MILITAIRE

Henry y par la grâce de Dieu roy de France et d'Angleterre, au bailli de Rouen et à tous nos autres justiciers et officiers ou à leurs lieutenans, salut:

Comme nagaires pour subjuguer et rentkttre en nostre obéissance les pont et forteresse de MeuUant que tiennent et occupent de présent nos ennemis et adversaires y nostre très cher et très amé oncle Jehan régent nostre dit royaume de France, duc de Bedfort, ait mis et assis siège devant les dis pont et forteresse où il est encore de présent, en la con*

] 20 PiaVILÉGES DE ROUEN.

tinuacion et entretenement duquel siège a convenu et convient grant nombre de gens , considéré que nos dis ennemis et adversaires se mettent sus en plus grant effort qu'ils pevent pour venir sur nostre dit oncle au dit siège et secourir la dicte forteresse, comme l'en dit; pour laquelle cause nous avons, par plusieurs nos lettres patentes et tant par manière d'arrière ban et par cris et publications comme autrement, fait faire commandement à tous nobles et autres de la duchié de ^Normandie , qu'ils en toute haste viengnent et soient devers nostre dit oncle au dit siège devant MeuUant pour icellui nostre oncle compaignier et suivre en ce que dit est ; et il soit ainsi que nostre bonne ville de Rouen soit la principale et plus notable ville de nostre duchié de Normandie située en lieu de passaige sur la rivière de Seine et laquelle ait bien besoing d'estre soigneusement gardée par les bourgois , manans et habitans d'icelle , savoir vous faisons que, pour considéracion de ce que dit est , voulans et désirans icelle ville estre si bien gardée que par défault de ce aucun mal ne inconvénient ne s'en puist ou doye ensuir à la dicte ville, à nous ne à nostre royaume, et pour d'aucunes autres causes à ce nous mouvans, avons par l'advis de nostre dit oncle ordené et ordenons, et à iceulx bourgois, manans et habitans de nostre dicte ville de Rouen , ottroyé et

ottroyons de grâce espécial par ces présentes , se mestier est, que par ce qu'ils ont envoyé par devers nostre dit oncle au dit siège certain npmbre d'arbalestriers, archiers et gens de défense, lesquels ils ont souldoiés et paies, tous iceulx bourgois, manans et habitans , nobles et autres quelscouques résidens en la dicte ville soient exceptés et réservés de venir à nostre mandement ou service, mais avons voulu et ordené, voulons et ordenons que ils se tiennent et demeurent en nostre dicte ville , comme ils ont acoustumé faire pour la garde , tuicion et défense d'icelle , et nous pour ceste fois avons tous iceulx bourgois, manans et habitans, nobles et autres quelscouques dessus dis excepté et exceptons du tout par ces mesmes lettres , attendu les gens qu'ils ont envoies devers nous comme dit est , et ne voulons que , pour non aler devers nostre dit oncle au dit mandement et service, ce ne leur puist ne à aucun d'eulx tourner ne redonder ores ne pour le temps à venir à aucun reprouche , préjudice ne dommage, ne pour ce estre mis en aucun danger, préjudice ne inconvénient , et sur ce imposons silence à nostre procureur et à tous autres, si non touttesfoies que après la date de ces présentes ils aient mandement de nous ou de nostre dit oncle faisant en espécial mencion de la dicte ville de Rouen , si vous mandons et à chacun de vous , si

comme à lui appartiendra, que contre la teneur de ces présentes vous ne molestez , travaillez ou empeschiez, ne soutirez molester , travailler ou empeschier les dis bourgois , manans et habitans, nobles et autres de nostre dicte ville en aucune manière , mais les faictes, souffrez et laissiez d'icelles nos présentes lettres joir et user paisiblement.

Donné au siège devant MeuUant le xx^ jour de febvrier l'an de grâce Mil CCCC vint et deux et de nostre règne le premier soubs nostre scel ordené en l'absence du grant.

CHARTE

DE HENRY VI