EXEMPLES DO DEVOUEMENT DE SAINT LOUIS

nos ennemis, pour quoy il ne nous osassent venir courre sus. Et de ce est escrit : « Se tu creins « Dieu, si te creindront toutes les riens qui te ver- « ront. » Et ceste demeurée fist-il tout contre son consoil, si comme vous orrez ci-après. Son cors mist-il en avanture pour le peuple de la terre garantir, qui eut estei perdus dès lors se il ne se fust lors remez.

13. Li quarz faiz là où il mîst son cors en avanture de mort, ce fu quant nous revenismes d'outremer et venismes devant l'ille de Cypre, là où nostre neiz hurta si malement que la terre là où elle hurta, enporla trois toises dou tyson sur quoy nostre neiz estoit fondée *.

14. Après ce, li roys envoia querre quatorze maistres nothonniers, que de celle neif que d'autres qui estoient en sa compagnie, pour li conseillier que il feroit. Et tuit li loerent, si comme vous orrez ciaprès, que il entrast en une autre neif ; car il ne veoient pas comment la neiz peust soufrir les cos des ondes, pour ce que li clou de quoy les planches de la neif estoient atachies estoient tuit eloschié. Et mous- Irerentau roy l'exemplaire dou péril de la neif, pour ce que àl'aler que nous feismes outre mer, une neiz en semblable fait avoit eslei perie ; et je vi la femme et l'enfant chiez le conte de Joyngny, qui seul de ceste nef eschaperent.

» Voy. il 39 e» G18 ;. C,i9

15. A ce respondi li roys : « Signour, je voi que se (C je descent de cesle nef, que elle sera de refus ; et «( voy que il a céans huit cens persones et plus; et «. pour ce que chascuns aime autretant sa vie comme « je faiz la moie, n'oseroit nulz demeurer en ceste « nef, ainçois demourroient en Cypre. Par quoy, se « Dieu plait, je ne metterai jà tant de gens comme il « a céans en péril de mort ; ainçois demourrai céans « pour mon peuple sauver. »

16. Et demeura ; et Diex, à oui il s'atendoit, nous sauva en péril de mer bien dix semainnes ; et venimes à bon port, si comme vous orrez ci-après. Or avint ainsi que Oliviers de Termes, qui bien et viguerousement s'estoit maintenus outre mer, lessa le roy et demoura en Cypre ^, lequel nous ne veismes puis d'an et demi après. Ainsi destourna li roys le doumaige de huit cens personnes qui estoient en la nef.

17. En la dareniere partie de cest livre parlerons de sa fin, comment il trespassa saintement.

18. Or di-jeà vous, mon signour le roy de Navarre, que je promis à ma dame la royne vostre mère (à cui Diex boue merci face!), que je feroie cest livre; et pour moy aquitier de ma promesse, l'ai-je fait. Et pour ce que je ne voi nullui qui si bien le doie avoir comme vous qui estes ses hoirs, le vous envoi-je, pour ce que vous et vostre frère, et li autre qui l'orront, y