LXXII. EXÉCUTION DU TRAITÉ; REMISE DE DAMIETTE AUX SARRASINS

366. Dès que li soudans fu occis, on fist venir les estrumens au soudanc devant la tente le roy, et diston au roy que li amiral avoient eu grant vouloir et consoil de li faire soudanc de Babiloine. Et il me demanda se je cuidoie que il eust pris le royaume de Babiloine, se il li eussent presentei. Et je li dis que il

Remise de damiette alx sarrasins. 153

eust moût fait que fous, à ce que il avoient lour signour occis; et il me dist que vraieiuent il ne l'eust mie refusei.

367. Et sachiez que on dist que il ne demoura pour autre chose, que pour ce que il disoient que li roys estoit li plus fermes crestiens que on peust trouver. Et cest exemple en moustroient, à ce que quant il se partoit de la héberge, il prenoit sa croix à terre, et seignoit tout son cors. Et disoient que se Mahommez lour eust tant de meschief soufert à faire, il ne le creussent jamais ; et disoient que se celle gent fesoient soudanc de li, il les occiroit toiiz, ou il devenroient crestien.

368. Après ce que les convenances furent acordées dou roy et des amiraus et jurées, fu acordei que il nous deliverroient l'endemain de l'Ascension; et quesitost comme Damiete seroit délivrée aus amiraus, on deliverroit le cors le roy et les riches hommes qui avec li estoient, aussi comme il est devant dit. Le jeudi * au soir, cil qui menoient nos quatre galies vindreiit ancrer en mi le flum. devant le pont de Damiete, et tirent tendre un paveillon devant le pont, là où li roys descendu

369. Au soleil levant, mes sires Geffroys de Sergines ala en la ville, et fist rendre la ville aus amiraus. Sur les tours de la ville mistrent les enseignes au soudanc. Li chevalier sarrazin se mistrent en la