DES PONS

Grant Pont a de l'un costé soixante huit louages et de l'autre costé soixante et douze; là demeurent les changeurs d'un costé et orfèvres d'autre costé. En l'an quatorze cent , et quant la ville estoit en sa fleur, passoient tant de gens toute jour sur ce pont que on y encontroit adez ung blanc moine ou ung blanc cheval.

Pont JSostre-Damc : là sont beaux manoirs ; si en y a soixante quatre qui appartiennent à la ville , et dix huit qui sont à diverses personnes ; si y furent commencies encore cinq maisons l'an quatorze cent vingt deux , que ceste description fu faite.

Petit Pont est moult fort; et est dès le fondement de grans lames attachés ensemble à fer et à plont. Là est petit Chastelet , si espès de murs que

on y menroit bien par dessus une charrette. Si sont dessus ces murs beaux jardis ; là est une viz double , dont ceulx qui montent par une voie ne s'apparçoivent point des autres qui descendent par l'autre voie.

Pont neuf est bien maisonné.

Les rues qui sont en la Cité s'ensuivent en tele manière que on les pourrait aler qui vouldroit , c'est assavoir de petit pont à rue neufve Nostre-Dame , de là es rues des Coulons, de Saint-Christofle, la ruelle du Parvis, le Fort Levesque, la grant rue Saint-Christofle , Saint-Pierreaux-Beufs , Sainte-Marine, delà Cocatris, la Contrarie, Champ-Roussy, de la Pomme, de la Licorne, Marché-Palus, la Juierie , la Petite-Orberie, la rue des Fevres , la Calandre, la Ganterie , la grant-Orberie , la Barillerie, la Vieille-Draperie, la Saveterie, Sainte-Croix, Saint- Lorens, de la Lanterne , des Marmousez , de la Colombe , le port Saint-Landry, de la Cage, de l'Image, Glaitigny, où est les fillettes; Saint-Denis-dc-la- Chartre , la Peletterie , où l'en fait les chalis ; et d'illec à grant pont.