NOMINATION

générallement affaires et besongnes touchant la dicte ville poursuir, pourchasser et dilucider, et aussy estabtirent plusieurs recepveurs pour recepvoir toultes les rentes et revenus appartenans à la dicte ville ; et mesmement establirent et ordonnèrent douze conseillers des bourgoys de la dicte ville pour s'assembler , toustesfois que mestier seroit à la ville y par devant toy ou ton lieutenant ou par devant nos autres officiers, pour traicter, appoincler, ordonner, besongner et determyner, et les dicts procureurs et recepveurs conseiller toultes les causes, affaires et besongnes qu'il conviendra touchant Testât de la dicte ville. Et depuis la dicte ordonnance ainsy faicte ont les dicts bourgoys et habitans voullu et advisé pour le proffict de la dicte ville et pour l'advancement des besongnes et affaires touchant icelle que pour et en lieu du nombre des dicts douze conseillers qui à grand'peine et difficulté pourroient estre assemblés , quand besoing estoit , à la dicte ville , soit estably et ordonné de nommer le nombre de six conseillers , comme par toy et par les dicts habitans seroit ordonné , et advisé est que les dicts six conseillers, pour mieulx et diligemment vacquer et entendre es choses dessus dictes et que à ce soient plus estraints ayent et pregnent sur les dicts revenus appartenant à la dicte ville par la main des recepveurs d'icelle