On a commande! ke nus cordewaniers ne autres de

mestier raeche en ovre basan avoec ovre de cordewan ne quier là il i a tan avoec ovre de cordewan fors as sommeles, sour vj s. et le ovre à perdre se n'est blanc à quises de heuses. Et ke nus ne vengne quir ki soit fausement ne maisement tanei ne mèche en ovre, sour Ix s. et le quir et le ovre à perdre. Et ke nus ne fâche cauchiers de basan plus lonc de vij paucs, sor vj s. et le ovre à perdre.

477. On a commandei ke nus coretiers de vin soit hosteliers, sour Ix lib.; et ke nus se melle de cortrie de vin, sour Ix lib. s'il n'est par eskevin.

478. On a commandei ke nus ne kerkeche ne ne fâche kerkier laines ke il aiet acatei en Escoche avant ke il les aet parpaiet, sour Ix lib. et à perdre toutes les franchises k'il aet en le vile. Et se valés le fesist, on le baniroit à tousjours sour le teste et ne demorroit mie pour chou ke li sires ne seroit ou l'amende devantdite.

479. On a commandei ke nus polletiers ne soit corretiers de son avoir mime, ne ne porche ne jie fâche porteir polletrie ne cose ki afiere à polletrie aval le vile mais ke ens ou markié le tiegnent son estai, sour Ix lib. et son mestier à perdre an et jour. Et ke nus polletiers puet acateir ne faire acateir à nul jour en le semaine poUet ne auwe ne conin ne lièvre ne autre voliUe et beste fors sour le jour de semedi, dedens le vile ne dedens le banliwe ausi, sour Ix s. et le volille et le beste à perdre et son mestier à perdre an et jour.

480. On a commandei ke sour tous gens de mestier ki vont par aus loueir à le plache ou au pont ou là il soloient aus loueir, k'il n'i aportent espées ne couteaus ne machues ne autre armures, sour Ix lib. et s'il ne les pensent paiier on les meteroit en le cartre.

481 . On a commandei ke nus ne jeté chendres sour le cauchie ne autres ordures, sour vj s. et chiens ki le troveroit aroit le moitié et li aman l'autre et se chil n'eust ki l'ordure aporteroit on panderoit l'amende au seigneur là il manroit et dont l'ordure isteroit.

482. On a commandei sour tous les tanneurs de le vile et ki vendent quir à detailg dedens le vile, k'il le vengnent en le haie et nient aillieurs, sour Ix s. et son mestier à perdre à tout jours.

483. On a commandei ke tous les avoleis ki suijt avolei pour meflfait k'il ont Mi, k'il vuident dedens vij jours et vij nus le vile et s'il i sunt puis trovei on leur froit autreteil en cheste vile ke on froit au liu là il aroient méfiait.

484. On a commandei ke nus ne lasse aleir ses bestes par nuit sour autrui warisons et se on les i trovoit on les porroit tuer, dont 11 bailleus aroit le moitié et partie l'autre pour son damage ou prendre ou arester et seroient perdues.

485. On a commandei ke nus bons de mestier ne demande beuvrage sour gens de mestier ne ne fâche demandeir ne se melle du mestier ne des keures fors chil ki ont jurei par eskevins, sour perdre le vie. Chiens ki tenus en seroit par veritei seroit enfuis par nuit. Bien se gardent chascuns.

Âctum Tan m ce iiu*^ et i, el mois de septembre.

486. On a commandei ke tout li bleis, avaines et autre grains ki vient en sas à vendre dedens le vile et dedens le cbengle k'il viegne dedens les iiij corons du markié à vendre, sour Ix s.

Actum Tan m ce nn^^ et i, el mois de decbembre.

Li commandent (sic) fait au tans Ghilebert de Sainte-Audegonde et Antoine Reinuisch maieurs et eskevins et leur compaignons. Actum Tan m ce mi»» et i.

487. On a commandei ke nus coretiers ne fâche saies, sour Ix lib. ki ne font ke x lib.

488. On a commandei ke nule feme vende poisson de meir fors herenk, moelles, boisters et hanons, sour Ix s., et se eles ne le pensent paier on les baniroit.

489. On a commandei ke tout chil ki se warissent de pisson el markié et on tenu estai, k'il soient à estai et vendent leur pisson, sour Ix s. et leur bourgoisie à perdre.

490. On a commandei ke tous les dras ki vendus seront les mekerdis à le haie ou le markiet fait ou le denier Dieu dounei, k*il soient aunei à le haie et Uvrei et nient alleurs, sour Ix s. sour le le vendeur et sour le acateur et chil à qui maison chou seroit fait.

491. On a commandei ke nus ne vende cauciers noviaus de cordewan ne de vake novias ne keuches noveles se n'est es haies et en lor escopes ou en lor maison, sour vj s. et le ovre à perdre.

492. On a commandei ke nus ne maine cheval aval le vile pour meneir blei as moulins fors chil ki anchienement l'on usei, sour Ix s. et le cheval à perdre.

493. On a commandei ke nus taille dras à détail s*il n'a estai en le haie, sour Ix s.