LA PAUVRETÉ

Où est le pauvre homme Abuzé,

Sous promesse, par Court servir?

Où est le fol qui a musé,

C'est pour souvent ouir mentir?. .

Dites-lui qu'Abus faict venir

A son logis ici aval,

Pauvreté qui le vient quérir,

Pour le mener à l'hospital,

Avec Maladie sa sœur,

Qui acquitte sa conscience

Et est très joyeuse en son cœur,

Qu'il a bien pris en patience. . .

Dites qu'à cheminer commence.

El au lieu de mule ou cheval,

Je lui apporte une potence (béquille :

Pour le mener à l'hospital.

l'hôte.

Je le vous vais faire venir. . .

H me tarde qu'on ne le voie, Plus n'ay de quoi le soustenir. . .

De vostre venue, ay grant joye. . . .

En assez pensement estoye,

Comment sans lui faire nul mal, Aucune ayde je trouveroye, Pour le mener à l'hospital.

a l'àbuzé.

Sus galand, sus, troussez vos quilles,

Et allez parler vîtement

Avec toutes vos agoubilles,

A pauvreté qui vous attend,

Et Abus, qui légèrement

Vous veulent mener, comme voy,

A l'hospital, de par le roy.

L'Abuzé finit ainsi.

« Or, as tu oy et bien veu touste ma vie, et la vérité « de mon faict , et comment je fus à l'hospital mené , (( pour le guerdon de mon service, et la récompense de « mon temps perdu. . . Si vueillez toi et les aultres, « qui à lire vous esbaltez , mieulx penser et de meilu leure heure à vostre faict, que je ne fis... et de ceste « dangereuse attente vous assévrer, de laquelle vont « peu de saiges personnes au dangier.

« loi fine le livre del'Abuzé en court, faict le 12 Juil- « let l'an de grâce U73. »