ALERTE AU CAMP DES CROISÉS

et en li devons-nous croire, que il est poissans de toutes choses faire.

IJl. LE CAMP EST ATTAQUÉ PENDANT LA NUIT. LE PRÊTRE DE JOI.NVILLE MET EN FUITE HUIT SARRA- SINS.

^54. Or disons ainsi que àl'anuitier revenimes delà [lerillouse bataille desus dite, li roys et nous, et nous lojames ou lieu dont nous aviens chacié nos ennemis. Ma gent, qui estoient demourei en nostre ost dont nous estiens parti, m'aporterent une tente que li Templier m'avoient donnée, et la me tendirent devant les engins que nous aviens gaingniés aus Sarrazins; etli roys fist établir serjans pour garder les engins.

'2ôh. Quant je fu couchiés en mon lit, là où je eusse bienmestier de reposer pour les bleceures que j'avoie eu le jour devant, il ne m'avint pas ainsi; car avant que il fust bien jours, l'on escria en nostre ost : « Aus « armes ! aus armes ! » Je fis lever mon Chamberlain qui gisoit devant moy, et li diz que il alast veoir que c'estoit. Et il revint touz effraez, et me dist : « Sire, « or sus ! or sus ! que vez-ci les Sarrazins qui sont « venu à pié et à cheval; et ont desconfit les serjans le « roy qui gardoient les engins, et les ont mis dedans f les cordes de nos paveillons. »