Et me conta li sainz roys que il ne sa mère

1 . Blanche de Caslille. I 3. Le relatif que représente quas^

t, Pliilippe, (lit Hurepel, frire de j équivalent de ut illm. Uuis VIIL I 4. En 1237.

qui estoient à Montleheri, ne osèrent revenir à Paris jusques à tant que cil de Paris les vindrent querre à armes. Et me conta que dès Montlehery, estoit li chemins pleins de gens à armes et sanz armes jusques à Paris, et que tuit crioient à Nostre Signour que ,il li donnast bone vie et longue, et le deffendist et gardast de ses ennemis. Et Diex si fist, si comme vous orrez ci-après.

74. A ce parlement que li baron firent à Corbeil, si comme l'on dist, establirent li baron qui là furent que li bons chevaliers li cuens Pierres de Bretaigne se reveleroit contre le roy; et acorderent encore que lour cors iroient au mandement que li roys feroit contre le conte, et chascuns n'averoit avecli que dous chevaliers. Et ce firent-il pour veoir se li cuens de Bretaigne pourroit fouler la royne, qui estrange femme estoit, si comme vous avez oy ; et moût de gens dient que li cuens eust foulei la royne et le roy, se Diex n'eust aidié au roy à cel besoing, qui onques ne li failli.

75. L'aide que Diex li fist fu teix que li cuens Tybaus de Champaigne, qui puis fu roys de Navarre, vint servir le roy atout trois cens chevaliers ; et par l'aide que li cuens fist au roy, convint venir le conte de Bretaigne à la merci le roy : dont il lessa au roy, par pais faisant, la conteé de Ango, si comme l'on dist et la conteé dou Perche.