JUGEMENTS RENDUS A CÉSARÉE. Î

« nances rompues, quant vous vous courouciés de ce « que vous ai requis ? » Et il me dist tout en riant : <i Dites quant que vous vourrez, je ne me courouce t pas. > Et toutes voies n'oi-je pas le cheval pour le povre gentil home.

507. La seconde justice fu teix, que li chevalier de .iostre bataille chassoient une beste sauvaige que Ton apelle gazel, qui est aussi comme uns chevreus. Li frère de l'Ospital s'einbatirent sur aus, et boutèrent et chacierent nos chevaliers. Et je me pleinz au maistrc de l'Ospital; et li maistres de l'Ospital me respondi que il m'en feroit le droit à l'usaige de la Terre sainte, qui estoit teix, que il feroit les frères qui l'outraige avoient faite, mangier sur leur mantiaus, tant que cil les en leveroient à cui l'outraige avoit estei faite.

508. Li maistre lour en tint bien couvenaut; et quant nous veismes que il orent mangié une piesce sur lour mantiaus, je alai au maistre et le trouvai manjant, et li priai que il fei«t lever les frères qui manjoient sur lour mantiaus devant li ; et li chevalier aussi ausquiex l'outraige avoit estei faite, l'en prièrent. Et il me respondi que il n'en feroit nient ; car il ne vouloit pas que li frère feissent vileinnie à cens qui venoient en pelerinaige en la Terre sainte. Quant je oy ce, je m'assis avec les frères et commençai à mangier avec aus; et li dis que je ne me leveroie tant que li frère se leveroient. Et me dist que c'estoit force, et m'otroia ma requeste; et me fist, moy et mes chevaliers qui estoient avec moy, mangier avec li; et li

frère alerent mangier avec les autres k haute table.

509. Li tiers jugemens que je vi rendre à Cezaire si fu teix, que uns serjans le roy, qui avoit à non le Goulu, mist main à un chevalier de ma bataille. Je m'en alai pleindre au roy. Li roys me dist que je m'en pooie bien souffrir, ce li sembloit ; que il ne l'avoit f lit que bouter. Et je li dis que je ne m'en soufferroie jà; et se il ne m'en fesoit droit, je lairoie son servise, puisque sui serjant boutoient les chevaliers.

510. Il me fist faire droit, et li drois fu teix, selonc les usaiges dou pais, que li serjans vint en ma herberge deschaus, en chemise et en braies, sanz pluz, une espée toute nue en sa main, et s'agenoilla devant le chevalier, print l'espée par la pointe et tendi le plommel au chevalier, et li dist : « Sire, je vous ament « ceque je mis main à vous; et vous ai aportée ceste « espée pour ce que vous me copez le poing, se il vous « plait. » Et je priai au chevalier que il li pardonnast son maltalent; et si fist-il.

511. La quarte amende fu teix, que frères Hugues de Joy, qui estoit marechaus dou Temple, fu envoiez au soudanc de Damas de par le maistre dou Temple, pour pourchacier commant li soudans de Damas s'acordast que une grant terre que li Temples soloit tenir, que li soudans vousist que li Temples en eust la moitié et il l'autre. Ces convenances furent faites en tel manière, se li roys s'iacordoit. Et amena frères Hugues un amiral de par le soudanc de Damas, et

DERNIER JUGEMENT HENDU A CÉSAnÉE. 215

aporla les couvenances en esorit que on apeloit mùule-foy^

512. Li maistres dist ces choses au roy;dont h roys fu forment elTraez, et li dist que mont estoit hardis quant il avoit tenu nulles convenances ne paroles au soudanc, sanz parler à li ; et vouloil li roys que il li fust adrecié. Et li adrecemens fu teix, que li roys fist lever les pans de trois de ses paveillons, et là fu touz li communs del'ost qui venir y vout; et là vint li maistres dou Temple et touz li couvenz, touz deschaus, parmi l'ost, pour ce que lour héberge estoit dehors Tost. Li roys fist asseoir le maistre dou Temple devant li et le messaige au soudanc, et dist li roys au maistre tout haut :

513. « Maistre, vous direz au messaige le soudanc « que ce vous poise que vous avez fait nulles trêves à « li sanz parler àmoy; et pour ce que vous n'en aviés « parlei à moy, vous le quitiés de quanque il vous ot « couvent et li rendes toutes ses couvenances. » Li maistres prist les couvenances et les bailla à l'amiral et lors dist li maistres : « Je vous rent les couvenances « que j'ay mal faites; dont ce poise moy. yt Et lors dist li roys au maistre que il se levast et que il feist lever touz ses frères ; et si fist-il. « Or, vous agenoil- « liés, et m'amendes ce que vous y estes alei contre i ma volentei. »

