Et si doit on avoir de le saie à taindre xvj d

689. Et se aucuns mesdist as coriers quant il vont en tour pour le draperie veoir se ele est tondue bien et loiaument, il est vers chascun corier ki iroit en tour, se il en fust tenus, à Ix s. dont li corier doivent avoir le tierch. Et s'aucuns des coriers mandast ses compaignons pour aler en tour pour le draperie veoir en leur mestier et il ne veiiist, il seroit à vj d. se il ne vausist prendre

sour sen sairement ke il avoit dont loial ensoigne quant il i fu mandeis.

690. Et ke nus ne oevre à plus de vallés ke lui viij"'% sor Ix s. et perdre sen mestier an et jor.

691 . Et ke li tonderes doit mètre les deus bous del drap ensanle à ploier, sor forfait de ij s. Et si ne doit nul drap ploier se il n'est bien sec, sor forfait de ij s. Et ke nus ne puet rapareillier nul drap ki soit retaint fors li tonderes ki l'aura appareillié devant, quant il est amendei et tainturé, sor forfait de ij s.

692. Et li tondeires doit estrikier le blanc drap anchois k'il soit porteis à le taintelerie, sor forfait de v s.

693. Et ke nus wardeires des liches doit avoir compaignie avoec tondeur. Et ke nus tonderes tiegne liches, sor Ix s. et sen mestier à perdre an et jour.

694. Et ke nus hosteliers n'envoit saie à le taintelerie avant ke li tonderes Tait estrikie sour le perche, sor forfait de v s. de ce pieche.

695. Et ke nus osteliers ne doinst à tondeur mains de xvj d. en seke monoie sans nule denrée de le saie tainte appareillier, sor Ix s. et sen mestier à perdre an et jour et chil ki le douroit et chil ki le prendroit.

696. Et k on doinst de le blanke saie à tondre l'endroit et l'envers et à kardeir les ij lisires, vj d. seke monoie et sans nule denrée, sor Ix s. et cbil ki le donroit et ki le prendroit.

697. Et ke nus maistres tonderes ne laist tondre blanke saie en se maison se ele n'est bien seke, sor forfait de xij d.

698. Et nus tondeires ne puet rechevoir ne prendre plus de oevre k'il puet faire en se maison, sor Ix s. de forfait.

699. Et ke nus tondeires ne prenge plus de iiij torseaus de dras à tondre avant ke il soient tout sus atirei et livrei à marchant, sor Ix s. de forfait et le mestier à perdre à le volentei d'eskevins.

700. Et li corier ont pooir de eslire un d'eus pour conistable et li conistables a pooir de mander chaus du mestier k'il viengnent à lui pour faire et traitier les besoignes du mestier et ki n'i verroit, seroit à vj d., s'il ne pooit monstreir k'il eut loial ensoigne par sen serement.

701 . Et se li conistables mandast ses compaignons pour aleir en tour u pour le preu du mestier et adont il n'i venist meismes, il seroit à xij d. s'il n'avoit loial ensoigne. Et nus tonderes ne puet avoir stekespans de fer denteis, sor vj s.

702. Et se li corier trovaisent drap malement estrikie il por-

roient prendre amende de vj d. dechelulkiTauroit estrikié. Et se il trovast drap mal sekié as liches, il porroient prendre xij d. d'amende» sor le licheur.

(Suivait un article d'écriture un peu postérieure, à ce qu'il semble, qui a été soigneusement gratté et est illisible.)

703. Et ke nus n'aprenge hom mestier des tondeurs s'il ne feust borgois ou fleus de borgois, sor Ix s. et il donra à le vile xs. (Ce dernier article en écriture postérieure, trèsnégligée et cursive.)

704. U est establi sour le mestier des caucheteurs ke nus ne venge cauches en le vile sor le jour du markié, à estai, fors en le haie Jehan de Boloigne, sour vj s. et les cauches à perdre.

705. Nus ne venge cauches se eles ne soient ausi plaines dedens ke dehors, sor vj s. et les cauches à perdre et tout d'un drap.

706. Ne nus de le vile venge en le vile cauches se li dras ne soit fais dedens le vile, sor Ix s.