EXTRAITS DE L'INSTRUCTION DU PROCÈS D'ABEL DE LA RUE

Bodin a mis, en tête de cette pièce, l'annotation suivante : « Entre plusieurs procez qu'on m'a envoyés de divers en-

m droits, il m'a semblé que cestuy-ci mérite le mieux être im- « primé. Il m'a esté envoyé par M. Nicolas Quatre-Solz lieute- « nant du Bailly de Coulommiers, homme de bien et studieux «de la justice. »

« L'an mil cinq cent quatre vingt et deux, le mardi troi- « sième juillet, heure de deux à trois heures après midy, « pardevant nous, Nicolas Quatresols, lieutenant général, « civil et criminel du bailliage de Colomiers est comparu « deuant nous Abel de la Rue, ouvrier de vieil cuir demeu- « rant audict Colomiers, lequel, après serment par lui faict « auons interrogé comme il s'en suit.

<( Premièrement de son nom, surnom, aage, état, origine « et demeurance. Qui a dict qu'il se nomme, Abel de la « Hue, qu'il est aagé de vingt-deux ans , où enuiron « ouvrier de vieil cuir, natif et habitant de ceste ville de « Colomiers, et que vulgairement on l'appelle le Casseur.

« A dict que ayant été mis par sa mère, nouice au couvent des Gordeliers de Meaux huict ans sont ou enuiron, parce qu'il auait esté battu une fois par un nommé Caillet, maistre des nouices, d'autant qu'il auait cueilly des pommes et des noix à des pommiers et à des noyers qui sont dedans le cloz du dict couvent, il se fascha de telle sorte qu'il commença à se despiter, disant qu'il étoit bien mal-heureux de demeurer là dedans et estant allé aux priués et chambres aysées du dict couvent enuiron les cinq ou six heures du soir, se serait apparu à lui un chien en forme de barbet noir, lequel luy dit qu'il n'eust peur, et que jamais il n'auroit de mal, et qu'il se donnast à lui, et que lors fut conduict par le dict chien (qu'il estimait être le diable) en une chambre du dict couvent ou logent les Cordelière passant pays, qui demeurent malades au dict lieu, et laquelle chambre s'appelle la librairie, après que le diable, sous la forme du dict chien, lui eut dict qu'il print courage, et qu'il luy aiderait touiours, serait disparu de luy et si nous a dict et confessé que six semaine a^rès, et sept ans sont ou en-

HISTOIRE DE MEAliX.

uiron, au temps des vendanges, luy estant allé en la sacristie du dict couvent pour se pourmener et estudier, suivantle commandement que lui en avoit fait le diot Caillet, auroit veu un vieil liure de parchemin qui estoit enchaisné de fer et enuironné de quelques barreaux de fer, dedans lesquels barreaux ayant mis ses deux mains auroit ouvert le dict liure, et en yceluy lu quelques mots entre autres

ceux qui en9uyvent (1)

après la lecture et prononciation desquels mots seroit apparu à luy un iour de ieudi un grand homme blesme de visage et d'aspect effroyable, ayant le corps et baleine puante, de moyenne stature, uestu d'une longue robe noire à l'italienne, et ayant deuant l'estomac et deuant les genoux comme des visages d'homme, et quant aux pieds, qu'il les auoit comme ceux de vaches, lequel homme lui demanda que c'estoit qu'il faisoit au dict lieu, et qu'il l'avoit meu de regarder dedans le dict liure et de l'appeler. A quoi il fist réponse qu'il y auroit esté et fait de luy-mesme et lors il luy dist qu'il n'eustauounepeur, qu'il quittastson habit, et qu'il eust fiance à luy, et qu'il lui donnerait ce qu'il demanderait; et lors le dict homme, qu'il ne peut cognoistre, l'ayant pris soubs les bras, le transporta desoubs la justice du dict Meaux, ou estant, luy auroit dict en voix tremblante et cassée, et ayant le visage pasle comme un pendu, et l'haleine fort puante, qu'il n'eust point pceur, et qu'il eust bonne fiance en lui, qu'il n'aurait jamais disette, et qu'il vouloit être son maistre et qu'il s'appeloit maistre Rigoux.

a A quoy luy parlant fit réponse qu'il ferait ce qu'il luy commanderait, et qu'il auoit grande affection de s'en aller d'auec les dits Cordelière; et lors seroit disparu; et enuiron les sept ou huit heures du soir le seroit revenu quérir, et le prenant par le fort du corps, l'aurait rapporté au dict lieu de la sacristie, lui disant qu'il le reviendrait quérir le iour

(1) Cet espace est ainsi laissé en blanc dans le livre de Bodin.

