Je me levai et jetai un gamboison en mon dos
et un cliapel de fèr en ma teste, et escriai à nos serjans : « Par saint Nicholas ! ci ne demourront-il pas.» Mi chevalier mevindrent si blecié comme il estoient, et reboutames les serjans ans Sarrazins hors des engins, jusques devant une grosse bataille de Turs à cheval, qui estoient tuit rez à rez des engins, que nous aviens gaaingniés. Je mandai au roy que il nous secourust ; car je ne mi chevalier n'aviens pouoir de vestir haubers, pour les plaies quenons aviens eues; et li roys nous envoia mon signour Gauchier de Chasteillon, liquex se logea entre nous et les Turs, devant nous.
257. Qnant li sires de Chasteillon ot reboutei ariere les serjans aus Sarrazins à pié, il se retraistrent sus une grosse bataille de Turs à cheval, qui estoit rangie devant nostre ost, pour garder que nous ne surpreissiens l'ost aus Sarrazins, qui estoit logiez dariere aus. De celle bataille de Turs à cheval estoient descendu à pié huit de lour chievetains moût bien armei, qui avoient fait un hourdeis de pierres taillies, pour ce que nostre arbalestrier ne les bleçassent : cist huit Sarrazin traioient à la volée parmi nostre ost, et blecierent plusours de nos gens et de nos chevaus.
258. Je et mi chevalier nous raeismes ensemble et acordames, quant il seroit anuitié, que nous emporteriens les pierres dont il se hourdoient. Uns miens prestres qui avoit à non mon signour Jehan de Voyssei, fu à ce consoil, et n'atendi pas tant; ain^ois se parti de nostre ost touz seux, et s'adreça vers les Sarrazins, son gamboison vestu, son chapel de fer en sa
PROUESSE DU PRÊTRE DE JOINVII.LE. fOH
teste, son glaive (trainant le fer) desous l'essele pour II' que li Sarrazin ne l'avisassent.
^59. Quant il vint près des Sarrazins, (jiii riens ne le prisoient pour ce que il le veoient tout seul, il lança son glaive de sous s'essele et lour courut sus. Il n'i ot nul des huit qui y meist deffense, ainçois tournèrent tuit en fuie. Quant cil à cheval virent que lour signour s'en venoient fuiant, il ferirent des espérons pour ans rescourre, et il saillirent bien de nostre ost jusques à cinquante serjans ; et cil à cheval vindrent ferant des espérons, et n'osèrent assembler à nostre gent à pié, ainçois gauchirent par devant aus.
260. Quant il orent ce fait ou dous foizou trois, uns de nos serjans tint son glaive par le milieu, et le lança à un des Turs à cheval, et li en donna parmi les costes; et emporta cil qui frappez estoit le glaive trainant dont il avoit le fer parmy les costes. Quant li Turc virent ce, il n'y osèrent puis aler ne venir, et nostre serjant emportèrent les pierres. Dès illec en avant fu mes prestres bien cogneus en l'ost, et le moustroient li uns à l'autre, et disoient : « Vez-ci le < prestre mon signour de Joinville, qui a les huit
Sarrazins desconfiz. »
IIÔ
BISTOIRE DE SAINT LOUiS.
