourgois eust achensi terres vj ans u plus ; là le porroit on mener sans fourfait.

459. On a commandei ke nus ne fâche feste de aleir à Saint- Jake ou outre meir ou en autre voage ne au revenir de nul voage, sor Ix lib. fors vj escueles pris hors de se maison.

460. On a commandei ke s*aucuns fuist banis de le vile et puis fesist vilonie ne lait ne batist ne lendengaist son averse partie et chelui encontre qui il aroit mespris ou aucun de son linnage puis le banissure, on le baniroit à tousjours hors del vile de lait fait.

461 . On a commandei ke li folon et li tondeur apparellent les dras de pers, vers, camelin et toute le draperie ausi bien en moilon et dedens com sor le liste, sour Ix s.

462. On a commandei ke tout chil ki metent brisil à ovre k'il le acatent entier, sour Ix s. et k'il le fâchent tailler à lor maisons, sour Ix s. Et s'aucuns taillieres de brisil fesist fausetei ou brisil et on le peust savoir par tesmoins à lor entendement, il seroit à Ix lib. ki ne font ke x lib. Et ke tout tailleur de brisil voisent à evre à le maison des bonnes gens et s'il le refusast il seroit à Ix lib. ki ne font ke x lib.

463. On a commandei ke nus ne vende dedens le vile forure d'agnaus se eles n'ont le grandeur del corde ki est à le haie, sour Ix s. Et ke nus ne melle les forures flamenges avokes le boukie ne d'Angiers; mais cascun tient à vendre aparans, sour Ix s. Et ke nus ne vende forure de capron d'Angeaus se par peauchaus non, sour Ix s.

464. On a commandei ke nus tanières ne fâche cauchiers, ne nus sures, corduaniers ne autres du raestier soit tanières, sour Ix s.

465. On a commandei ke nus maistres folons ne coriers ne prenge j d. del perche, sour Ix s.

466. On a commandei ke nus ne vende à détail dras par taint en filei, sour Ix s.

Che sunt li commandement au tans seigneur Jehan de Sainte Audegonde et seigneur Hue BoUard, raaieurs et eskevins et leur compaignons, en l'an m ce et iiii'^x.

467. On a commande! ke tout chil ki vendent polletrie, volilles et ki les portent à vendre, ke tous les volilles mortes, conins, livres, k'U les aportent au markié à vendre et nient ailleurs ne aient en lor maisons, sour Ix s. et le volille à perdre et le mestier à perdre.

468. On a comraandei ke nus mèche dete ne covenanche el main d'estraigne ne de plus fort de lui, sour Ix lib. et le covenenche ne vauroit riens chil le froit et donroit.

469. On a commande! ke nus ne croie ne preste à Hanne de Hallines se n'est par Denis de Hallines, par Jakemon son frère et k'il y soient présent la 1! markiés ou prest ou covenenche soit fait, sour Ix lib. et chieus ki froit markié à luiche ne seroit riens.

470. On a conmiande! ke nus wasons, keisels, tere rouge et fouloreche, sablon ne autre chose k'on prent hors del communitei del vile fors ke as bourgois del vile et à le vile ne ne vegne ne preste, sour Ix lib. Et ke nus ne feuche tere de foulon se n'est par eskevins, sour Ix hb. et vienge pardevant eskevins.

471. On a commande! ke nus ki soit manans dedens le vile, ne drapier ne autre, ne faiche taindre drap, laines ne file! hors del vile, sour Ix lib. si ne fust de graine.

472. On a commande! ke tout chil ki vendent torbes es neis k'il les vendent et livrent aus! boin et ans! grant desous com deseure, sour Ix s. et torbes à perdre.

473. On a commande! mi mars chascun faire net devant son front et clore ses cortieus et tenir son chemin.

473 bis. Et ke nus pregne oes de chine, sour lx lib. ne de avete, sour lx s. Et ke nus pregne oisaus sauvages à binghins ne à las, duskes à le Saint-Jehan, sour lx s.

474. On a commande! ke nul homme de mestier fâchent asambleie, sour lx lib., et s'il ne peusent paiier, on les baniroit hors de le vile à tousjours.

475. On a commande! sour tout chil ki de mestier sunt et ki ont mainit et ovre! hors de cheste vile et nient mainit et ovre! dedens an et jour en cheste vile, k'il vuidenchent le vile ne i demorchent et k'il n'i viegnent ne i soient demorans, car s'il i fusent trovei, si com dit est, il seroient à lx lib. et s'il ne le peusent paiier on les baniroit à tousjours hors del vile, sour le teste.