NOTES ET PlfeCES JUSTIFICATIVES. 603

suivant, qui estait un iour de vendredi, et estant aussi de retour, seroit arrivé vers luy M. Pierre Berson, docteur en théologie et prédicateur du Roy, le dict M. Caillet, maistre des nouioes et autres, lesquels auraient repris aigrement lui de la Rue de ce qu'il aurait leu dans le dict liure appelé Grimoire, le menassant de le fouetter, et à l'instant le dict maistre des nouices dict que l'on avoit leu dans le dict liure appelé Grimoire, en l'estant allé chercher, et que le diable s'eêtoit apparu, et qu'on lui auoit donné quelque chose afin qu'il rapportast luy de la Rue; et lors s'assemblèrent tous les religieux du dict couvent qui chantèrent à l'église à l'entour de luy un Salve, afin qu'il ne fust vaincu par la tentation du diable, mesme ordonnèrent et flrent coucher la nuict deux nouices avec luy parlant, et que le lendemain matin luy descendant de sa chambre, qui estoit au dortoir, pour aller à l'église, seroit apparu à luy, le dict homme nommé maistre Rigoux, en pareille forme qu'il s estoit apparu et monstré le iour précédent, lequel lui auroit dict qu'il quittast le dict habit, et qu'il s'en aliast du dict couvent, et qu'il l'attendroit ce dict iour ioignant un grand arbre qui est près de Vaulx Courtois, en un grand chemin venant de M eaux au dict Vaulx Courtois, et quelque peu de temps après ayant esté prendre ses habits communs dans la chambre du dict Caillet, qu'il auoit laissez quand il fust nouice du dict couvent, il remit ceux qu'il souloit (1) porter comme nouice et cordelier en sa chambre et descendit par vne petite viz dans une estable où on mect les cheuaus et asnes du dict couvent, où il y a une porte pour sortir et aller abreuver les chevaux et laquelle il ouurit, et alla par dedans la ville de Meaux, tirant son chemin au dict Vaulx-Courtois, et auroit trouué le dict maistre Rigoux près du dict arbre, où estant, le conduit et mena au dict Vaulx-Courtois, distant du dict Meaux de deux lieues et de trois lieues de ceste ville de Colomiers, et

(i) Qu'il avait coutume de porter ^dn latin alebat).

524 HISTOIRE DE MEADX.

fust conduit, luy déposant, en la maison d'un nommé maistre Pierre, berger du dict Vaulx-Courtois, demeurant près l'église du dict lieu, et est mémoratif que le dict maistre Rigoux, en le conduisant chez le dict maistre Pierre, luy dict qu'il eust fiance en luy, et qu'il n'eust point de peur et qu'il luy bailleroit ce qu'il luy demanderait.

« A quoy il fit response que ouy, et à l'instant le dict maistre Rigoux, parla au dict maistre Pierre en vn coing de sa maison, et en la présence d'une nommée Gatherinne, femme du dict maistre Pierre, mais ne sçait quel propos il luy tint, et lui ayant esté commandé par le dict maistre Pierre d'aller jusques en une estable, près du dict logis de laquelle estant de retour, n'auroit plus veu le dict maistre Rigoux. Et alors le dict maistre Pierre et sa femme luy . firent fort bonne chère, lui disant que pour l'amour du dict maistre ils le traiteraient bien, et qu'il falloit qu'il obeyt au dict maistre Rigoux ce que luy respondant promist faire, et enuiran deux mois après le dict maistre Pierre qui le menoit ordinairement aux champs garder le bestial du dict Vaulx-Courtois lui dict par les champs qu'il estoit temps d'aller à l'assemblée, et que luy parlant fit responce qu'il en estoit content, et trois jours après enuiron le temps des aduents du Noël en l'an mil cinq cent septante et cinq, le dict maistre Pierre aurait dict à lui parlant environ les sept heures du soir qu'il se couchast et qu'il ne dormist gueres et qu'il falloit qu'ils allassent à l'assemblée, et lors se seraient couchés après que le dict maistre Pierre eust mis un ballay de genestres long et sans manche séparé au coing du feu, et environ les onze heures du soir ils ouvrent un grand bruit comme si un grand et impétueux vent et tonnerre eussent esté dans la cheminée dudict logis. Quoy oyant ledict maistre Pierre lui dict qu'il convenoit partir et qu'il se habillast, et ce fait veit que son maistre print de la gresse dans une petite boite qu'il avoit en un coffre, de laquelle il se frotta soubs les ayselles et la paume de la main

de lui parlant et lors son maistre et lui s'estant mis soubs la cheminée dessus ledict ballay ou ramon, ledict maistre Rigoux parla tant à son dit maistre que à lui et leur dit qu'il falloit partir, et à l'instant lsdit maistre Rigoux print le gros bout du manche dudit ballay et l'auroit tiré à mont la cheminée, et luy parlant ayant embrassé son maistre par le fort du corps se serait senti enlevé comme si le vent l'eust porté, et estant au-dessus de la cheminée ledit maistre Pierre luy auroit dit qu'il n'eust pœur et qu'il se tint à luy, et parce que la nuit estoit obscure, et que luy qui parle ne voyait aucune clairté, sinon son dict maistre, veit subitement comme un flambeau de feu devant eux leur esclairant, et n'y estoit ledit maistre Rigoux s'il n'étoit transformé audit flambeau, et est mémoratif qu'il veit en passant la ville et Abbaye de Rebets de demie lieue ou environ ; et dudit Vaulxcourtois de cinq lieues plus ou moins en un lieu herbu et plein de fuscheres, il veit grande compagnie d'hommes en nombre soixante ou environ, «ucuns vieux les autres jeunes et de toutes sortes d'aage, les uns estant de Sens, Dampmartin, et autres lieux, mais a dict qu'il ne les cognoist et ne sçait leurs noms, sinon qu'il recognut bien un nommé Pierre natif dudict Dampmartin qu'il avoit veu travailler audict Meaux du mestier de car-