SU. Li maistres s'agenoilla et tendi le chief de

1. Mot composé qui signifie vaut 1 le sens de valoir il s', gil d'un c'cril foi ; le verhe monter avait souveiM I faisant foi en justice.

son mantel au roy. et abandonna au roy quanque il avoient, à penrepour s'amende tel comme il la vourroit devisier : «: Et je di, fist li roys, tout premier, que « frères Hugues, qui a faites les convenances, soit c bannis de tout le royaume de Jérusalem. ï Li maistres, qui estoit compères le roy dou conte d'Alençon*, qui fu nez à Chastel-Pelerin, ne onques la royne, ne autre, ne porent aidier frère Hue, que il ne li couvenist vuidier la Terre sainte et dou royaume de Jérusalem.

C. TRAITÉ AVEC LES ÉMIRS d'ÉGYPTE ; SAINT LOUIS FORTIFIE JAFFA.

515. Tandis que li roys fermoit la citei de Cezaire, revindrent li messaige d'Egypte à li, et li aporterent la trêve, tout ainsi comme il est devant dit que li roys l'avoit devisie. Et furent les convenances tiex dou roy et d'aus, que li roys dut aler,à unejournéequifu nommée, à Japhe; et à celle journée que li roys dut aler à Japhe, il amiral d'Egypte dévoient estre à Gadre ' par loursairemens, pour délivrer auroile royaume de Jérusalem. La trive, tel comme li messaige l' avoient aportée, jura li roys et li riche home de l'ost, et que par nos sairemens nous lour deviens aidier encoatre le soudanc de Damas.

1. C'est-à-dire que le maître | te d'Alençon, dont il était parrain, était compère du roi à caute du com- I 3. Gaza (Palastine).

TRAITÉ AVEC LES ÉMIRS D'ÉGYPTE. 2i7

516. Quant li soudans de Damas sot que nous nous estiens alié à ceus d'Egypte, il envoia bien quatre mille Turs bien atiriés à Cadres, là où cil d'Egypte dévoient venir, pour ce que il sot bien que se il pooient venir jusques à nous, que il y pourroit bien perdre. Toutevoiz ne lessa pas li roys que il ne se meust pour aler à JafTe'. Quant li cuens de Jafîe vit que li roys venoit, il atira son chastel en tel manière que ce sembloit bien estre ville delTendable; car à chascun des carniaus (dont il y avoit bien cinq cens), avoit une targe de ses armes et un panoncel ; laquex chose fu bêle à regarder, car ses armes estoient d'or à une croiz de gueles pâtée.

517. Nous nous lojamesentourle chaslel, aus chans, etenvironnamesle chastel, quisietsur la mer, dèsTune mer jusques à l'autre. Maintenant se prist li roys à fermer un nuef bourc tout entour le vieil chastiau, dès l'une mer jusques à l'autre. Le roy meismes y visje mainte foiz porter la hôte aus fossés, pour avoir le pardon.

518. Li amiral d'Egypte nous faillirent des couvenances que il nous avoient promises; car il n'osèrent venir à Cadres pour les gens au soudanc de Damas qui y estoient. Toutevoiz nous tindrent-il couvenant, en tant que il envolèrent au roy toutes les testes aus crestiens que il avoient pendues aus murs dou chastel de Kayre, dès que li cuens de Bar et li cuens de

1. C'esl en 1252, vers le mois île 1 pour se rendre ;i Jafla, où il resl» uni, qu« saint Louis quitta Césarû* | jusqu'au -29 juin 1^53. (Voy. g 563.

Montfort furent pris' ; lesquiex li roys fist mettre en terre benoîte. Et li envoierent aussi les enfans qui avoient estei pris quant li roys fu pris; laquel chose il firent envis, car il s'estoient ja renoié. Et avec ces choses, envoierent au roy un oliphant que li roys envoia en France -.

519. Tandis que nous sejourniens à Japhe, uns amiraus qui estoit de la partie au soudanc de Damas, vint faucillier blez à un kasel à trois lieues de l'ost. Il fu acordei que nous li courriens sus. Quant il nous senti venans, il toucha en fuie. Endementres que il s'en fuioit, uns joennes valiez genlis hom se mist à li chacier, et porta dous de ses chevaliers à terre sans sa lance brisier; et l'amiral ferien tel manière que il li brisa le glaive ou cors.

520. Li messaige aus amiraus d'Egypte prièrent le roy que il lour donnast une journée par quoy il poussent venir vers le roy, et il y venroient sanz faute. Li roys ot conseil que il ne le refuseroit pas, et lour donna journée; et il li orent couvent, par lour sairement, que il à celle journée seroient à Cadres.