EXEMPTANT DU SERVICE MILITAIRE PLUSIEURS HÂBITANS
Henry , par la grâce de Dieu , roy de France et d'Angleterre , au baiiiy de Rouen et à tous nos autres justiciers et oiBciers ou à leurs lieutenans salut :
Receu avons humble supplication de certain nombre de personnes nobles et autres noblement tenans à présent demourans et résidens en ceste uostre ville de Rouen , les noms desquels sont contenus et desclarés au roole de parchemin auquel ces présentes sont atachées soubs le contre seel de nostre chancelerie de France contenant : Comme
nos amés et féaulx cousins et conseillers les sires de Talbot et de Stales, ayans la charge, gouvernement et conduicte de certaine armée ordonnée de par nous estre mis sus pour le reboutement de nos ennemis et adversaires occupans les villes de Louviers et de Couches , ayent nagaire fait crier solemnellement à son de trompe par leurs lettres patentes en ceste nostre dicte ville de par nous et eulx , que tous nobles et autres noblement tenans du dit bailliage de Rouen , de quelque estât ou nation qu'ils soient , feussent et se tirassent en la ville de Lisieux le premier jour de ce présent mois de décembre montés , armés et habillés souffîsamment , pour nous servir et eulx emploier où il leur seroit par nos dis cousins et conseilliers ordonné sur certaines et grosses peines desclarées es dis cry et lettres paten tes « et il soit ainsi que pour ce que les dis suplians , qui de jour en jour sont occupés en estât et offices royaulx, et aussi avec les autres notables bourgois de la dicte ville de Rouen à la garde des portes de jour, au guet de nuit, et autrement en diverses manières, pourroient estre compris et entendus au dit cry et mandement, parquoy s'il faloit qu'ils alâssent dehors, s'en pourroient ensuir à la dicte ville grans dangiers et inconvenniens si comme ils dient;ils nous ont requis que, attendu ce que dit est, nous leur veuillons
sur ce gracieusement pourveoir; pour ce est-il que nous 9 ces choses considérées et que la dicte ville est spacieuse et de grant garde à présent ^ assise de toutes pars en pays de frontière et a bien besoing d'estre soigneusement gardée par les bourgois et gens de deffense d'icelle , mesmement au temps présent comme nos dis ennemis sont prochains, voulans les dis suplians vacquer et entendre diligemment à la garde et deffense de la dicte ville, iceulx suplians tant nobles comme autres noblement tenans demourans et résidens en icelle ville et lesquels sont contenus et desclarés au dit roolle avons de grâce espécial exempté et exemptons pour ceste fois par la teneur de ces présentes d'icelui mandement et service, sans ce que pour non avoir esté , aler ou envoier aii jour et lieu dessus dis, ils soient tenus envers nous en aucune repréhension , amende ou dangier, par ce qu'ils s'emploient et vacquent diligemment à la garde, seureté et deffense de nostre dicte ville , comme mestier en est et comme ordonné leur sera , si vous mandons , commandons et enjoingnons expressément et à chacun de vous, si comme à lui appartiendra , que les dis supplians et ung chacun d'eulx vous faites , souffriez et laissiez joir et user plainement et paisiblement de nostre présente grâce et exempcion , sans leur faire ou donner, ne souffrir estre fait ou donné, en corps
ne en biens, aucun empeschement ou destourbier au contraire. Donné à Rouen le tiers jour de dé*cembre Tan de grâce Mil CCCC quarante et de nostre règne le dixneufiesme.
Par le roy à la relacion du grant conseil.
GOMBACT.
Ensuit les noms des nobles et noblement tenans estans en la ville de Rouen tant officiers du Roy que de la ville, bourgois et autres retrais en la dicte ville par la fortune de la guerre , tous occupés et faisans guet et garde de nuit et de jour ordinairement en icelle ville :
Premièrement :
Mons. Nicole Piloys, chevalier, seigneur d'Ableges. Jehan Lesac, viconte de Rouen.
Roger Mustel, viconte de l'Eau.
Jehan Letourneur , ) ^ , ^ -, , { Esleus.
Roger Mustel , )
Guillaume de la Fontaine , lieutenant de mons. le bailli.
Guillaume du Fay , , .. •
T n i t Lieuxtenans du viconte.
Jacques Garoul ,
Henry Picart , j
Laurens Guédon , >Advocas et procureur du Roy.
Robert Lermite , 1
Gérard Gossuin « r ^ • i
^ > Grenetier et contre-roleur.
Jehan Surreau y
Jacques Letourneur, bouteiller de la viconté de
l'Eau.
Simon Toustain,verdier de Rouvray.
Guillaume de Tolebu , verdier de la Londe.
Jehan de la Perrouse, clerc du receveur-général.
Richart Goule , Guillaume Alorge ,
Guieffin Dubosc , \ Conseillers de la ville.
Colin Marguerie, Guillaume Ango, Pierres Daron, procureur.
Cardin Ango, commis aux ouvrages de la forteresse de la ville.
Robert Goupil ,
Jehan le Barbier , , ,
- , > Carteniers.
Jehan le Roux ,
Michel Dutot ,
Robert Des Champs,
Loys de Conneilles , I Des xxiiii du conseil de la
Michel Dutot l'aisné, ) ville.
Simon Delamote ,
Guillaume Dubosc ,
Jehan Alorge ,
RogierPinain,
Georges Bosquet , ^Centeniers et cinquanteniers.
Pierres Dunet,
Jehan Duquesnay ,
Pierres Poolin ,
Guillaume de Rouves,
Guillaume de Croismare,
Bardin de Lymare , }Advocaset gens de justice.
Elyot Raoulin ,
Robin La Vache ,
Robin le Vigneron ,
Autres bourgois non Officiers faisans guet et
garde semblahlement :
Robin Dubosc.
Jehan Dubosc. Simonnet du Valrichier.
Guillaume de Maromme.
Jaquet Erquembourt.
Guillaume Flambart.
Robin Poingnant.
Guyuot Rabachier.
Miguelot Basin.
Jehan Deschamps.
Jaques Dutot.
Jaques Delamote.
Mahier de Baudribosc.
LouysetLegoupil, soubsaage.
Guillemet Dubosc , soubs aage.
autres nobles retrais en la ville pour la fortune
de la guerre en tant qiCil en est de
présent congnoissance :
Regnault Le Lieur.
Robin Deschamps.
GeorgetDorbet.
Huglet de Hugleville.
Loys de Roncheroles.
Robin Campion.
Robert du Val Dendrin.
Laurens de Bedasne.
Ce présent roolle avec une requeste sur ce bailiié
et présenté à Messieurs du grant Conseil du Roy nostre sire estans à Rouen le second jour de décembre l'an MilCCCC quarante, pour et au nom des dessus dis, moy présent.