deur et pigneur de laines et une vieille femme qu'il a

entendu avoir esté exécutée à Lagny pour sorcellerie depuis cinq ans en ça. Et lors il veit que chacun nettoya avec son ballay ou ramon la place de devant soy, après que le plus vieil de la compagnie qui estoit aagé de quatre-vingts ans, ayant la barbe blanche et quasi tout chenu l'eust ainsi commandé et lors ledict maistre Rigoux se transforma en

grand bouc noir et puant, lequel commença à gronder et tourner au milieu de l'assemblée et compagnie là estant, laquelle se serait prise à danser à revers, visages dehors...

Et ayant dansé environ deux quarts d'heure se seroient

tous mis à genoux, et lui auroit ledict maistre Pierre son maistre, dit qu'il convenoit adorer ledit bouc et que c'es-

toit le diable et celuy auquel il avoit promis de porter honneur et révérence.

Et les auroit ledit maistre Rigoux ramenez en leur logis par ladicte cheminée, et s'estant ledit maistre Rigoux disparu se seroient recouchéz après que son maistre eust mis des poudres (que Rigoux lui avaient données) dans une boite de laquelle il s'aidoit parfois pour malfaire à ceux qu'il voulait

A dit que la veille de la Saint-Jean-Baptiste en suivant, ledit maistre Pierre et luy allèrent à l'assemblée qui se fit entre Ghaucoin et Dampmartin en Goele, distant dudit Vaulx-Gourtois environ cinq lieues, à l'aide dudit maistre Rigoux, à l'heure de onze heures du soir en la forme et manière que cy dessus spécifiée, et qu'ils au roien tété transportés en celle qui se fit près de Chalendost, et quelque temps après luy parlant vint demeurer en ceste ville de Golomiers et délaissa ledit maistre Pierre.

S'il n'avait pas veu ledict maistre et sa femme depuis ledict temps?

A dit que non, et qu'ils seroyent décédez de la maladie contagieuse depuis deux ans en ça, ainsi qu'il a entendu passant près ledit Vaux-Courtois.

Remontré s'il soait pas qu'il est défendu par les

cummandemens de Dieu et d'Eglise, mesmes par les Conciles et Ordonnances Royaux, bref par tout droit divin et humain d'adhérer a Sathan luy prester consemement et laire des sortilèges : hanter et communiquer avec sorciers ou assister aux assemblées qu'ils font soit de jour ou de nuict.

A dict en pleurant que ouy et qu'il s'en repent et crie mercy à Dieu, au Roy, à Monseigneur et à justice nous suppliant de luy faire miséricorde, nous disant que jamais il ne prêtera consentement au Diable, mais rendra à Dieu seul honneur et adoration qui luy appartient affirmant ce présent »ien interrogatoire à lui releu mot après autres et

par deux diverses fois contenir vérité, et aledictde La Rue signé de sa main ledict interrogatoire.

Depuis les recollement et confrontations faictes et les conclusions du Procureur fiscal prises, ledict de la Rue auroit esté condamné iïêtre bruslé tout vif dont il auroit appelé au Parlement duquel s'ensuist l'arrest donné.

« Veu par la Cour le procès criminel fait par le Baillyde Golomiers ou son tieutenani et requeste du Procureur fiscal à rencontre d'Abel de la Rue appelant de la sentence

contre lui donnée par laquelle pour avoir presté

consentement au Diable, communiqué plusieurs fois avec luy, assisté aux assemblées nocturnes et illicites, adoré le Diable et impieusement renoncé à Dieu, et pour autres crimes mentionnez audict procès, pour réparation desquels ledict de la Rue auroit esté condamné estre bruslé vif au marché de la ville de Colomiers, son corps réduit en cendre ouy et interrogé par ladicte Cour ledict prisonnier et tout considéré. Dict a esté que ladicte Cour a mis et mect la dicte appellation et sentence dont est appelé a néant et néantmoins a condamné et condamne ledict dn la Rue à estre pendu et estranglé à une potence qui pour cet efFet sera mise et dressée en la place du Marché de Colomiers, son

ccrps mort ars (brûlé) réduict et consommé en cendres

faict en parlement le vingtiesme jour de Juillet, l'an mil cinq cent quatre-vingt et deux. Ainsi signé, Boucher.

Rapporteur, Monsieur Fouquet. — Président, Monsieur Brisson.

Page 295, — Henri accorda seize articles,