Voy. g

à ce qu'il dist à mon signour Loys, son ainsnei fil, en une moût grant maladie que il ot à Fonteinne-Bliaut : «. Biaus lîz, fist-il, je te pri que tu te faces amer au « peuple de ton royaume ; car vraiement je ameroie c miex que uns Escoz venist d'Escosse et gouvernast « le peuple don royaume bien et loialment, que que « tu le gouvernasses mal apertement. » Li sainz roys ama tant veritei que neis aus Sarrazins ne vout-il pas mentir de ce que il lour avoit en convenant, si comme vous orrez ci-après ^

22. De la bouche fu-il si sobres que onques jour de ma vie je ne li oy devisier nulles viandes, aussi comme maint riche home font ; ainçois manjoit pacientment ,e que ses queus li appareilloit et metoit on devant i. En ses paroles fu-il attrempez ; car onques jour de lia vie je ne li oy mal dire de nuUui, ne onques ne li oy nommer le dyable^, liquex nous est bien espandus par le royaume : ce que je croy qui ne plait mie à Dieu.

23. Son vin trempoit par mesure, selonc ce qu'il veoit que li vins le pooit soufrir. Il me demanda en Cypre pourquoy je ne metoie de l'yaue en mon vin; et je li diz que ce me fesoient li phisicien, qui me disoient que j'avoie une grosse teste et une froide fourcelle, et que je nen avoie pooir de enyvrer. Et il me dist que il me decevoient; car se je ne l'apprenoie en ma joenesce et je le vouloie temprer en ma vieil-