LVI. DE LA HALCA OU GARDE DU SOUDAN

;280. Pour ce que il nous couvient poursuivre nostre matière, laquel il nous couvient un pou entrelacier, pour faire entendre comment li soudanc tenoient lour gent ordencement et aréement. Et est voirs que le plus de lour chevalerie il avoient fait de gens estranges, que marcheant prenoient en estranges terres pour vendre ; et il les achetoient moût volentiers et chierement. Et ces gens que il menoient en Egypte, prenoient en Orient, parce que quant li uns des roys d'Orient avoit desconfit l'autre, si prenoit les povres gens que il avoit conquis, elles vendoit aus marcheans ; et li marcheant les revenoient vendre en Egypte.

281. La chose estoit si ordenée que les enfans, jusques à tant que barbe lour venoit, li soudans les nourrissoit en sa maison ; en tel manière que selonc ce que il estoient, li soudans lour fesoit faire ars à lour point ; et si tost comme il enforçoient, il getoient lour foibles îirs en l'artillerie au soudanc, et li maistres artilliers

'our bailloit ars si fors comme il les pooient teser.

282. Les armes au soudanc estoient d'or; et tiex armes comme li soudans portoit, portoient celle joene gent; et estoient appelei bahariz *. Maintenant que les barbes lour venoient, li soudans les fesoit chevaliers. Et portoient les armes au soudanc fors que tant que il y avoit différence -, c'est à savoir ensignes vermeilles, roses ou bendes vermeilles, ou oisiaus, ou autres enseignes que il metoient sus armes d'or, teix comme il lour plaisoit.

283. Et ceste gent que je vous nomme, appeloit l'on de la Haulequa ^; car li beharis gesoient dedans les tentes au soudanc. Quant li soudans estoit en l'ost, cil de la Haulequa estoient logié entour les héberges le soudanc, et establi pour le cors le soudanc garder. A la porte de la herberge le soudanc, estoient logié en une petite tente li portier le soudanc, etsui menestrier, qui avoient cors sarrazinnois et tabours et nacaires. Et fesoient tel noise au point dou jour et à l'anuitier, que cil qui estoient delez aus ne pooient entendre li uns l'autre; et clerement les oioit l'on parmi l'ost.

284. Ne li menestrier ne fussent jà si hardi que il sonnassent lour estrumens de jour, ne mais que par le maistre de la Haulequa : dont il estoit ainsi que quant li soudans vouloit chargier, il envoioit querre lemais-

1. Ou maritimes, du mot bahr; ils oceupaii'nl une caserne dans Vile de Randa, en face du Caire.